مشكلتي صعبه

[أمووونه الحنونه]

السلام عليكم ورحمة الله وبركاااته

انا عندي مشكله فحياتي واعاني وايد

ولما دشيت هالموقع وخاصه مكتب الاستشاريه موزة خلفان وقريت عن الشخصية التابعه حسيت كانها تتكلم عني بالضبط

بس الحمدلله بعدني فأول الدرب انا متزوجه تقريبن من عشر شهور
واحس ريلي يتحكم فيني بكل كل شي
وانا سامحه بهالشي لاني احبه واحس اني بموت من دونه ماعرف ليش بس انا جذيه
واذا زعل مني تسود الدنيا فعيني
واذا حسيت انه ما يبيني او ما يحبني اتمنى اموت
دخيييييييييييييييييييييييييييييييلكم ساعدوني والله كارهه نفسي وكارهه تصرفاتي
والله نفسي اغير من شخصيتي

واذا تغيرت صدق بدعيلكم من كل قلبي

ريلي وايد متسلط وقاسي وبسرعه يغضب
بس الطريقه الوحيده اني اخذ اللي اباه كلامي الحلو

يباني اخلي ربيعتي اونه لانها تحبني وايد ويقول انها بويه عسب المسجات اللي تطرشها وانا اشوفها عادي
المهم قالي يا أنا ياهي

وان شفت رقمها عندج ياويلج

كان معصب مررره

يتضايق يوم اقوله ابا اسير عند اهلي
فعشان يقهرني يقولي باتي عندهم عاد انا اذا قالي جيه اهون

مادري انا اعرف اني لاصقه فيه وايد وماعرف كيف اتصرف

احسني ياهله

وتصرفاتي قلبي اللي يتحكم فيها

انا قريت عن الشخصيه بس ابدا ما عرفت شخصيتي

انا طيبه وايد وعلى نياتي وهو يستغل فيني هالشي وايد وايد
يجذب علي وايد واصدق

ارجووو المساعده

 

[*شيخة الزينات*]

وعليكم السلام ورحمة الله وبركاته

اول شي حبيبتي انتي توك عروس
ولاتخلين زوجك من بداية حياتكم ويتحكم فيك لانه بيتعود على هالطبع
وانتي بعد لاتخسرين شخصيتك وهيبتك عشانه انا ما اقول ارفعي صوتك وصارخي لا
خلي لك كلمتك وشخصيتك ولاتنازلين عن حقوقك عشانك تحبينه ... ومثل ماتشوفين زوجك عجبه الوضع وشكله عارف انك تنازلين بسرعه عشان كذا بدى يتحكم فيك من اولها
حتى صديقتك حرام تخسريها

لاتنازلين عن شخصيتك عشانك تحبين زوجك ترا بالنهايه انتي الخسرانه
والله يسعدك ويسخر لك زوجك ...

اتمنى اني افدتك ..​

 

[صفاء القلووب]

حاولي انك تطنشيه شوي وثثقلين عليه
وان شالله يفيدونك البنات