بادئ الموضوع تاريخ البدء
  • المشاهدات 1,328
  • الردود 12
الحالة
مغلق و غير مفتوح للمزيد من الردود.

ربي ارحمني

New member
إنضم
24 مايو 2008
المشاركات
5
مستوى التفاعل
0
النقاط
0
السلام عليكم ورحمه الله وبركاته

اشكركم ع موقع الرائع


عندي مشكله بس غييييير عن الكل

انا حاليا مالجة مشكله في أبوووووووووووي

أبوي مب طايع يعطيني مهري وفلوس زهابي حقي

انا تقريبا مهر + زهابي 100 ألف

قالي بعطيج بسسسسسسسس40 ألف والباجي حقي

تعرفو الحين الذهب غالي كل شي غالي فالامارات ما بكفييييييييني شي ابدا

قلت مب مشكله المهر ياخذه 20 ألف حق أبوي و10 حق امي والباجي حقي

وهو مب راضي اونه انا ربيتج وصرفت وتعبت عليج بزوجج جي بدون ما اخذ منج شي

مع ان أبوي مقتدر وعنده فلوس الحمد الله مب ان فقير


ما بكفيني الفلووس ابدا لان ريلي يباني اشتري كل من الزين واكون كشيخه

بقولوو اهل ريلي لو شافو زهابي اشوي بقولوا بيزات الي عطيناهم وين ودوها وبتكلمو عن ابوي

اخاف ريلي يعايرني ويذلني بعد العرس

لان مره فكرت اقيس نبض ريلي

قلت له ان وحده من ربيعاتي ابوها خذ عنها 50 ألف وعطاها 40 ألف بس تتزهب قاااااااااال ريلي هذا أبوها باااااايعنهاااااا وما يباااها وطمعاااااااان والخ ... وكل ابو يزوج بناته وما يخذ من عن بناته اي شي بل يزيدهم ما ياخذ من عنده والخ


وااااااااايد خايفه من ريلي .... حتى هو يسألني كم عطاج ابوووج الزهااب اتم كل ساكته ما اتكلم


الحين شو الحل مع ابوووي ..؟؟


ادعوووو لابوي بالهداايااا ويعطيني فلوسي لو ما عندكم حل

تعبااااانه وايد من السالفه
 

جنة أهلي

New member
إنضم
2 يناير 2008
المشاركات
631
مستوى التفاعل
0
النقاط
0
حبيبتي للاسف فيه اباء كثير من هالنوع , بس انتي حاولي تذكرينه بان المهر من حق العروس مو اهلها , و حاولي تكلمين امك علشان تقنعه , و ان شاء الله بيقتنع و يرد لك مهرك.

و اذا ما اقتنع وكلي امرك لله و ما لها داعي تسوين مشكله بينج و بين ابوج مهما كان .

و زوجك ابدا لا تقولين له شي , لان الزوج اذا طاح من عينه اهل الزوجه ابدا ما راح يقدرها و يحترمها ,و لا بيحترم اهلها . و اذا سألك عن مهرك قولي له : " ان المهر من حقج و ما له حق حتى انه يسأل عنه "

والله يوفقج بحياته الجايه و يحنن قلب ابوج و يرد لج مهرك.
 
إنضم
3 مايو 2008
المشاركات
7,275
مستوى التفاعل
2
النقاط
0
الإقامة
قلب حبيبي
انتي حاولي مع ابوج وخلي امج تكلمه واذا رفض

اتزهبي على قد فلوسج والله يعينج واذا ريلج تكلم قولي له الدنيا غالية والذهب غالي وايد ما قدرت اشتري وقولي له اذا لزم يعرف وين مهرج ان هالاامر يخصج وانه مو منحقه يذلج بفلوسعطاج اياها وبجذي ما بيسال

وانتي حاولي الثياب الزينه الي عندج تحطينها معاج عشان ما يحس ان جهازج شوي ..ز

وانا من رايي بما ان عندج 40 الف / خلي 15 لملابس النوم والداخلية والبدلات والعبي و الشنط والعطور ولو كان شوي قوليله اخاف بعد الزواج يتغير جسمي فحرام اعق ثيابي وهي جديدة فبشتري لي احتجت بعدين وخلي لج 25 اشتري ذهب واخذيلج شبكات تكون صغيرة عشان تستوي وااايد واذا قالج ليش ما اشتريتي شبكات كبار قولي له انا احب الشبكات الصغار لانها عملية وطبعا كثري من الخواتم

اتمنى اكون افدتج والسموووحة
 

نجوم الليل

New member
إنضم
29 أكتوبر 2006
المشاركات
72
مستوى التفاعل
0
النقاط
0
هلا اختي ..
اول شي توكلي على الله وانشاء الله ما بيستوي الا الي فيه الخير ... وعقب سيري قولي حق ابووج ريلي وهله يسالون شو اتزهبتي ... شو اشتريتي ... وانته يا ابويه ادريبك ما تباني اتفشل جدامهم ... وانا ابا اشتري وكل شي غالي .. واذا اترومين صيحي وقولي ما بعرس .. حاولي.. اذا ما فاد خلي امج تتوسط .. واذا مره ما نفع شي ... سوي كل شي بسيط .. يعني فستان العرس اجريه والاشياء الاساسيه سوي شويه بس حلوة والله ايوفقج
 

me~4~you

New member
إنضم
17 يناير 2008
المشاركات
265
مستوى التفاعل
0
النقاط
0
انا من رايي تحطينهم قدام الامر الواقه تتزهبين الين تكملين الاربعين وتخلين الذهب اخر شي وقوليلهم خلصت الفلوس وبعدني ماشريت الذهب
كل شي غالي وماتوقعت جيه بستوي فيني واذا الوالد الله يهداه ما اهتم قوليلهم بستلف وبعدين سددوه اذا ماعندكم الحين انا مااقدر لازم اشتري لي ذهب دبرولي حل ؟؟ انا اشوف تحطين ابوج امام الامر الواقع
ولا تنزلينه وياج السوق يوم بتسيرين تشترين الذهب خليه يشوف الاسعار طقمين الحين يالله 14 الف خلي ابوج ينزل وياج ويشوف الاسعار هو من نفسه مابروووم يخليج جيه بحس فيج ويمكن يعطيج اياهم ...وبالتوفيق يالغاليه .
 

بنت حزينة

New member
إنضم
26 يونيو 2008
المشاركات
68
مستوى التفاعل
0
النقاط
0
الله يهدي ابوك كلميه مره ثانية باسلوب طيب وقولي ابوي راح اشتري واتجهز والي بينقص انت بتزوده وقولي له ما ترضى ان اهل زوجي يتكلمون علي ويزعل زوجي مني لازم اشتري فستاتين فخمة وتيورات وجلابيات وعطورات ومفارش وشوية اغراض للمطبخ وتجهيزاتك لازم توضح انها فخمة وانيقة وشيك وبصراحه زوجك دفع مهر عالي و راح يصاب باحباط ويتكدر لو ماشاف اغراضك زينة وفخمة فوضح الامر لاهلك وكلميه ابوك باحترام وبلطف و قولي لابوك يزودك اذا نقص عليك شيء قولي ما ابي اتفشل عن زوجي واهله واكثري من الدعاءو الله يوفقك يارب ويتمم لك على خير
 

المنقبة

New member
إنضم
17 يونيو 2008
المشاركات
823
مستوى التفاعل
0
النقاط
0
الموقع الالكتروني
🔗
الله يعينج حبيبتي والله مشكلة انتي حاولي معاه و الله يقدم الي فيه الخير
 

سارونه 33

New member
إنضم
11 يونيو 2008
المشاركات
313
مستوى التفاعل
0
النقاط
0
حبيبتي الله يكون في عونك
ادعي الله واكثري من الاستففار
والله يهدي ابوك ويرجع لك مهرك كامل وزياده عليه
 

كويت1234

New member
إنضم
18 يونيو 2008
المشاركات
58
مستوى التفاعل
0
النقاط
0
منطق الوالد يخالف الشريعة يبي له من يشرح له الصح ويدله00افتحي الموضوع أمام واحد كبير في السن عم أو خال وتكونين شارحة له الموضوع مسبقا00بس لاتبينون أما م الوالد أنكم متفقين عشان ما يتكبر ويعصب00وهنا يتكلم الشخص هذا بالقرآن والسنة وراح ينحرج الوالد00الله يوفقك
 
إنضم
26 مايو 2008
المشاركات
11
مستوى التفاعل
0
النقاط
0
عزيزتي انشالله الأربعين بتكون كافيه بس حاولي انك تعطين كل شي حقه وحاولي تقتصدين شوي فمثلاً ملابس النوم مولازم تكون من أفخم المحلات احيانا تلاقين اشياء حلوه وناعمه واسعارها مناسبه واستغلي اوقات التخفيضات. بالنسبه لي كان مهري 30الف فقط والحمدلله كان جهازي رائع . وبالنسبه للوالد صحيح مو من حقه انه ياخذ منك بس مهما كان هذا ابوك وله حق عليك ومهما عطيتيه ماراح توفينه حقه فإحتسبي الأجر عند الله وانشالله راح يعوضك ويسهل امورك . وبالنسبه لزوجك انتبهي تقولين له لأنه ماراح ينسى وبيمسكها عليك طول عمره. و
اتمنى لك التوفيق
 
إنضم
14 يونيو 2008
المشاركات
14
مستوى التفاعل
0
النقاط
0
والله الاخوات ماشاء الله جابو كل الحلول..
وزي ما قالت الأخت: كويت1234
اذا عندك اعمام كلميهم.. تراه بيستحي منهم..
الحلول المطروحة منطقية.. جربي اللي تحسيه بيخدمك
والله يوفقك
 
الحالة
مغلق و غير مفتوح للمزيد من الردود.

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى