مشكلتي تعبتني يادكتورة

[كلي جروح]

بسم الله الرحمن الرحيم
انا جديدة في المنتدى هذا ومسجلة لاستشير الدكتورة ناعمة بعد ماقرات بعض استشاراتها وحسيت انها فعلا مفيدة
مشكلتي باختصار
انا متزوجة من ثلاث سنوات وعندي ولد ساكنة فوق اهل زوجي امه واختة مطلقة وعندها بنت في نفس عمر ولدي زوجي رجل حنون وطيب المشكلة فيني انا انا انسانة غيورة جدا لدرجة اتعبتني وسببت تساقط لشعري من كثر التفكير اخت زوجي هي الكل في الكل في البيت لدرجة انها تفرض رايها على امها وزوجي يعاملها بحنان ومعطيها حريتها على الاخر لدرجة انه يمنعني من اشياء ويسمح لاختة بهالشي اذا صار فية مساهمات في البنوك عطاها تساهم مع انها مو محتاجه وانا يمنعني بصراحه احس انة يعاملها معاملة احسن مني واذا قلت له شي قال انه مسؤول عنها وهو اخوها الوحيد وهي ماتحبني علاقتنا سطحية جدا بالرغم من انا في بيت واحد حاولت اعمق العلاقة معاه اكثر لاكن ماتجاوبت معي نهائيا
والحين انا ابغى اخفف من غيرتي منها لانها بصراحة اتعبتني حاولت اتجاهل بعض الاشياء والمواقف لاكن مااقدر الغيرة ذابحتني وش الحل يادكتورة الله يعافيك

 

[كلي جروح]

دكتورة وينك ردي علي الله يعافيك نفسيتي تعبانة من الموضوع واعصابي متوترة ابغى ارتاح تكفين ساعديني

 

[أ. باسمه الكوس]

السلام عليكم ورحمة الله

اختي الحبيبة

الحمدلله انك عارفه اصل مشكلتك

وهي الغيرة الشديده

وانتي ايضا لستي صبورة وما تتحملين

بدليل انك مو قادره تصبرين لما ترد عليك الأخت ناعمه الهاشمي

وهذا سبب متاعبك

انك قليلة الاخحتمال و اللي تبينه

تستعجلين في طلبه

وهذا متعب لأن الحياة ما تمشي حسب ما نريد

والصبر مهم جدا ولا بتدمرين نفسك

وبالنسبة لأخت زوجك

هي انسانه عزباء والله رزقها حب اخوها

وانت ؟؟

تكرهين لها الخير ؟؟

وما تبين اخوها يحبها ؟؟

يعني ما هو مطلوبك ؟؟
ان يتركها وما يساعدها

حرام والله

لو انتي مكانها ماذا تتمنين ؟؟

يا اختي

وسعي صدرك

واقنعي نفسك بأن زوجك ما اخطئ ولا وزع فلوسه على علاقات غرامية

هذي اخته من شحمه ولحمه وما لها غيره

بالعكس لازم تشجعينه على وصلها وعطاءها

واذا هو حنون معاها معناه راح تشوفين الخير منه مستقبلا

صدقيني اذا تبين تكسبين حبه

اظهري حبك لها وتقربي منها

واحذري كل الحذر من التشاجر مع زوجك بسبب اخته

ترى راح يكرهك انت

(( احب لأخيك ما تحب لنفسك))


(( احب لأخيك ما تحب لنفسك ))


كثري من الدعاء ان الله يبصرك بحقيقة نفسك ويعينك على تطويرها ​

 

[زمن الالم]

الله يعينك
هذا صارت ضرتك وانت مالك ضره نفس حالتي مع بنات زوجي