بسم الله الرحمن الرحيم
هذي اول مشاركة لي واتمنى تساعدوني ...
انا عمري 15 .. يوم كان عمري 14 خطبني ولد عمتي (اخلاقه وايد زينة وكل الناس يحسدوني عليه )وانا ايامها ماكنت افهم شي .. فوافقت بدون ما اعرف عنه أي شي .. ويوم صار عمري 15 سنة صرت افهم الدنيا شوية شوية .. وصار هو يتصل علي ويتكلم معاي ومن اول مرة اتكلم واياي حسيت بضيق وعدم تقبل الامر .. ورحت قلت لامي ما ابيه قالت لي ما بتلقين مثله .. قلت لا ما ابيه وراحت امي كلمت ابوي وفتح ابوي معاي الموضوع وقلت له اتصل فيهم وقول لهم البنت ما تبيكم .. وكانت الصدمة الكبرى ان ابوي عصب علي ومارضي وقالي لا ما بقولهم .. روحي سوي استخارة وان شاء الله الله يسوي الي فيه خير .. بعد كم يوم رجعت له و قلت له قول لهم خلاص انا تعبت ما اقدر استحمل اكثر من جي .. ليش اغصب نفسي على شي انا ما ابيه ..قام عصب وقال لي ما بقولهم انتي ما تعرفين مصلحتك وين ..الحين مافي لاعرس ولا ملكة ولا شي يوم تكبرين لوما غيرتي رايك بنقول لهم .. ...
هذي قصتي يا جماعة ..انا اقتنعت بكلام ابوي اني لسا صغيرة .. بس المشكلة انا الحين ابي اعيش حياتي زي كل الناس ما ابي اربط نفسي بخطوبة وهاي السوالف ابي اعيش حياتي free انا لسه صغيرة على جي .. ابي اعيش زي صحباتي وكل الي في عمري .. بليييز قولوا لي وش اسوي احس نفسي مو بنت زي كل البنات .. بلييييييز ساعدوني :icon1366:
