مشكلتي احبه ساعدوني بليز

[خجل اننثى]

السلام عليكم

انا ابغى ادخل بالموضوع على طول

انا مشكلتي احب واحد من اقربائي

وهو بعد يحبني اول شي كان حب عادي يعني مابيننا شي

تطورت العلاقه وكلمته هو معروف انه ولد صالح وتقي حتى انا

بحياتي ماكلمت احد بس ماادري ليه هو بالذات اللي قدرت اكلمه

المهم اهلي دروا وطقوني وابعدوني عنه والمشكله كل مانترك بعض نرجع لبعض

ماقدرت ابتعد عنو هو متقدم لي عند ابوي وابوي موافق بس موب خطبه رسميه

بس قال له اني ابغى بنتك

طبعا ابوي ماعرف اني كلمته بس امي


انا تركته بس عقب فتره رجعت له


بليز شوفوا لي حل والله انا ماودي اكلمه حتى هو مايبغى بس والله غصب عننا


الله يخليكم والله اني تعبت مو عارفه ايش اسوي

:8:

 

[enge]

وعليكم السلام ..

حياتي هذا الطريق اللي تسيرين عليه خطا ..

حتى لو فرضنا انه تزوجك هل تظني انه راااح يثق فيك ...<<< صدقيني لا

نصيحتي لك ..

اول شي توبي لله لانك جالسة تسوين معصية ’’

اقطعي علاقتك به نهائي ,,

ادعي ربك يسترك ويرزقك بالزوج الصالح ...

ربنا يهديك ويوفقك لمايحب ويرضا ,

 

[}وردة{]

حبيبتي ما يصير تكلمينه من ورا أهلج!
حرااااااام...كيف ترضين بعلاقة مبنية على حرام؟
إنت بهاي الطريقة تخونين ثقة أهلج فيج
كيف تتوقعين ينظر لج؟

بيقول هي أمها رافضة أنها تكلمني...وهي تكلمي من وراء أمها؟
طيب موب يمكن تسوي هذا الشي وتكلم حد غيري من وراي؟؟!!
يعني هذا العلاقة بتزرع الشك في قلبه

قولي له أنا خلاص ما عاد أقدر أكلمك لأنه حرام وأمي ما تباني أكلمك
وأنا أريد أطيعها
إذا انت تحبني وشاريني...أخطبني من أبوي رسمي
وبالعـــكس بتكبرين في عينه...صدقيني!

ومن ترك شيئاً لله...عوضه الله خيراً منه!​

 

[خجل اننثى]

ايه انا قلت له هالكلام

وخلاص عزمت اتركه تركته ماصار اسبوعين الا وحنا راجعين لبعض

وربي عجزت حتى دعيت ربي اني اتركه بكيفي موب غصب عني وانه يجمعنا بالحلال

ويبعدنا عن الحرآآم بس كل مااتركه ارجع له حتى هو يرجع لي والله تعبت

 

[أنثى تعشق المطر]

أدخلي على هذا الرابط وجاوبي على الاسئله فورى وقبل تحذف استشارتك ..

http://www.niswh.com/vb/showthread.php?t=234351



:


:


ماظنتي فيه مشكلة طالما انك عارفه اللي تسوينه غلط بغلط ..!!!
يعني على قولتك انك تقيه وهو تقي
طيب اتقو الله فعلا ولا تسوون شي يغضبه حتى يجمعكم على الخير والسعآآآآآده ..!!
الحمدلله
هو تقريبا متقدم لكِ وأبوِ عنده خلفيه عن الموضوع
ماأشوف فيه دآعي لحركآت التوآصل اللي مآلهآ دآعي ... صح ..!؟
ياقلبي والله مافيه شي يسوى ويخليكِ تغضبين ربي
لاتستسلمي لوسآوس الشيطآن ابتعدي عنه فورآ ومن الآن ..
وإن ربي كتب لكِ نصيب معآه صدقيني بيوفقكم..

تذكري ..
" ومن يتق الله يجعل له مخرجآ "


أنثى تعشق المطر.!​

 

[صمت الحنينـ]

خلاص دامه خطبك اجل ان شاء الله ابووكي يووافق
ويكون نصيبك ^^

 

[خجل اننثى]

تاريخ الميلاد ؟
1415
مكان الميلاد ؟
الرياض
الحاله " مخطوبه – مطلقه – عازبه " ؟
عازيه
الدرجه العلميه ؟
ثانوي

درجة الإلتزام بالدين ؟
متوسطه
هل انتي مداومه على الصلاة في وقتها ؟
نعم ولله الحمد
المستوى المادي للأسره ؟
جيد
الترتيب بين افراد الأسره ؟
الثانيه
عدد الأخوه والأخوات ؟
4
علاقة الوالدين ببعضهم ؟
منفصلين
علاقة صاحبة المشكله ببقية الأسره ؟
ممتازه جدا
هل يوجد زوج ام و زوجة اب ؟
نعم
علاقتك مع زملاء المدرسه / العمل ؟
الحمدلله حلوه

هل تعاني من امراض عضويه او نفسيه ؟
لا ولله الحمد
الحاله النفسيـه حاليا ً عند كتابة الإستشاره ؟
حزينه

مدة المشكله منذ بدايتها حتى الآن ؟
سنتين
نقاط ضعفك ؟
الحب
نقاط قــوتك ؟
امي


الحمدلله جاوبت

 

[شكلين مابحكي]

هو معروف انه ولد صالح وتقي حتى انا

الله المستعان..
الطريق اللي مشيتي فيه انتي وإياه ما يمشي فيه
اهل الصلاح والتقى..
انا حاسه فيك لكن صدقيني
والله لو تكلمينه ليل ونهار وتطلعين معه بعد
إذا ربك مو كاتب لك تتزوجينه
والله ماتتزوجينه..

استري نفسك وطيعي ربك
واللي مكتوب لك بيجيك...
وان دعيتي ربك وطعتيه ما يخيب رجاك..
وداومي على الإستغفار
تتحقق امنياتك..
ويفرج ربي همك..

 

[بنت دادي*_^]

الطريق اللي مشيتي فيه انتي وإياه ما يمشي فيه
اهل الصلاح والتقى..

{مو شرط كــل الي يغلط سيء ومايكون من اهل الصلاح}:icon26:



حبيبتي بما إنك حاسه بذنب وذا افظل نعمه
من الله إنك حسيتي بغلطك...!

خلااااااااااااااااص اتركيه وابعدي عنه
وقولي له ادا تحوبني صح تعال اخطبني

انا ماٌأقدر اكمل معاك
انا احبك وابغاك لكــــن اذا انت تحبني تعال كلم بابا ومانبغى نستمر بالحرام


وبسسسسسسسس

 

[شكلين مابحكي]

{مو شرط كــل الي يغلط سيء ومايكون من اهل الصلاح}:icon26:

يا اختي فهمتيني غلط
انا اقصد هذا الطريق "المكالمات" مستحيل ان اهل الصلاح والتقى يمشون فيه..

اهل الصلاح لهم طريقهم ......

لكن من تاب يتوب الله عليه..
ويبدل سيئاته حسنات..