مشكلتي فقدة الثقه بنفسي

م

مدمنة صبر

New member
إنضم
2011/05/12
المشاركات
1,150
بنات بقولكم شي اول شي انا مخطوبه وعمري 25 وكنت مره واثقه في نفسي والحمدالله مو هذاك الجمال بس وسط لاشينه ولازينه وجسمي مو زين بس الحمدالله راضيه بخلق ربي بس من يوم كنت اسولف مع اختي قلت فلان قد خطبني وما قلت لكم لاني استحيت وتوني اقول لك قالت اختي بالله تسئل اختي الثانيه هي ازين مني قلت والله مدري عن الرجاجيل وش لاقين فيني واضحك ههههههه:8: هنا تحطمت صح هي ازين مني وتعايرني بخطيبي ان وظيفته راتبها قليل واسكت وانسى.. و وضغطت ع نفسي ونسيت ورحت ممره لمشغل وقامت وحده تسولف معي وتسئل عني وكنت اسولف معها يوم قالت انتي مخطوبه قلت ايوه قالت شافك قلت ايوه قالت شكلك حطيتي مكياج وخدعتيه قلت ليه انا شينه ضحكت صرفت نفسها ان جوالها يدق هنا انجرحت وقلت اكيد اني شينه هاذي ما تعرفني وقالت مثل كلام اختي مدري وش اسوي صرت افكر اني شينه وان اللي خطبوني قبل بس عشان ابوي وامي الحين ما اهتم بنفسي صرت مهمله الللي يشوفني يقول عجووووز نسيت نفسي وكل يوم متضايقه كل ما انسى السالفه واستغفر ربي ارجع اذكرها واقول وش بيقول بعدين عني خطيبي اذا تزوجني اخاف ما شافني الا لمحه والحين ابي ارجع ثقتي بنفسي وربي كرشي صارت مترين من الهممم ابي يوم اتزوج الا ثقتي في نفسي عاااااااااااليه ادري ازعجتكم بس تحملووو عادي
 
ليييه الهم هذا كله خلي ثقتك بنفسك قويه لاتحطمك كم كلمه سمعتيها,,الجمال جمال الاخلاق والروح,,وهذا نصيبك الله كتبه لك,,والله اللي خلقك مو الناس,,وسعي بالك وعيشي حياتك وكلام الناس طنشيييييه,,ومبروووووك الخطوبه الله يتمملك على خير
 
//

خليك واثقه وماعليك من الكلام البايخ زوجك الحمدلله شافك وعجبتيه ووافق عليك

ترى مو كل من علقت عليك تاخذين برايها ترى بعضهم فيهم غيرة وحسد ومريضين

انتبهي تلتفتين لهم وتسمعين كلامهم وخذي بروفا بكرا بعد الزواج بتشوفين نماذج مليان من هالاشكال .

اهم شي الواحد يكون واثق من نفسه , وانتي لاتتركين لاحد مجال يعلق عليك اهتمي بنفسك وانحفي وشدي حيلك

اذا ماشديتي حيلك الان اجل متى ؟؟ اتركي عنك الكسل

انبسطي وعيشي هالمرحله ياعروسه :)
​
 
تسلممون انا قلت اكيد اختي عشان بس اللي خطبها واحد يمكن غيره واللي في المشغل عشان عمره 32 وماتزوجت لانها قالت بالغلط عمرها
 
الحمدالله انا مهته بنفسي قبل بس الحين تحطمت وبحاول ان شاء الله بس الحين بحاول اغير نفسيتي لانها هي اهم شي !!! الحين اذا جيت اسولف مع احد صرت اتلخبط وكل سوالفي ضحك واحيان ودك تقولين اسكتي لا تسولفين !!
 
حبيبتي الجمال الخارجي مو كل شيء
ولا انت مطالبة تكوني ملكة جمال
اجعلي جمال بجمال روحك واخلاقك
وبسمو مبادئك حتى ان لم تبهري العيون باذن الله ستسلبي القلوب
الله يوفقك يارب​
 
الحمدالله والله الجمال ما افكر فيه والحمدالله صديقاتي يحبوني ومتواصلين معي واخلاقي زينه واجامل واسكت بس مشكلتي الثقه !!
 
اختي الجمال جمال الروح في رحال بيكون متزوج وحدة بتجنن من جمالها وبيطلقها لان روحها واخلاقها مو حلوة والله بيعث ليكي العرسان مشان روحك الحلوة ولا يهمك منهم ولما وحدة بتضحك عليكي قولي لها المهم انه هو شايفني حلوة واذا انتي احلى مني الله يبعث لك احسن المهم لا توجعي لي دماغي وهيك ولا وحدة راح تقولك شئ واستمتعي بايام الخطبة هي احلا الايام
 
مشكوره يالغلا اصلا ما اكلمه صرت اكره اني اكلمه وينخدع فيني
 
وش بي يفيدك لو سمعتي كلام الناس ماغير الهم والغم,,
هذا كلام لاراح ولاجا اهم شي نظرتك لنفسك,,
 
من جدك انتي يعني الي كلمتك في المشغل عانس محد دق بابها وش تبيها تقولك يازينك وحلاتك وان شاء الله تنسعدين اكيد بتقولك هيك لانها غيرانه وبعدين اختج اكيد في سبب خلاها هيك تقول يعني اختك احلى منك بس يجوز مافيها صفاتك وتغار كمان وبعدين يعني لو انتي شينه مثلا لو متوسطه االجمال اكيد زوجك انتي شفتي وماكان بجمال النبي يوسف
يا اختي الجمال جمال الاخلاق والقلب قبل الوجه فكم من امراءة جميله ولكنها ساخطة لا تحترم احد لا تراعي والديها ولا دينها .
 
حبيتي مافيه أنثى قبيحة الجمال معنى أكثر من كونه مظهر ياما جميلات تنفرين منهم وياما بنات متوسطات الجمال بأخلاقها وروحها وأناقتها تنجذبين لها

خليج واثقة بنفسج وجمالج واهتمي بأناقتج وتر الثقة بالنفس هي ثلاثة أرباع الجمال

قولي الحمدلله انج سليمة و معافاة وعيشي حياتج وانبسطى وطنشي التعليقات السلبية

موفقة
 
ماعلييج من احد ....واضح ان المسأله مسألة غيره ...وتراها موجوده حتى بين الاخوات
ولاترضين لاي احد يعلق عليج لا بشكل ولا بغيره وانتي بعد لاتمزحين بهالاشيا ..عشان ماأحد يتجرأ عليج ..انتبهي لحالج واهتمي فيها بهالفتره
غصبي حالج ع الاهتمام بالبدايه يمكن بتشوفين مالج خلق بس مع الاهتمام بتحبين نفسج اكثر واكثر وبتشوفين حالج احلى واحلى واكثر ثقه
الله يوفقج ويهنيج ياعروس:cupidarrow:
 
مشكوورات انا فكرت اقول للي في المشغل انتي مزيونه وماتزوجتي بس خفت من ربي يعاقبني وسكتت >ا قلت اكتمي غيضك هههههه اخلاق انا بس المشكله اذا احد تكلم علي اسكت احيانا اندم على السكوت واحيانا اقول احسن

بنات انا وربي اهتم بنفسي بس مو زي قبل

ابي اشياء تساعدني على ثقة بنفسي ابي انسى كلامهم

جزاء الله خييييييييير من رد علي ولاحرمهم الاجر :3:
 
نحمده ونشكره ... اختي السبب عشان قلت ان واحد خطبني وانا وربي صادقه اخته كلمتني ورفضته بدون اهلي ما يدرون وربي ما احد يدري وقلت بس وانا نيتي سليمه مو افتخر
 
عزيزتي .. لو الواحد يبي يسمع لكلام الناس فيه كان انعدمت الثقة من زمان:crazy: .. وبعدين ما ينخطب الا الحلوات:eek: على كذا نص المتزوجات ببيوت اهلهن :25: وأهم شي التوفيق بين الزوجين ..
وعلى فكرة ترى المظهر نصف الجوهر .. ويا كثر العاديات وأحيانا جمالهن اقل من المتوسط وبسبب الاهتمام والعناية بالنفس والاناقة :26:تكون لهن طلة غير ويصير لهن جاذبية .. انتبهي لاتهملين نفسك .. والله يوفقك يا الغلا ..
 
حبيبتي الوحده تثق بنفسها حتى لو وجدت انتقادات حتى لاتتحطم شخصيتها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل