مشكلتي محيرتني,,, ساعدوني

[najw2]

السلام عليكم ورحمه الله وبركاته

مشكلتي محيرتني ومقلقتني ومخوفتني

مشكلتي بنتي عمرها ثمان سنوات
,,,,
القصه قبل سنتين كانت بالسنه السادسه دخلت عليها غرفتها وكانت متهيئه تبي تنام ومنسدحه على بطنه وتهز جسمه ومغمضه عيونه فتحت الغطاء وحصلته تداعب اعضائها من فوق الملابس طبعا عصبت وهاوشتها وعاتبته بصوت مرتفع وهددتها انها لو عادتها ابعاقبها ,, ولا قد شفتها تسويها او بالاصح انا انشغلت عنها اليوم والان شفتها تسوي نفس الحركه جسمها يهتز ومتغطيه ومغمضه عيونها ومنسدحه على بطنها فتحت الغطاء وقلت وش تسوين قالت ابنام قلت وين ايدك اسكتت قلت بعيبك قالت ايه قلت مايصلح ياماما عيب ومايصلح قالت طيب قلت كل يوم تسويين كذا سكتت عدت السؤال ,, قالت ايه
بصراحه انصدمت قلت بهدوء مايصلح حبيبتي ترى يصير عيبك خربان قالت طيب تصبحين على خير يا ماما
,,,,,,
وش الحل انا مابي اغلط زي اول واعاتبها لاني ماراح استفيد هذاها تسويها كل يوم
ابيكم تساعدوني بحل وبراي وبطريقه بحيث تبعد عنها
انتظر ردودكم وارائكم يا اغلى خوات بالدنيا
اختكم
نجو

 

[دانة الشام]

لاتقلقي عزيزتي,,في هذا العمر يصبح عندهم فضول لاكتشاف أعضائهم التناسلية,,الأفضل أن تستشيري أخصائي بعلم نفس الاطفال هو من يعطيكي الطريقة الصحيحة في معالجة الموضوع,,ممكن تعطيها مجموعة قصصية تقرأها قبل النوم طبعا تكون مناسبة لعمرها واعطيها مكافأة عن كل قصة تتصفحها,,واذا عندك وقت ورغبة اجلسي قربها واقرأي لها إلى أن تنام..ممكن تعطيها جهاز استماع صغير وسجلي لها أغاني أطفال هادئة أو سور القرآن القصيرة التي تتعلمها في المدرسة واطلبي منها أن تستمع لها قبل أن تنام,,يعني أي شيئ يلهيها عن ماتفعله ويلفت نظرها,,المهم أن تتجنبي معقابتها بشدة وتستشيري مختص ليرشدك ويعطيكي النصيحة المناسبة,,وربي يفرحك فيها ويطمن بالك..

 

[دانة الشام]

ادخلي بمشكلتك لقسم الأمومة والتربية الموجود هنا في المنتدى قد تحصلين على نصائح مفيدة أكثر..ربي يخترلك الخير.

 

[دانة الشام]

ادخلي بمشكلتك لقسم الأمومة والتربية الموجود هنا في المنتدى قد تحصلين على نصائح مفيدة أكثر..ربي يخترلك الخير.

أو قسم الثقافة الجنسية للأطفال..

 

[ღ اُمـ رامي ღ]

دانة الشام كفت ووفت

 

[najw2]

اشكرك اختي دانه الشام واسأل الله سبحانه وتعالى ان يوفقك ويرزقك ويستر عليك اللهم امين ,,, اشكرك من كل قلبي وجزاك الله خير

,,,

ام رامي مشكور يالغلا لتواجدك بمشكلتي

 

[كلي لضناي]

السلام عليكم اختي نجوى اول شي بسالك عندك خدامة بالبيت او بشكل اوضح خدامة اندونيسيه الشي الثاني يمكن مافية رقابة عندك بالتلفزيون البنت تحط افلام الشي الثالث تاكدي من صديقاتها من المدرسه يمكن هم فتحوا عيونها على اشياء جنسية طبعا لازم تشوفين كل شي نقطة نقطة بعدين تلقين الحل وانصحك اذهبي لمركز مطمئنه بالرياض اذا كنتي من سكان الرياض المركز لطارق الحبيب

 

[najw2]

كلي لضناي لا والله ماعندي خادمه والقنوات عندي محدوده وانا اللي اتحكم بالتلفاز وبالنسبه للصديقات ما اعرف بصراحه ,,,

بس قريت بقسم الثقافه الجنسيه عند الاطفال للعضوه بنت الهيلا موضوع ريحني بصراحه وابجرب اللي مكتوب واذا ماشفت تحسن ابزور عياده مطمئنه وجزاك الله الف خير ومشكوره يالغلا والله يوفقك ويسخرلك ويخلي لك ماعطاك

 

[دانة الشام]

كلي لضناي لا والله ماعندي خادمه والقنوات عندي محدوده وانا اللي اتحكم بالتلفاز وبالنسبه للصديقات ما اعرف بصراحه ,,,

بس قريت بقسم الثقافه الجنسيه عند الاطفال للعضوه بنت الهيلا موضوع ريحني بصراحه وابجرب اللي مكتوب واذا ماشفت تحسن ابزور عياده مطمئنه وجزاك الله الف خير ومشكوره يالغلا والله يوفقك ويسخرلك ويخلي لك ماعطاك

مركز مطمئنة له موقع في النت جربي ادخلي عليه يمكن تلاقي مواضيع أكثر تستفيدي منها,,

 

[najw2]

بعد ماقريت كذا موضوع سواء بالمنتدى او غيره
اكتشفت ان الخطاء مني بنتي حساسه مررره وانا جافه شوي معها هي طفله بسن ثمان سنوات بس انا اعاملها انها كبيره ولما أمرها تساعدني وترفض اقسى ساعات تبكي او تهوش ولا يهمني كلامها انا مسئوله عن بيت وزوج وثلاث اطفال وهي من ضمنهم وخالتي ام زوجي ولا هي اي خاله لا خاله غيوره وبدون خادمه ,, للاسف انا السبب وانشغالي بهالعائله قسى قلبي على طفلتي وخلها تلجئ لهالوضع
ابجرب الطرق اللي قريتها او اعرض الموضوع لاخصائيه نفسيه

 

[najw2]

اشكرك اختي وحبيبتي دانه الشام وابجرب الان ادخله واقراء
وجزاك الله الف خير لاهتمامك بمشكلتي وجعله بموازين حسناتك

 

[عذاب السنين]

صار الوقت يخوف
قريت قصة أم عندها بنت ثاني أبتادئي تقول عندهم في الفصل وحده
كل يوم تمسكها وتوديها للحمام الله يكرمكم وتشيل ملابسها وكذا
يعني ممكن يكون من المدرسه
راقبيها زين وأشغليها باي شي
بعدين حاولي تحببيها في ربي
يعني قولي لها ربي يحبنا وهو اللي يرزقنا وهو اللي يعطينا بيت وووو
الخطوه الثانيه
قولي لها اللي تسويه غلط وربي مايحبه
وإذا ربي زعل منا ترى يعاقبنا
أتمنى تكون وصلت الفكره
موفقه يارب
دعواتك لوالديني بالرحمه والمغفره

 

[بيرو العمودي]

المفروض تسئليها مين وكيف اتعلمت الحركه هذي
اسئليها بهدوء واعرفي منها سبب تصرفها هذا​

 

[najw2]

عذاب السنين بنتي لو اعطيها وجه واسولف معها وارسم والون والعب واسألها متأكده تبي تعلمني اذا احد متحرش فيها او هالحركه تنفيس للضغط اللي سببته لها بجهل مني طبعا بدون قصد ,, انا ابحاول قد ما اقدر اغير طريقتي معها واشبعها حب وعطف
,,,,,
وجزاك الله الف خير يالغاليه ومشكور لاهتمامك واسأل الله ان يغفر لوالديك ويرحمهم ويعفو عنهم ويسكنهم فسيح جناته اللهم امين

 

[najw2]

بيرو العمودي انا بصراحه انصدمت انها الى الان تسوي هالحركه وماسألتها بس قلت لها عيب ويصير عيبك خربان وكتبت مشكلتي
لكن بكرى ان شاء الله بتكلم معها بهدوء وحب وبفهم وش الموضوع معها ,,, وابطبق اللي قريته
,,,,,
ومشكور لك يالغاليه على تنبيهي لهالنقطه والله يوفقك ويسعدك ويسهل امورك اللهم امين

 

[Hno0odah]

ما عندي فكره في هالامور
والله يكون بالعون