مشكلة الماده مع زوجي

[فتاه بريئه]

االسلام عليكم

عندي مشكله وانشا ءالله اللاقي عندكم الحل

انا والحمدلله هذي السنه خواتي كلهن بيتزوجو عندي اختي الي اكبر مني

توها يوم الخميس تزوجت واختي الي اصغر بيسوون لها خطووبه وتلبيسه

وبعد اختي بتجي خطوبة عمي ...... وبعد هالكلام كله


مشكلتي الحين مع زووجي دايم يقوولي الماده صايره هالوقت مو اووكي

وطلبت منه لزواج اختي احسه تضايق شوووي بس في الاخير عطاني

واليوم قلت له بعد ابغى لخطوبة اختي بشتري فستان وبروح صالون بسوي ميك اب خفيف

قالي ماله داااعي قلت له شلون هذي اختي غاليه على قلبي ومااقدر اكرر ملابسي

والله فشله قلت له اوووك نقتصد بس بحدود قال لا ماله داعي لاتشتري قلت له انا

اذا ولدت وجبنا بيبي شنو بتسوي ماراح تعطيني ابد ؟؟؟؟ قال ايه هالللي اعطيك اياه الحين

بعدين مافي الا قليل


وتصدقون انا هالفتره مصروفي اجمعه علشان عيد ميلاده قريب يبي له هديه فخمه

ويوم جا زواج اختي قلت له ضروري اشتري لها هديه مارضى يعطيني رحت اخذت من عندي

وشريت لها والله تعبت والله اول ماتزوجنا مايدقق كذا وهالفتره جننني

عاد بعد نقاش معاه قلت له شنو هالمذله هذي قال الحين عيشتك معي مذله قلت له ايه اطلب منك وماتبي تعطيني

شنو اسمي هذا وبس قام وزعل مايكلمني الحيييين اوف زهقت


بليز عطوني حل انتظركم

 

[فتاه بريئه]

ووووووووووووووووووووووووينكم

 

[هواجر]

اخذيه بالسياسه

 

[حياتي بيد حبيبي]

اصلا غلط اسلوبك معاه وليش تقولي اله مدله الرجال حسسه بتقصير كان اخدتيه بالسياسه والدلعمايحب المره تغلط عليه او تحسسه بالتقصير عليها كان اخدتيه بالساسه والدلع

 

[شماليه كووول]

انا نفس حالتك وش كثر اعااااني

 

[فتاه بريئه]

والله في بداية كلامي معااه سياسه بس رده قهرني وتغيرت طيب اهو زعلان الحين ومايكلمني واهو عمره ماسواها

مايكلمني ابد

 

[فتاه بريئه]

ابي رد يفيدني بلييز

 

[أحساس امرأه]

الله يعين كلهم لاوين البووز جت العطله وكثرت المصاريف ؟

 

[خلود بكر]

يابنت الحلال هو ماقصر معاك بالزواج بس ممكن صح الماده معاه صعبه يعني بعض الرجال يفكروا لبعدين يعني يعطي بس بعقل وصدقيني حلو يعني مو مقصر بس بنفس الوقت في امور ثانيه بيفكر فيها بس بقولك قولي له اعطيني مبلغ وانتي كملي مو دائم تسوي ذي الحركه لا ولاتقولي له اني بكمل خليه يفهم انه بالمبلغ الي اعطاك اياه اشتريتي الفستان وثاني شئ اذا في البيت الخطوبه انتي سوي بنفسك المكياج لانها خطوبه مو شئ كبير وخليه يعوضك بالفرج انتي الان روحي عنده قولي له خلاص اعطيني المبلغ الي شايفه انه يناسبك وقولي انا ماقصد اني مو مبسوطه بلا الماده مالها دخل بحياتنا بس اضايقت من اسلوبك والله يفرج همك ويسعدك اخواتك يارب وبالهدوء كله يصير حتى لمن تطلبي اطلبيه واشكريه دائم وفهميه بااسلوبك انك مو مقصر وانك وانك طلعيه للسماء بكلامك وصدقيني هم يحبوا المدح وبيعطوك الي تبغيه بس لاتقولي كلمتك انك مدله ومااعرف اش انتبهي ياعسل ترى من تجربه هذا الكلام

 

[فتاه بريئه]

يعطيكم الف عافيه

 

[ice creeem]

اول شي الكلمه اللي قلتيها غلط بحق زوجك شنو تقولين له مذله لو هو قايلها لك كنتي بترضين فيها والا تزعلين عليه اول شي تسوينه اعتذري بلباقه وانه مو قصدك ومره وحده بس وبعدين خلاص هو بيرضى لا تقعدين تلحين عليه وبالنسبه للفلوس اللي شايلتها علشان هديته انتي احوج فيها منه واتوقع انه هو بعد مع سياسة التقشف اللي متبعها ما راح يهديك شي غالي خلي هديتك رمزيه واستغلي الباقي والميك اب للحفلات سويه بالبيت يبقى عليك بس الفساتين

 

[الخط الفاصل]

حبوبة مو كل مناسبة صغيرة وكبيرة تطلبين زوجك كوفيرة ولبس جديد
خلك عاقلة عشان زوجك يشوفك اقتصادية مدبرة.
خطوبة أختك مناسبة ماتحتاج تشتري لها.. البسي من الموجود وأكيد دولابك فيه الشي المناسب..والمكياج سويه بنفسك ناعم في البيت.