ام متعب33
New member
- إنضم
- 2011/02/22
- المشاركات
- 892
السلام عليكم
حبايب قلبي يسعد صباحكم
عندي مشكله صارلها كم سنه بس هالفتره زايده علي اكثر واكثر معد اتحملها
والحمدلله على كل شي بقولكم السالفه من البدايه
لما تزوجت كانت اموري مع زوجي زينه وكنا مره متفاهمين وكذا لكن بعد فتره صارت تصير اشياء غريبه مالها تفسير يعني لما اروح للدكتوره تقول مافيك شي انتي سليمه
احترت كثير صبرت ودعيت ربي ييسرلي امري مع هالرجال الطيب
بعدين جبت عيال وكذا بعدها اللي صاير الفتره هذي اني من لما اشوف زوجي او يتصل فيني او اسمع صوت الباب توه جاي يرتفع ضغطي بقوه مدري ليه اكره شوفته مع اني والله احبه ومااشوف غيره بالدنيا
بس ماادري ليه يصير فينا كذا ولما يقرب مني احس دمي يغلي مابيه بس والله احاول قد مااقدر اسيطر على نفسي وعلى طول اشرحله اقول والله ماادري ليه اسوي كذا والله غصب عني وهو يتفهم ولا يزعل فديته
تحملت وكنت اغصب روحي عشان مااقصر بحقه بأي شي يبيه مني
والله لما يطلع من البيت احس براحه كبيره وبالذات اذا سافر يووووووووه استانس والله وبنفس الوقت يتقطع قلبي من كثر مااشتاق
المشكله اللي تاعبتني الحين هي اني هالفتره لما اكون عند الناس او عند اهلي اكون مره طبيعيه مايوجعني شي ابد
والله العظيم وربي اني من اجي عنده يوجعني ظهري الم مو طبيعي والله لدرجة احيان مااقدر اتحرك الم مدري كيف اوصفه
رحت للدكتور وبعد الاشعه والتحاليل قال مافيه شي انتي توك صغيره وهذا الالم يمكن من طريقة جلوسك او انك ترفعين رجلك للوضوء على المغسله
بغيت اصيح عنده اقوله يادكتور الم فضيع تقول مافيك شي
والله تعبت يابنات الحين وربي شاد الالم وذابحني حتى وانا جالسه ظهري يعذبني بالذات جهة اليمين
اللي مستغربته لما اتصل على مطوع يصرفني والله كثيييييييييييييير دقيت على مشايخه يقرون .. لازم يعتذر اللي يقول بيسافر واللي يقول معد اقرا واللي يقول كلمي غيري
واللي قال ابجي وفرحت انه بيجي اخذ العنوان ولا جا ولما اتصل مايرد
والمطوعه اللي اعرفها اكيد فيه منكم كثير يعرفونها ام حمد بالرياض دقيت عليها قالت تعالي بكره من بكره تعذرت مني صبرت ودقيت مره ثانيه بعد فتره وتعذرت مني مع انها تقرا لناس اعرفهم
دقيت على غيرها صرفتني !
تكفون اللي تعرف مطوع او مطوعه بالرياض تعطيني ارقامهم
وربي تعبانه تعب مايعلم به الا الله
وش تتوقعون معنى هالشي ؟ ضايق صدري وتعبانه مالي غيرالله ثم انتم
عندي ملاحظه صغيره
انا حاطه بغرفتي زي اللوحه على الجدار مكتوب فيها تبارك الله وهي من الجبس
قبل يومين لقيتها مكسره وهي بمكانها ! مكسره كلها
خفت الصراحه
كل عيالي صغار مايطولونها كيف تكسرت والله احترت
