perfume
New member
- إنضم
- 2010/01/15
- المشاركات
- 1,098
السلام عليكم ورحمة اله وبركاته
مساكم الله بالخير خواتي
أبي شوركم بسالفة لوحدة من معارفنا. مشكلتها صعبة. قالت لي انها تعاني من ريلها انها هي وادي وهو وادي ثاني. يعني ريلها من نوع الجد واللي ماعنده سوالف اللف والدوران اما هي فانسانة رومنسية. هي انسانة اجتماعية وما تخلي حد ما تعرفه اما هو فانسان انطوائي وما عنده صداقات. وتقول انه ريلها ما يعرف شي بالرومنسية ولا الهدايا والعواطف يعني بارد عاطفيا معاها يعني انسان غير عن كل رياييل العالم اللي لهم سوابق وخبرات وتجربات عاطفية قبل الزواج اما هو ف ميح من هالناحية لدرجة انه صدمها بليلة الدخلة وبين انه مايفهم بهالأمور وانتو عاد ادرى اي أمور (واللبيب بالاشارة يفهم). المهم، قالت انها هي شاطرة وهي اللي راح تعلمه بس طلعت لها سالفة ثانية انه ريلها مب راعي سوالف ومزح ولا من هالقبيل يعني مثل الجدار اللي عايش معاها جسد بلا روح ويوم يدخل عليها الغرفة يمشي ولا كأنها موجودة بالغرفة ويوم تهزبه وتهدده انها بتروح بيت اهلها يقول لها بكل برود روحي بيت اهلج. وبعد فيه شي منرفزها انه يصدق الدجلة والحرامية اللي يطلعون بالتلفزيون ويبيعون البخور ضد العين والدوا مال السحر ويخسرونه آلاف الدراهم على هالخرابيط. هي انسانة طيبة وصبورة صبرت عليه 8 شهور والحين هي ببيت اهلها زعلانة منه وما تبا تعيش وياه تقول خلاص تعبت منه. الحين شيرو عليه يا خواتي العزيزات شو هو الحل ويا هالريال لأنه من شكله انه من بداية حياته كان مهمل من أهله من هو صغير لين وصل لهالحالة من العزلة. واللي ماتعرف تكتفي بالدعاء للهداية لهالريال وزوجته وانهم يتفاهمون و يردون لبعض وتنحل مشاكلهم.
مساكم الله بالخير خواتي
أبي شوركم بسالفة لوحدة من معارفنا. مشكلتها صعبة. قالت لي انها تعاني من ريلها انها هي وادي وهو وادي ثاني. يعني ريلها من نوع الجد واللي ماعنده سوالف اللف والدوران اما هي فانسانة رومنسية. هي انسانة اجتماعية وما تخلي حد ما تعرفه اما هو فانسان انطوائي وما عنده صداقات. وتقول انه ريلها ما يعرف شي بالرومنسية ولا الهدايا والعواطف يعني بارد عاطفيا معاها يعني انسان غير عن كل رياييل العالم اللي لهم سوابق وخبرات وتجربات عاطفية قبل الزواج اما هو ف ميح من هالناحية لدرجة انه صدمها بليلة الدخلة وبين انه مايفهم بهالأمور وانتو عاد ادرى اي أمور (واللبيب بالاشارة يفهم). المهم، قالت انها هي شاطرة وهي اللي راح تعلمه بس طلعت لها سالفة ثانية انه ريلها مب راعي سوالف ومزح ولا من هالقبيل يعني مثل الجدار اللي عايش معاها جسد بلا روح ويوم يدخل عليها الغرفة يمشي ولا كأنها موجودة بالغرفة ويوم تهزبه وتهدده انها بتروح بيت اهلها يقول لها بكل برود روحي بيت اهلج. وبعد فيه شي منرفزها انه يصدق الدجلة والحرامية اللي يطلعون بالتلفزيون ويبيعون البخور ضد العين والدوا مال السحر ويخسرونه آلاف الدراهم على هالخرابيط. هي انسانة طيبة وصبورة صبرت عليه 8 شهور والحين هي ببيت اهلها زعلانة منه وما تبا تعيش وياه تقول خلاص تعبت منه. الحين شيرو عليه يا خواتي العزيزات شو هو الحل ويا هالريال لأنه من شكله انه من بداية حياته كان مهمل من أهله من هو صغير لين وصل لهالحالة من العزلة. واللي ماتعرف تكتفي بالدعاء للهداية لهالريال وزوجته وانهم يتفاهمون و يردون لبعض وتنحل مشاكلهم.
