مشكلتي مع بنتي

[ام نومى]

السلام عليكم

مبارك عليكم ماتبقى من الشهر

أواجه مشكله مع طفلتي وممكن بعض الأمهات واجهوها ايضا

عندي بنت عمرها 5 سنوات عنيدة جدا


مرات كثيرة ترتفع حرارتها استخدم معها خافض الحرارة الشراب مرات يجيب مفعول ومرات لا خاصة في الليل وقت النوم فاظطر احطلها تحميلة والحمدلله تنزل الحرارة ، البنت جدا عنيدة ترفض وتبكي وتبتعد عني خايفة استخدم معها اُسلوب القوة او العصبية ويأثر الموضوع في نفسيتها مو عارفة شلون اقنعها ياليت تفيدوني

الله يبشر اللي تساعدني بالخير المشكله حيل مأزمتني

 

[سماء عالية]

اهلا غاليتي..
الف سلامة على بنيتك..
افضل شي تحممينها الين تنزل حرارتها وتحطينها بحوض والكمادات ..
وحطيلها العاب او حطيها عند التيفي لحتى تنزل حرارتها وطلعيها من الحوض..
........
بالنسبه للعناد
كل طفل بهذا السن يحب يصير مستقل بشخصيته ويبرز نفسه..

واشهر طريقة هي العناد والصراخ
والحل بأيدك انتي،،
لازم تكوني صبورة عليها وعندك قدرة تحمل و حزم!!

اول شي كلامك وافكارك عنها تراها تتبرمج وتصير واقع،،
يعني استبدلي كلمة عنيدة ب مطيعه
دايما كرري بنتي مطيعه
ناديها بنيتي المطيعة والهادية
عند النوم حصنيها وكرري باذنها اليسار كل الاشياء الي حابة تصير فيها..
..
ثاني شغله
لما تعاندك على شي مثلا غرض معين وانتي تبين تمنعينها منه خذيه بحزم وقوليله الاسباب طبعا بتبدا تصرخ طنشيها وكانها مو موجودة الين تزهق وتتعب وبترجع بنفسها..
ولما تعدا فهميها انتي ليش منعتيها..
وحتى بالسوق لو سوتها حرميها من الروحه ولو صار واخذتيها وصارخت طنشيها و روحي عنها وبتبكي الين تشوفك اختفيتي عنها وبتخاف وراح تجيك ركض ههههه
..

ولدي صار يزعل وقت الوجبة على اي شي المهم يزعل ويقعد بركن ويبكي ابوه كان يتحايل عليه وتعال حبيبي ويلا اكل ويدلع فيه وهو يصارخ وصار يعاند اكثر ويتمادى بتصرفاته واستفزازاته!!

بعدها صرنا نطنشه واحنا ناكل ونسولف ولا كانه احد يصارخ وشوي شوي يتسحب الين يرجع ياكل!!
حاولي تتجاهلينها لانها لو كبرت على هذا الاسلوب راح تتعبك بعدين..​

 

[Hanoon Alkubisi]

السلام عليكم ورحمة الله وبركاته

اختي العزيزة , اقنعي طفلتك مثلا بشراء هديه او لعبه او شئ هي تفظله او طعام تفظله الطفله و اهم شي لا تستعملي العنف معها وهذا امر طبيعي يحدث مع جميع الاطفال فلا تقلقلي

اتمنى اني اكون ساعدتك

 

[ام نومى]

اهلا غاليتي..
الف سلامة على بنيتك..
افضل شي تحممينها الين تنزل حرارتها وتحطينها بحوض والكمادات ..
وحطيلها العاب او حطيها عند التيفي لحتى تنزل حرارتها وطلعيها من الحوض..
........
بالنسبه للعناد
كل طفل بهذا السن يحب يصير مستقل بشخصيته ويبرز نفسه..

واشهر طريقة هي العناد والصراخ
والحل بأيدك انتي،،
لازم تكوني صبورة عليها وعندك قدرة تحمل و حزم!!

اول شي كلامك وافكارك عنها تراها تتبرمج وتصير واقع،،
يعني استبدلي كلمة عنيدة ب مطيعه
دايما كرري بنتي مطيعه
ناديها بنيتي المطيعة والهادية
عند النوم حصنيها وكرري باذنها اليسار كل الاشياء الي حابة تصير فيها..
..
ثاني شغله
لما تعاندك على شي مثلا غرض معين وانتي تبين تمنعينها منه خذيه بحزم وقوليله الاسباب طبعا بتبدا تصرخ طنشيها وكانها مو موجودة الين تزهق وتتعب وبترجع بنفسها..
ولما تعدا فهميها انتي ليش منعتيها..
وحتى بالسوق لو سوتها حرميها من الروحه ولو صار واخذتيها وصارخت طنشيها و روحي عنها وبتبكي الين تشوفك اختفيتي عنها وبتخاف وراح تجيك ركض ههههه
..

ولدي صار يزعل وقت الوجبة على اي شي المهم يزعل ويقعد بركن ويبكي ابوه كان يتحايل عليه وتعال حبيبي ويلا اكل ويدلع فيه وهو يصارخ وصار يعاند اكثر ويتمادى بتصرفاته واستفزازاته!!

بعدها صرنا نطنشه واحنا ناكل ونسولف ولا كانه احد يصارخ وشوي شوي يتسحب الين يرجع ياكل!!
حاولي تتجاهلينها لانها لو كبرت على هذا الاسلوب راح تتعبك بعدين..​

مشكورة حبيبتي .. هي الحمدلله في باقي الأمور مافيها كثير عناد انه كنت اقصد في موضوع التحاميل انا مو عارفة هو خوف او خجل حيل تتعبني معها وانا خايفة أشد معاها تبكي بكي مو طبيعي بس اجيب سيرة الموضوع لدرجة اخر مرة حرارتها 39 حيل حرارتها مرتفعة كانت حممتها وعطيتها خافض ونامت بعد ساعتين الحرارة نار صحيتها عشان احط لها تحميلة فولتارين ظلت تبكي وتحاول تقاوم انه خايفة عليها ناديت الشغالة مسكتها لي وعطيتها ظلت تبكي بعدها وهدت ونزلت الحرارة

انه مو حابة هالشي يتكرر لكن كيف ممكن اقنعها ان هذا الشي في مصلحتها واحببها خاصة ان هالنوع من الدوا مفعولة أسرع من الشراب

 

[ام نومى]

السلام عليكم ورحمة الله وبركاته

اختي العزيزة , اقنعي طفلتك مثلا بشراء هديه او لعبه او شئ هي تفظله او طعام تفظله الطفله و اهم شي لا تستعملي العنف معها وهذا امر طبيعي يحدث مع جميع الاطفال فلا تقلقلي

اتمنى اني اكون ساعدتك

مشكورة اختي

راح اجرب فكرة الأغراء بالهدية

 

[Thoothoo]

استخدمي معاها فكره الجدول
كل ماسوت شي زين حطيلها صح
وكل ماتلتزم وتصير مطيعه وههاديه فاجئيها بشي تحبه
وقولي لانج بنت شاطره تسمعين كلام ماما

واذا العكس استخدمي معاها اسلوب الحرمان من الاشياء اللي تحبها

وتمالكي اعصابج ابد لاتصرخين وتعصبين لان العصبيه بتزيد الامر سوء تعاملي مع الموضوع بالحكمه
وعليج بالصبر الصبر الصبر