وانا كمان عندي هالقشره ومررره كانت تسببلي احراج بس عرفت اش اللي يزودها شوفو القشرة ممكن تكون وراثه انا والدي عنده قشره ، أو بتزيد مع فصل الشتاء وبتزيد مع رطوبة الجو ،، وفجأة بفترة زادت القشرة عندي بطريقه مخيفه ورحت للطبيب وحكالي انه فروه راسي دهنيه وعندي إكزيما دهنيه بالفروه وأعطاني شامبو بس مااستمريت عليه وكان غالي ،وحكالي لازم استمر ع شامبوهات ضد القشرة ، ، واضطريت ألجأ للاشياء الطبيعية والحمدلله خفت القشره والحكه بشكل كبييير وتحسنت فروه راسي ولسى مستمررره
اغسل شعري بالأسبوع اقل شي 3مرات واشطف شعري مره بمغلي القرفة بعد مايبرد وكل مره اغسله لازم اشطفه بشي مختلف عن المره اللي قبلها ومره اشطفه بمويا وخل ، ومره اشطفه بمغلي نعناع ، ومره بمغلي البابونج
بعد مايبرد
وطبعا تنتبهي ماااااينزل ماء الشطف ع وجهك ترجعي رأسك للخلف وتشطفي شعرك
والبلسم تحطي ع أطراف شعرك فقط لاتقربي شي دهني من الفروه والزيوت اذا حابه تستخدميها فقط ع الاطراف والفروه لا ،،
وبين فتره وفتره بعد مااغسل شعري بالشامبو استخدم بيكربونات الصوديوم اخلطها مع المويا واغسل فروه الرأس بها وأفركه بيها طبعا لاتكثرو منها خليها بالشهر مره واغسله واشطف بمويا وليمون ،، وكل مره أغير بماء الشطف والحمد لله لاحظت تحسن كبييييير والحكه راااحت والقشرة صارت لاتلاحظ ويارب تختفي نهائي لي تقريبا شهر واسبوع مستمرة ع هالطريقه وبالنسبه للرائحة مافي اَي رائحه مزعجه تكون بشعرك وممكن وشعرك مبلول تحطي مخمريه أو عطر للشعر بالاطراف أو تبخريه زي ماتحبي عموما مافي اَي رائحه لو ماعطرتي شعرك ،،
جربوها بنات وان شاءالله تستفيدو? ،،