مشكلة فترة الملجة

احصائياتى
الردود
4
المشاهدات
3K

ريم

New member
معلومات ريم
إنضم
19 أكتوبر 2006
المشاركات
1
مستوى التفاعل
0
النقاط
0
العمر
44
مشكلة فترة الملجة
مرحبا دكتورة كيف الحال؟

كل عام وأنتي بخير

أنا الحين في فترة الملجة , وفي هذه الفترة أكلم زوجي في التلفون فقط, وصار لي شهر تقريبا من أنا أكلمه

والمشلكة هي إنه إني ماأعرف أتكلم معاه في بعض الأوقات وخاصة لما يكون في شخص بجانبي أستحي وما أتكلم عدل أتلخبط في الكلام.

وهو شخص رومانسي وأنا فيني رومانسية لكني ما أقدر أظهر هذا الشئ أستحي وحتى الكلام الحلو ما يطلع, الكل يقولي كوني على طبيعتج لما تتكلمين معاه لكن ماأقدر وأحيانا أقعد أخطط شو الكلام اللي بقوله لكن هذا شئ خطأ اعتقد.

بالاضافة إلى انني أحس أنه عندي مشكلة الشك والظن المب زين, يعني إذا ما رد علي أقول ما يبي يكلمني ويفضل ربعه علي ومن هذا الكلام.

واعتقد إنه كان يحاول يكون جرئ معاي شوي بس أنا ما فتحت له المجال مثل مره قال أبيج لما تنهين المكالمة تعطيني بوسة بس أنا قلت تو الناس ومرة قال لي قصة عن ربيعه تعرض لموقف وطاح في مكان الحساس وكان لا بد أنه حد يسويله مساج فقال مافي غير زوجته, بيي يبين لي إن الزوجة ستر للزوج والعكس , شو رايج في هذين الموقفين هل هم دليل على الجرأة وأنه يبيني أكون جريئة شوي أو لا وهل يبيني أعطي وأخذ معاه في هالسوالف

والحين خاطري أسألج شو النصايح اللي تنصحيني فيها في هذا الموقف وكيف لازم تكون المكالمات في هذه الفترة؟
شو النصايح اللي يمكن تفيديني فيها في هذه الفترة؟
وهل لازم أكون مستحية أو شوي جريئة ولا بعده بدري على الكلام الحلو والغزل والدلع؟
كيف أعرف هو شو يحب البنت الخجولة أو الجريئة عشان ما ينصدم من خجلي الزائد أو الجرأة؟
كيف أجعله يحبني من خلال التلفون ويتعلق فيني؟
كيف أحل مشكلة الشك عندي اللي متعبتني؟

ارجو تردين علي في أقرب وقت ممكن لأني صار لي يومين ما أكلمه بسبب انشغالي وهو بعد مادق فطرشتله مسج وبعد مارد هل انشغال أو يبي يعاند, أنا كان قصدي بعد أني أبيه يشتاق لصوتي ويفقتدني بس هو أخذها بحساسيه شلكه
 

نسائيات

New member
معلومات نسائيات
إنضم
3 يوليو 2006
المشاركات
1,076
مستوى التفاعل
0
النقاط
0
رد : مشكلة فترة الملجة

ريم قال:
مرحبا دكتورة كيف الحال؟

هلا حبيبتي اسفين على التاخر في الرد
حبيبتي فترة الملكه من احلى الفترات لانه جميع الاطراف تحاول ترضي بعض وحتى الزعل في هذي الفتره حلو لانه بعد فيه تغلي ومقياس للحب
حبيبتي الغالية لا تثيقلين مع زوجك وايد هو حلالج بس بعد لا تعقين الميانه مولية شوي شوي
بالنسبة للتلفون والمستحى هذا شيء طبيعي في كثير من الاحيان وانتي توج بادية حياتج معاه
شوي شوي راح تشوفين كل شيء تغير
وربي يوفقج
ولا تنسين بين فتره وفتره طرشي لج مسج فيه كلام حلو وبوسه سنه
او سوي له سبرايز و قدمي له هدية سنعه
 
معلومات فطوم الحلوة
إنضم
26 يناير 2009
المشاركات
82
مستوى التفاعل
0
النقاط
0
هلا ريم انا عندي نفس الظروف وياليت اللي عندها خبرة تساعدنا باسرع وقت
وابا اعرف كيف اكسبة ويحترمني
 

ran4

New member
معلومات ran4
إنضم
1 مايو 2008
المشاركات
251
مستوى التفاعل
0
النقاط
0
خليك معه وجاريه بالي يبغى.
تدرين ليش ماتقدرين؟

لانه لساتك كاتبه عليه وشوي شوي بتتعودين
ليش ماتبوسينه وتتغزلين فيه تراه حلالك لايروح يدور وحده تتمايع معه وتتغنج له,اذا مالك عليك لاتستحين

ولاتكلمينه واحد عندك حدددي لك وقت للمكالمات وخذي فيها راحتك بقوه

الله يوفقك ويجمع بينكم ويسخركم لبعض.
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه