مشكلتي مع خطيبي.. ردو علي بليز

[خيوط الأمل]

السلام عليكم ...

أنا بصراحه معجبه بردودكم اللي تثلج الصدر وأتمنى ألاقي رد من عندكم يثلج صدري أنا وخطيبي
خطيبي مره شخصيته قويه وهيبه بشكل مو طبيعي لكن أنا لأ وهو يتضايق من هالشي..
كل يوم يعصب علي ويقول اني بارده وما عندي شخصيه ويبي يكون عندي هيبه ورزانه ورزاحه وجراءه وكل شي.. وما أقدر أعطيه رايي شو نسوي حق مستقبلنا لأني أنا متعوده من يوم صغيره أكتم كل شي بداخلي وما أتجرأ
وأنا ودي أكون مثل ما يبي لكن حاولت وما قدرت ومو عارفه كيف لأني وايد أحبه وهو يحبني وايد
أنا وايد خجوله وما أقدر أرد ع أحد اذا ضرني .. ودي يكون لي شخصيه بس كيف ساعدوني

 

[الشحرورة]

اممم خذي راحتج معاه اكثر

وقولي رايج بدون خجل


وخلي عندج برستيج معاه وحدوود حتى لو انتي شخص مختلف بس

مثلي جدامه عشان ما ينقص من قدرج

وشوي وشوي راح تتعودين

وتقدرين تستعيين بكتب من مكتبه جرير

او او مكاتب ثانية

بالتوفيق

 

[غلاء 2008]

الله يكون بعونك
ان شاء الله البنات يفيدوك

 

[خيوط الأمل]

يليز لا تحرموني من ردودكم

 

[ملكة ببلقيس]

حبيبتي شخصيتك لك وهذي ما يميزك
فليه اذا تزوجت يريد زوجك ان تكوني
طبق الاصل من شخصيته
لاتكوني له كما يريد
بل كما تريدين انت
إلا اذا صار في شخصيتك عيب او سلبيات
فحاولي ان تصلحيه
وليس هذا الاصلاح نابع من طلب زوجك
ولكنه نابع من انه خطأ ويجب اصلاحه