مشكلة زوجي واللاب توب .. ساعدوني رجاء

ج

جوسي كوتر

New member
إنضم
2011/05/30
المشاركات
7
السلام عليكم ورحمة الله​

صبآح الخير ان كان صبآحا مساء الخير ان كآن مسآء ​

أنا عضوه جديده في هذا المنتدى الجميل واللي استفدت منه اشياء كثيره ​

وحبيت اني أعرض مشكلتي واتمنى تفيدوني بحل , ألا وهي:​

زوجي اذا رجع من الدوام الساعه 5 العصر يسلم علي ويسألني ​

وش اخبارك وأساله عن اخباره ووش مسوي اليوم بالدوام بعد كذا​

يجلس عالكنب ويقعد على اللاب توب ويشتغل عليه ومايقوم ​

الا اذا جاه النوم يعني يقعد من الساعه 5 الى الساعه 12 او بالليل .. ​

يضايقني وهو جالس عليه لاني بكل هالوقت اكيد احتاج اسولف مع احد​

احتاج احد يسولف معي انا دايما اقعد جنبه عالكنبه ​

ومايكون بايدي لا لاب توب ولاغيره فاضيه.. وأبين له بحركاته اني طفشانه ​

او ابي اقعد معه بس ماحس فيني ,, وان كلمته بشي يشيل السماعات ​

من اذنه ويقولي ايش واعيد عليه ويرد علي او يعلق ​

وبعدين يرجع للاب توب ويحط السماعات .. صرت اقدم له كل يوم شاهي ​

او عصير ..يشربه وهو يناضر الفيلم وانا اشرب بلحالي ..​

ودي مثلا بقعدة سواليف وشاهي ​

تعبببت معه وصرت احس بالاحباط والحزن وياما قلت له اني اتضايق كذا ​

عطني من وقتك شوي ابي احس باهتمامك .. بس مافاد معه ​

صرت دايم اصيح من الملل واحس اني بلحالي بالبيت ماتغير الا يوم رجعت ​

له بعد زعل.. وبس تغير بالايم الاولى بعدين رجع مثل اول ​

حسيت اني لعبه عنده وكل مايحتاجها يروح لها ويقتلني هالاحساس ​

مع اني مافيني شي والحملله دايما نظيفه والبس واتكشخ ​

واجلس جنبه عالكنبه ..​

صرت ما اكلمه كثير لاني اخاف ينزعج وهو يناظر الفيلم والاكثر من كذا ​

مااحب اكلم شخص مو معطيني حواسه ومنتبه معي .​

وهذي طريقة الحوار مع البشر انك تحط عينك بعينه وتعطيه كل حواسك ​

ولاتنشغل بشي وتبين له بتعابير وجهك انك مستمع جيد ومهتم بكلامه ​

وغير كذا اذا قعد عاللاب ينسى العالم الخارجي ياذن ماياذن مايدري ​

لازم انا اجي واقوله ترى المغرب ماذن او اذا شافني رايحه اصلي ​

ينتبه ويقوم​


الان انا احبه وراضيه فيه انه هذا زوجي وقدري بس

اتمنى هو يبادلني الاهتمام

واكيد يحبني بس ابيه يبين لي وين هالحب ابي يعطيني اهتمام يحسسني اني زوجته ​

مثلا يسولف معي او نظحك ,ننكت , نلعب لعبه ,نطلع نتمشى​

او يقولي تعالي جنبي اي شي بسيط منه بيسعدني .. ​

بس اللي احسه انه حاطني صفر عالشمال​

وكم مره جاني الشيطان وقال لي وش تبين فيه هو مايستاهلك ومو معبرك ​

اطلبي الطلاق منه وخوذي لك واحد يحسسك بقيمتك ويهتم فيك ​

ومره اتعوذ منه ومره يغلبني واذا زرت امي اشكي لها واقول افكر بالطلاق ​

لين ماربي ولله الحمد اراد اني اكمل معه ​

وقلت لازم اني القى حل لهالمشكله ​

وللعلم انا مااطلع ولا اروح ولااجي يعني هذا الشي يزيد الطين بله​

مع مشكلة زوجي وانا انسانه مااحب الوحده احب الاختلاط بالناس​

وهذي مشكلتي واتمنى اني مااطلت عليكم ​

وياليت مو بس القا اراء جانبيه اتمنى القى رد من استشارين​

انتضر ردودكم ,,​
 
انا كنت مثلك اول مايجي من العمل على طوول على اللاب واحط الغداا واقعد انادي فيه تخيلى واغدا قدام عينه وهو طيب شويه دحيين استني خلااااااص تعبت منه سرت اطنشه وبعد مافرفرت بالمنتدي وقريت بعض التجارب سرت اشغل نفسي يعني اروح لصاحباتي او لاهلى ولاخواتـــــي المتزوجات واذا قالي مافى حالي اوديكي افتح النت واجلس اتصفح سواء منتديات او جرايد او على المسن ولا مشغوله بعيالـــــــي والله العظييم ساااااااااااااااااااار يدورني ويقلي انتي ماسرتي فاضيه ليه ابد وانتي وانتي لا وازيدك من الشعر بيت هو اللي يقلي حددي لو على الاقل ساعتيين باليوم عشان نجلس فيها سواااااااااء وهذا الكلام كان كلامي اول له بس كان يطنشني والحيين يمكن يجلس على النت ساعه باليووم هذا اذا كثر
يعني بالعربي حاولي تشغلي نفسك وتحلوي فى عينه انا ماني اخصائيه او استشاريه بس انا التجربه مريت فيها وحبيت اقولها ربي يكتبلك الخيير فيين ماكان ويرضيكي به يااااااارب
 
نصيحه اشغلي وقتك ولاتنتظري منه الكلام بس لو شافك انشغلتي عنه بيرجع لك بمعنى انتي كمااااااان افتحي اللاب وتسلي
 
وفــــــــــــــــاء مشكوره عطرتي صفحتي بمرورك

ومشكوره على دعائك الأروع​
 
ساااااااااااااااااااار يدورني ويقلي انتي ماسرتي فاضيه ليه ابد وانتي وانتي لا وازيدك من الشعر بيت هو اللي يقلي حددي لو على الاقل ساعتيين باليوم عشان نجلس فيها سواااااااااء

ياسلام أتمنى هالكلام يطلع من لسانه ويلاحقني :) احساس رائع لانه راح يحس باللي

حسيته وعانيته قبل ....

بس انا مشكلتي ياوفاء اني مااقدر انشغل عنه الا بالتلفزيون واللاب وهذا زي اللي يقاعد يصير الحين وهذا

شي عادي عنده ومااثر فيه لانه مشغول بشي وماانتبه لي اصلا ..

وانا مااطلع خارج البيت الا في الاسبوع مرتين ازور اهلي .. ومالي صديقات

وسكنا بمدينه صغيره بحكم دراسته ومانعرف احد فيها

بس ممكن اطبقها بالاجازه القادمه ..

مشكوووره على كلامك الرائع



 
حبيبتي انا نفس قصتك واللة تعبت لكن انا عندة ما اقوم واشوف ايش يسوي. بس اطفش وذحين اشترلي. جوال الايفون ونشغلت علية هههههه ادعيلي انو ربي يهدلي. زوجي ويجملني في عينة 
 
اختى الغاليه انا ملثك ويمكن ازود عنك انا على طول لحالى وما عندى صديقات بحكم المدينه الى ساكنه فيها لا سوق لا مطعم ودايم يا بالدوام يا عنده زملاء له يا خارج صدقينى هذى حياتى تعبت تعبت لكن الله يساعدنى ويساعدك ​
 
انا كنت مثلك اول مايجي من العمل على طوول على اللاب واحط الغداا واقعد انادي فيه تخيلى واغدا قدام عينه وهو طيب شويه دحيين استني خلااااااص تعبت منه سرت اطنشه وبعد مافرفرت بالمنتدي وقريت بعض التجارب سرت اشغل نفسي يعني اروح لصاحباتي او لاهلى ولاخواتـــــي المتزوجات واذا قالي مافى حالي اوديكي افتح النت واجلس اتصفح سواء منتديات او جرايد او على المسن ولا مشغوله بعيالـــــــي والله العظييم ساااااااااااااااااااار يدورني ويقلي انتي ماسرتي فاضيه ليه ابد وانتي وانتي لا وازيدك من الشعر بيت هو اللي يقلي حددي لو على الاقل ساعتيين باليوم عشان نجلس فيها سواااااااااء وهذا الكلام كان كلامي اول له بس كان يطنشني والحيين يمكن يجلس على النت ساعه باليووم هذا اذا كثر
يعني بالعربي حاولي تشغلي نفسك وتحلوي فى عينه انا ماني اخصائيه او استشاريه بس انا التجربه مريت فيها وحبيت اقولها ربي يكتبلك الخيير فيين ماكان ويرضيكي به يااااااارب



​
أنقر للتوسيع...
----------​
 
الي فووق هوو الحل
نفسها ادمان هههههههههههه
حتي عيالي بعض الاحيان اكلمهم علي المسن وحنا جالسين
 
لست الوحيدة التي تشتكي
الحال من بعضه
انا زوجي مدمن جداااااااااا النت
ربي يكون في عونناااااااا
 
نفس راي وينك حبى
هذا الكلام الي كنت بقوله لك
اقري قران
ناظري التلفزيون اذا ماعندك لاب توب
رتبي البيت
كلمي صديقاتك قدامه
تبادلي الزيارات مع الناس
لا تصيرين فاضيه ابد​
 
واللة ياختى موبس انتى واجد مثلك يالتلفزيون يا اخبار اوكورة او لا بتوب او اي يفوان كلات مرة نحل مشكلة نطيح في اثانية اللة يكون في عونة يالحريم
 
ان مع الاخت وينك حبي زوري اهلك اوصحبتك مويومين كل بعد يوم او يومين انتي انسانه ولل احساس ومشاعر هومبسوط وان لا انا كنت مثلك صرت اقوله ليوم ابق اروح الاهلي اوعندي طلعه له هو مستغني الله يهديهم ه الرجال
 
ياعزيزتي ماتنلامين
بس أحمدي ربك عندك
بعضهم مثلي من خمس العصر الى 11 برى البيت
جيبي لك لاب توب واجلسي عليه
 
مشكورين على ردوكم جميعا وعطرتو صفحتي

واستفدت كثير من الحول .. بس باعتقادي انه مو حل اني اسوي مثله وطول الوقت على اللاب

لان اللاب ادمان والجلسه الطويله عليه تسبب اضرار الله اعلم فيها وغير كذا تخلي الانسان كسول

وماله خلق يشتغل فبيته وتجيبله التنبله .. وانا مجربه

وفيه ناس على طول تمل ماتحب الروتين .. واحس اني منهم :( بس يالله خلهيها على الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل