مشكلة صاحبتي مالقيت لها حل

[a7la donea]

تاريخ الميلاد ؟1409
مكان الميلاد ؟جده
الحاله " مخطوبه – مطلقه – عازبه " ؟عازبه
الدرجه العلميه ؟بكالوريوس

درجة الإلتزام بالدين ؟جيدة
هل انتي مداومه على الصلاة في وقتها ؟الحمدالله

المستوى المادي للأسره ؟ممتاز
الترتيب بين افراد الأسره ؟ 4
عدد الأخوه والأخوات ؟6
علاقة الوالدين ببعضهم ؟ عادية
علاقة صاحبة المشكله ببقية الأسره ؟ جيدة
هل يوجد زوج ام و زوجة اب ؟لا
علاقتك مع زملاء المدرسه / العمل ؟جيده

هل تعاني من امراض عضويه او نفسيه ؟لا الحمدالله
الحاله النفسيـه حاليا ً عند كتابة الإستشاره ؟جيدة

مدة المشكله منذ بدايتها حتى الآن ؟ اقل من شهر
نقاط ضعفك ؟ الحب
نقاط قــوتك ؟ الثقه بالنفس والطموح العالي


ولد عمها ضافهاا مسن عن طريق المنتدى حق العائلة
المهم مالكم بالطويلة
الولد ماكمل الثانوي لسى وبيبدأ هالسنة فرط في دراسته هو مو صغير عمرة 25
ويقول بيتوظف المهم هو طلب منها انه يتقدم وقالها اسئلك مسن قبل لااتقدم رسمي وتصصير مشاكل هذا الغرض من انه ضافها مسن
الزبدة
البنت كانت تحبه من هي صغيرة وماكان ملتفت لها حب عذري يعني وسبحان الله بعد مانسته جا هو بنفسه وقالها اني ابيك زوجة لي بس اهي المشكلة متعلمة وتدرس بالكلية واهي شرطت علية لو بتوافق يكمل دراسته وقالها هالشي منتهي من امرة لانه ناوية ومعزم على تكميل دراسته
المشكلة
تقول شرطي انه يكمل
دراسته ومافي زواج الا بعد 3 سنوات لين يخلصها ويجي يتقدم بس بدون وعود لان احنا ماندري وش يصير ب3 سنوات قدام وتخاف يتقدم لها افضل منه واهلها يستغربون رفضها وبيشكون في الوضع والبنت سن زواج
واهو يقول دامك ماوعديتيني اكيد بتعلقيني وبتتركيني
ومايقدر يكلم ابوها وياخذ منه كلمة واهو بدون وظيفه
بنات شرايكم الولد اكيد وضعه المادي بيكون مومرة والبنت عايشة في بيت ابوها بمستوى مرررة كويس
ثاني حاجة تقول اهو نحيف مرررة واقصر منها هل هذا عيب ممكن تعاني منه ؟؟ وهل بصراحة يأثر على الحياة الجنسية بعدين ؟؟
اعذروني على السؤال بس هذا عمر مو لعبة
ثالثا
هل دامها تحبه وتبيه من زمان واهو الحين يبيها زوجة له تعطيه وعد وترضاه لها زوج لان الحب ماينتعوض عند المادة
ولا المستوى المادي ممكن يأثر على حياتهم ويثير بينهم مشاكل
رابعا
البنت مرررة جميلة ماشاء الله وممكن اي احد يخطبها ويكون افضل من ولد عمها بمراحل هل توافق ولاترفض وتنتظرة
ا

اسفه على الاطاله بس البنت مرررة محتااااااااااااااررة وتقول اشياء كثير وتسائولات تدور براسي ومالها حل تخاف توافق على ولد عمها وتندم وتخاف ماتوافق وبرضوا تندم
ابغى اراء وحلول عقلانية بناات ابي احد يعطيني حل وراي مقنع عشان اقدر اساعدها لان كل يوم تتصل تبكي ولا بيدي شي
والي بتقول استخيري تقول استخرت 100 مرة يمكن ومو حاسة بشي ومازالات تستخير

 

[a7la donea]

اتمنى من المشرفات مايقفلون الموضوع لان البنت ماعندها حاليا نت ولجأت لي وانا جد محتارة معها

 

[}وردة{]

أنا من رايي أنه يكلم أبوها
حتى لو بيكمل دراسته

على الأقل كلام...موب خطبة رسمية
وتكون بالسر
هذا الشي يصير إذا هي تبيه..
وفي النهاية..هذا قرارها
وربي إن شاء الله يكتبلها اللي فيه الخير

 

[قلب وافي]

ااااااه بس مواضيع الحب كاثره يئطع الحب شو بيذل وبيبهدل


هلابك أختي

تقول شرطي انه يكملدراسته ومافي زواج الا بعد 3 سنوات لين يخلصها ويجي يتقدم بس بدون وعود

مو كنى مزودتها 3 سنيين واشفيها يدرس ويشتغل اذا هو بيقدر والحياه تمشي .

ومايقدر يكلم ابوها وياخذ منه كلمة واهو بدون وظيفه

يدبر له وظيفه زينه وعني ماشوف انو فيها اختلاف لو كلم ابوه ماراح يجيه شي موزين

اهو نحيف مرررة واقصر منها هل هذا عيب ممكن تعاني منه ؟؟ وهل بصراحة يأثر على الحياة الجنسية بعدين ؟؟

سبحان الله ظهرت عيوب الحبيب الحين ؟! مايأثر النحف الا بينتفخ بعد الزواج ياما عصاقل مصفوقين وبعد الزواج دبادب وخلفو .

دامها تحبه وتبيه من زمان واهو الحين يبيها زوجة له تعطيه وعد وترضاه لها زوج لان الحب ماينتعوض عند المادة
ولا المستوى المادي ممكن يأثر على حياتهم ويثير بينهم مشاكل

التفاهم ان وجد الحياه تمشي سليمه وبارتياح .

تخاف توافق على ولد عمها وتندم وتخاف ماتوافق وبرضوا تندم

انا اللي اتعجب منه في قصص المحبين لما يحصل له اللي يحب يقعد يطلع عيوب واحتجاجات وحاجات ماكانت فيه وممكن مايكون فيه ارتباط . مااقول الا سبحان الله بني آدم ان حصل له اللي يبي مايقتنع !



مجمل كلامي تخليه يقدم ع وظيفه ويتقدم لها ونفس الوقت يدرس وبشرط هما الاثنيين متقبلين فكرة وضعهم

المعيشي والمادي وبس .


الله يسهل امرها وتطمنينا عليها

 

[a7la donea]

الله يعافيكم خواتي ردودكم عسل
نبي ردود اكثر واراء

 

[shosho.]

حلو الوحده تاخذ واحد يحبها وهي بعد تحبه

تصلي استخاره افضل بكثير من راي اي احد

واذ ارتاحت له تقوله يكلم ابوها وان هو شاري البنت

ومافيها شي اذ اشتغل ودرس في نفس الوقت فتره وتعدي وتتعدل الاوضاع

والله يوفق الجميع​

 

[a7la donea]

الله يعطيكم العافية يارب ةينولكم مرادكم دنيا واخرة
بنات نبي اراء اكثر