perfume
New member
- إنضم
- 2010/01/15
- المشاركات
- 1,098
مشكلتي أبوي...
لأسف الشديد أبوي انسان متشدد ورايه يفرض على جميع أفراد أسرتي الكريمة. على الرغم من انه انسان عاش خارج الدولة بفترة شبابه للعمل بأيام الحاجة. لكنه (الله يهديه) لازال يفكر تفكير يدي. المشكله هي انه انا تقدم لي من فترة قريبة جدا شاب مناسب لي مليون بالمية ومن أسرة مرموقه وشاب خلوق وصحفي ومايحتاي أقول أنه مقتدر ماشالله لكن للأسف الشديد (قدر الله وما شاء فعل) الله ماكتب نصيب والسبب انه ابوي رافض رفضا قاطعا اني اتزوج وأنا بعدي أدرس بالجامعة على الرغم من انه باقي لي سنه وحدة وأخلص دراسه ومب شرط أعرس الحين اذا وافقت عليه يمكن الريال يقدر يرتب أموره لين سنه وعقب يصير الزواج لكن تجري الرياح بما لا تشنهي السفن.
شو تبوني أسوي لين أبوي الله يصلحه ويطول لي بعمره ويهديه عقب ما خرب عليه ريل لقطة على قولتهم
الريال خلاص راح عني واللي أبيه الحين انكم تشيرون علي حل لأبوي الانسان المتعصب واللي كل ما كلمته يقول لي: انتي تبين تتزوجين؟؟ :5:طبعا أنا فاهمة شو يقصد أبوي فأستحي وما أكمل. الحين المشكلة مب اني ابا اعرس. أنا ما أبي أصير نسخة عن خواتي اللي خرب عليهم النصيب الزين وخلاهم آخر شي يرضون بالنصيب اللي أقل حظا:8:. أدري انه الدنيا حظوظ والنصيب موجود لكل وحدة بس اللي اعرفه بعد انه الانسان يجب انه ياخذ بالأسباب وأبوي أكبر سبب من الأسباب وأمي مب لها سلطة على أبوي
شيرو علي بليز أنا الصح ولا أبوي؟؟
ورجاءً بهالشهر الفضيل ادعو انه أبوي يتغير تفكيره ويصير يفكر بمصلحتنا يمكن الله يستجيب لوحدة منكم والسموحة منكم.
