مشكلتين :: بخصوص لون الجلد ، الاكزيما ..**تم الرد**

[دمعة غلاي]

الســــلام عليكم دكتورة ..

بصراحه انا عندي مشكلتين .. مسببات لي أزمة ..

الأولى والاهم :

لون بشرة الجلد ..
لوني مب متوحد .. كل منطقة بلون .. وبطريقة فظيعه ..
ويهي لون ،، اطراف ويهي لونها افتح ..
رقبتي لونها افتح من ويهي والصدر افتح ..<<<<<<< المناطق ذات اللون الفاتح مش مشكلة

المشكله في المناطق الغامجة ..
ظهري ، بطني .. وويهي وحتى ريولي ألوان ..

يعني مشكلتي عدم توحد لون الجلد .. :sad_1:

مريت على المواضيع الموجودة في القسم وقريت مشاكل البنات اللي مثلي (عدم توحد لون الجلد)
وشفت رد لج على وحده من الخوات

’’ الالدوكين ومنتجات الهيدروكينون لا تفتح اللون الطبيعى للجسم بل تفتح اللون الغامق فقط
ولا يصح ان توضع لمساحه اكبر من 10% من مساحة الجسم ‘‘

كنت متأملة اني اوحد لون جلدي ومستانسة .. بس بعد ما قريت ردج وعرفت انه بس 10% من الجسم اكتئبت :sad_1: .. خصوصاً اني مليت من الخلطات اللي ما تنفع ولا تجي بفايده ..
فـياليت اعرف رايج .. بقدر اوحده لون جلدي وارده فاتح اللون .. والا لا ؟!


مشكلتي الثانيه

الاكزيما ..
بداية الاكزيما عندي من سنتين تقريباً .. بدأت في ايدي .. وايديه بدأت تشقق وصارت جااااااااااافه من بعد ما كانت ناعمة وحتى بصمة اليد مب واضحه (تبهدلت لما سرت اسوي الهوية لما ياخذون البصمة)
وعقب بدأت عندي الاكزيما ..
راكضت كل مستشفيات البلاد .. بس مافي فايده كل الكريمات اللي عطوني اياه نفس الشي تقريباً وما تنفع حتى اني مليت وبطلت استعملهم ..
بس شكل ايدي يسبب لي الحرج .. والحين الاكزيما عندي في اليد والفخذ في بقعة واحدة ..

قريت ردج على وحده تستفر عن علاج ولدها اللي يعاني من الاكزيما ونصحتيها Elidel cream 1% عاد ولدها صغير .. ما ادري بينفع لي هالعلاج .. او انج ممكن تنصحيني بعلاج ثاني ؟!


بتعبج ويايه دكتورة ،، بس استحمليني ولج الاجر ان شاء الله : )
واتمنى قراءة ردج في وقت قريب ان شاء الله

 

[dr.eman]

حبيبتى

هذه أسهل أسئله :bigsmile: لانك جاوبتى عليها كلها ما شاء الله عليكى

اولا كما قلتى
’’ الالدوكين ومنتجات الهيدروكينون لا تفتح اللون الطبيعى للجسم بل تفتح اللون الغامق فقط
ولا يصح ان توضع لمساحه اكبر من 10% من مساحة الجسم ‘‘

يعنى استعمليه على المناطق الغامقه فقط واستعملى واقى الشمس عند الخروج


ثانيا
Elidel cream 1%

ينفع للكبار والصغار ما فى مشكله

والله الموفق :icon31:

 

[دمعة غلاي]

مشكــــــــــــــــــــــورة دكتورة .. ويزاج الله خير ..

بس سؤال اخير .. يعني استعمل الالدوكين لتفتيح المناطق الغامقة في الجسم وتنفع للبشرة ؟؟
واممم ما بتسبب حساسية خصوصا اني اعاني من الاكزيما ..

وبعد سؤال واسمحيلي على الازعاج ..

برأيج أفضل اعالج الاكزيما اول بعدين افتح لون الجلد ؟؟ والا العكس ..

والسموحه .. وعسى الله يوفقج يا دكتورة ويسخر لج عبيده ويحقق لج كل ما تتمنينه من خير : )

 

[دمعة غلاي]

آخر استفسار دكتورة : ) ..

ياليت لو تحديين لي الالدوكين ومنتجات الهيدروكينون بالضبط .. يعني الاسم ، بالضبط شو استعمل : ) ..
واستعملهم صباحا ومساء ؟ والا بس صباحاً
وكم المدة ؟ ستة اسابيع ؟؟

وعلى طاري نسبة 10% انا الاماكن الغامجة في جسمي تزيد عن الـ 10 % وبصراحه ناويه استخدمه لكل المناطق الغامجة ..
اذا استخدمته على اكثر من 10% من جسمي ممكن يؤثر سلباً علي والا شو ؟؟


و Elidel cream 1% كم المدة اللي استعمله فيها ؟؟ وصباحا ومساء والا بس صباح ؟؟


السموحه منج دكتورة ، دوختج بكثرة اسألتي ، بس مالي الا الله ثم انتي لأني فقدت الامل اني اعالج الاكزيما وافتح لون جلدي بس ان شاء الله العلاج على يدج : )

 

[dr.eman]

يعني استعمل الالدوكين لتفتيح المناطق الغامقة في الجسم وتنفع للبشرة ؟؟

يمكنك استخدامه لبشرة الوجه ايضا
ويمكنك عمل اختبار حساسيه بوضع كميه بسيطه على الجلد وملاحظة التأثير

برأيج أفضل اعالج الاكزيما اول بعدين افتح لون الجلد ؟؟ والا العكس

..

عالجى الاكزيما اولا ثم التفتيح

ياليت لو تحديين لي الالدوكين ومنتجات الهيدروكينون بالضبط .. يعني الاسم ، بالضبط شو استعمل : ) ..
واستعملهم صباحا ومساء ؟ والا بس صباحاً
وكم المدة ؟ ستة اسابيع ؟؟

Eldoquin 4% cream
يستخدم مره واحده مساء ولا يعرض للشمس
لمده لا تزيد عن شهرين
ويبدأ التحسن بعد اسبوعين ان شاء الله

ويجب استخدام واقى الشمس نهارا

انا الاماكن الغامجة في جسمي تزيد عن الـ 10 % وبصراحه ناويه استخدمه لكل المناطق الغامجة ..
اذا استخدمته على اكثر من 10% من جسمي ممكن يؤثر سلباً علي والا شو ؟؟

الافضل الا يستخدم لمساحات كبيره

و Elidel cream 1% كم المدة اللي استعمله فيها ؟؟ وصباحا ومساء والا بس صباح ؟؟

مرتين يوميا لمدة 6 أسابيع

 

[دمعة غلاي]

مشكورة و يزاج الله خير دكتورة : ) ..

والله يوفقج ان شاء الله ويجزيج كل خير ..

 

[dr.eman]

جزانا الله واياكى خير الجزاء