مشكلة حياتي الوحييييده

[شنكوته العسل]

السلام عليكم ورحمة الله وبركاته
ماحطول عليكم بس عندي مشكلة مااعتقد راح القى حل بس خلوني افضفض شويه
انا متزوجه وعندي ولدين والحمد لله حياتنا عموما سعيده بيننا حب واحترام ماينغص علينا شي غير موضوع وحيد وهو خروجي بس لو قلت لزوجي ابغى اروح اي مكان تجيه حساسيه من موضوع الخروج ,,على طول يرفض مايحب خروج الحريم ابدا ومو معنى كدا اني محبوسه لا والله الحق ينقال هو مايقصر نتمشى ونروح مطاعم والعاب ومولات بس اقصد خروجي مثلا للصديقات او اقارب الا في المناسبات الرسميه ماعندو شي اسمو طفشانه ورايحه اتونس عند فلانه وكان رافض اني اشتغل نهائيا والحمدلله غير رايه هذي السنه واشتغلت في مدرسه وحسيت اني ارتحت شويه بس جات الاجازة وبدا الفراغ فطلبت منه امس اني اسجل انا والاولاد في مركز صيفي جنبي ومارضي كالعاده يقولي كفايه رضيت تشتغلي مايحس فيا وفي الاولاد والفراغ مع الاجازة بالذات ان اهلي في مدينه ثانيه يعني مااقدر اشوفهم الا في الاسبوعين مرة تصدقوا حتى عند اهلو مايحب اروح دايما,,, بصفة عامة مايحب تجمعات الحريم ....انا عارفه انو كثير يتخيلوها مشكله بسيطه بس والله خنقة الرجال مو حلوة بالذات انو ماعندو اصدقاء وعملو طويل ,,دايما يقولي خليكي زيي من غير اصحاب وعلاقات اجتماعيه واسعه ..عموما انا كتبت الموضوع عشان افضفض لاني متاكده انو ماحلاقي حل لان دا طبعه الله يصبرني ويسخره ليا​

 

[السووسن]

الله يعينك ويفرج همك ويسخر لك زوجك
انا ترى مثلك يمر شهور مااشوف الشمس حتى
بس مايهمني بجد الزيارات كثر مايهمني اني احب بيتي >> مااحب بيتي انا ههههه

 

[الجده الصغيره]

والله يابنتي نطلع لاستراحة اهلي ىاخر الاسبوع وبسسسسسسسسسسسس
لا ...........ويقول دبلنا كبده..............

 

[ياقلبي ترك الحس]

انا زيك حبيبتي 24\7 في البيت وشهادتي في الدولاب ممنوع اني اتوظف فاقول لك الله يساعدك ويساعدني

 

[نــور عـيـونـه]

يا غاليـــه طالما كل شيء في حياتك مريح إلا هذا الطبع تغااضي عنه و كيفي نفسك على هذا الوضع...

و زي ماقلتِ زوجك مو مقصر معك في شيء ابداً وكل اللي يطلبه منك إنك تكونين بيتوتيه مثله

خلاص سايسيه و حاولي تسلين نفسك في البيت مو ضروري تخرجين للزيارات إذا هو ما يحبهاا..

يا أختي إنتِ تشوفين بنفسك مشاكل بعض الأخوات هنا بالمنتدى وكيف معاناتهم مع ازواجهم والله إن العيين تدمع لهم ولحالهم

فحبيبتي كل ما تضايقتي من طبع زوجك تذكري مشاكل غيرك وبتهون عليكِ مشكلتك أكييد...

أكيد إنك حاولتي كثير تغيرين طبعه بس ما قدرتي لكن اقولك طبعه ما يتغير إلا في حاله وحدة بإذن الله..

اللي هي إنك تقنعينه هو بنفسه يغير من حاله يعني يخرج و يطلع مع اصحابه وقتها بيحس فيكِ و بيسمح لك تزورين صديقاتك دوم

لكـــــن طلعاااته مع اصحااااابه من ورااهااا تجي كل البلاوي والمصايب و ما أظنك بتفتحين على نفسك هذا الباب..

حاولي ترضين بالواقع وكيفي نفسك على هالوضع...

الله يصلح زوجك و يسخره لكِ يارب..

نــور عــيــونـــه


​

 

[ضمايـ انتـ]

يمكن يخاف من الحريم
يلعبو براسك ويغيروك عيله

 

[دن دونه]

ياحبيبتي ايش لك بعوار الراس وكل ماجا نفسك ببسطه وجمعه حريم عندك المنتدى
ابسطي وفضفضي وامزحي وبعد ابكي وايش تبغين باالحريم وجمعاتهم والله ماراها الاالنكد وخراب البيوت
والله ما استفدت الا العيون في جسمي وفي زواجي وعيون الناس ماترحم
وعلى كلامك انه يخرجكم موحارمكم

 

[حياتي لعيالي]

ماشاءالله وين المشكلة واذا على الزيارات خلي صديقاتك يجونك مرة ومرتين وثلاث يمكن اذا شاف كذا يوافق انك تردين الزيارات واذا ما تغير بيتك وزوجك اهم من زيارات يمكن تخرجي منها بذنوب عاااد الحريييم وسواليفهم فلانه وعلانه والله يوفقك

 

[شمعة تضئ للغير]

والله ياأختي مافي جمعت الحريم خير وأحسن لك وما دام أنه ماشاء الله مو مقصر معاكم وأين المشكلة ؟
الا أذا كنتي من النوع الاجتماعي ويحب الناس والجمعة والسوالف هنا الموضوع غير ولازم ترضين لان هذا نصيبك واتقلمي معاه وحاولي تشغلي وقتك باأشياء أخرى وصراحة النت يغنيك عن هذا كله والحمدلله والله يوفقك.