مشكلة الزوجة مع الزوج العاطل عن العمل أيش الحل

[على سنقة عشرة]

السلام عليكم كيف الحال والحوال

هذي أول مرة أكتبي مشكله وأن شاءالله تكون الاخيرة

هذي المشكلة مو لي هي لزوجة أخوي وأبي مشورتكم اليوم قبل بكره

خواتي أخوي طبعا ساكن مع أهلي وعقده مع أحدى الشركات اللي يشتغل فيها خلص

وظل بدون وظيفه طبعا هو من قبل مايخلص القعد وإلى ألحين هو يدور على وظيفه

طبعا صار له من عيد الاضحى ماعنده وظيفه

بتسألون من وين يصرف ؟؟؟!!! الله يخلي لنا الوالد هو اللي يصرف عليه وأمي ماقصرت

بس أخوي صار يتمادى ويطلب من أمي أكثر يعني في الاسبوع يصرف حوالي 500 ريال

طبعا مقاضي الاكل والشرب وبعض مقاضي ولده كلها تسجيل في السوبر ماركت على حساب أبوي

بقولكم شغله الأربعاء اللي فات عطاه أبوي 500 ريال وبعدها بيومين طلب أمي فلوس ويقول ما عندي ولا ريال >> العيشه في السعوديه مافيها غلا وخاصة أن أهلي ساكنين في منطقه مافيها غلا أبدا

زوجي ماقصر توسط له عند معارفه

بس أخوي يبي الوظيفه على كيفه وفي المنطقة اللي على كيفه

ألحين توظف وظيفه مشي الحال وفيها من العيوب اللي فيها ومو عاجبته قالت له أمي وبعد زوجته

صبّر نفسك عليها لين تلقى اللي أحسن منها

واللي وظّفه بعد قاله أصبر عليها لين يجي نقلك لمكان أحسن بكثير

وأخوي مو راضي يتم فيها

وأبقولكم شي عن روتينه أيام الوظيفه دوام بيت دوام ويوم الاربعاء يسهر لين الساعه 12 أو حدة بالليل

وألحين كله سهر بسهر

زوجته هدتته قالت إذا بتظل على الحال فأنا بروح عند أهلي

وهي بكرة تبي تروح وأنا خبرت أمي وقالت الوحده تصبر على زوجها قلت أوكيه بس أنتي عارفه ولدك الفلوس اللي ياخذها منكم مدري وين يوديها وحياته كلها أستراحات وسهر والوظيفه اللي جاته مايبيها
بالرغم أن جاته أفظل منها بس رفضها

وأنا ألحين أستشيركم أيش تسوي تروح لأهلها كوسيله ضغط عليه ولا تصبر لين الله يفرجها

ملاحظة >>> أخوي عنيد نصحته أمي وأبوي بس عنيييييييد
_ أخاف إذا تركته زوجته يرجع لسوالف النت والماسنجر لأنه في ظروف مشابهه كانت له سواف نت وماسنجر

فياليت تنصحوني أيش أقولها وأيش أخبرها لعل وعسى فاد النصح

 

[ياغيابه]

انا بسالكـ بس هو حاس بنفسه وبوضعه عشان يحس بغيابها اذا راحت بيت اهلها ؟؟

ماادري احس اخوكـ اتكالي ولانه عايش معكم مو هامه ويتعذر بظروف الوظيفه ويعذرب بس لو تطلب بيت برا ساعتها بيصحى ويشيل هم وابوكـ ربي يخليه لكم والله حمل ثقيل عليه ياقلبي ..

الله يرحم ابوي ؛؛​

 

[على سنقة عشرة]

إيه والله أتكالي درجة أولى

بالرغم أنه ماكان كذا أول ما أشتغل في وظيفته السابقه كان يصرف ويشيل في البيت

بس ألحين أتكالي بالمرة وأشوف أمي عطته وجه بزياده تقول ماأقدر أكذب على عيالي وأقول ماعندي فلوس

بس وش الدبرة تترك زوجة أخوي البيت ولاّ لا

 

[بيرو العمودي]

اول شئ امك وابوكي لازم يقطعي الفلوس عنه ويشددو من دي الناحيه وشوفو اذا بيتحرك
واذا ما اتغير واستمر باسلوبه هذا وقتها تروح عند اهلها ​

 

[نجوم نص اليل]

اول شئ امك وابوكي لازم يقطعي الفلوس عنه ويشددو من دي الناحيه وشوفو اذا بيتحرك


واذا ما اتغير واستمر باسلوبه هذا وقتها تروح عند اهلها ​

نفس الكلام