مشكلة اختي

[لحن_الحب]

السلام عليكم ورحمة الله وبركاته


كيفكم يابنوتات ..؟


حبيت اطرح عليكم مشكلة اختي وان شاءالله انكم تساعدوني بحلها


اختي عمرها الحين 21 .. تركت المدرسه يوم كان عمرها 13 سنه

والحين هي دايماً منطويه على نفسها .. دايم ساكته وماتتكلم مع احد ولاعندها صديقات

ولا تبدي رائيها .. يعني ماتقول ابي هذا وماابي هذا

وغير كذا ماتهتم بنفسها ولا بمظهرها الخارجي .. حتى اذا جينا بنطلع لازم اقول لها البسي كذا

وانا اللي اسوي لها شعرها واحط لها الميك آب .. حاولت فيها انها تتعلم عجزت

برائيكم وش الحل .. ابيها تصير مثل باقي البنات تسولف وتبدي رائيها وتهتم بمظهرها

للمعلوميه : ترا امي فصلتها من المدرسه لهذا السبب لانها تعبت معها


ساعدوني تكفون

​

 

[هادية جداً]

أمج بأي حق تفصل بنتها عن التعليم لأجل عجز البنت..سامح الله أمج
عشان جذيه البنت مدمرة نفسياً..لا حول ولا قوة إلا بالله...تعبت معها والبنت كانت صغيرة
وهل تتوقعون يوم كبرت راح تنحل مشاكل تعبكم منها...أي تفكير أعوج هذا

أختي اختكم بحاجة إلى اهتمام غير عن اهتمامكم..ربما تعاني من مرض العجز أو التوحد ..أو الاكتئاب
وهذا يحتاج اهتمام ورعاية وهناك ألف حل غير فصلها من الدراسة

الحل الأول : سجلوها في مدارس مسائية بالتدريج تابعوها حتى لو كبيره تابعوها ولكم الأجر
الحل الثاني: شوفوا شو اهتمامها الطبخ\ الخياطة\ الرسم\ الزينه \ عمل حقائب وغيرها شوفوا اهتمامها
الحل الثالث: اشتروا كتب بسيطة وخفيفة عن الاهتمام بالمظهر الخارجي، وكتب تعليمية خاصة لها تتعلم من خلال الصور وسماع شرائط مفيدة
الحل الرابع: اشترولها كتب عن التطوير الذاتي بس ما يكون كتب معقدة وأعتقد تلقينها في هذا المنتدى
لأجل تتعلم كيف تخاطب نفسها وتحثها على العمل والتطور..

ما بقولكم مشواركم بسيط بس الصبر مفتاح الفرج..وأهم شيء شجعوها على الدراسة
لأن هذا الزمن صعب

أنا أمي للأسف ما اهتمت بي إلا في مرحلة الابتدائية..وما اهتمت بي يوم خلصت الثانوية
كأني ما كنت موجودة في البيت وتميت في البيت 4 سنوات بدون عمل ولا دراسة
لولا خواتي قالولي كملي الدراسة شوفي ~أي كلية..وكملت بفضل الله وثم بفضل خواتي..سبب عدم اكمال
دراستي هو الاحباط والألم والخوف والرهبة من المواجهة..بس بتشجيع بسيط ودفعة قوية كملت
وطبعاً كتب تطوير الذات اللي قريتها هنا في المنتدى نفعني وايد..

اهتمي بها لعل الله يسخر لج ناس طيبين.. اكثري من الابتسامة في وجهها وطلعوا معاها ولا تتخلون عنها لحظة
وشاوروها في أشياء بسيطة حتى لو رحتوا الجمعية قولي لها شو الافضل حليب الدسم او قليل الدسم
خطوة بسيطة تفتح أبواب الخير لكم ولها..حتى في الألوان تكلموا معاها

أذكر أنا خواتي ايبون لي مجلة أزياء ماكنت أهتم بالمجلات فقط لأجل دردشة وفتح باب نقاش
وهذا اللي حصل لي مناقشات تافه في البداية أدت إلى مناقشات كبيرة..وفتحوا لي أبواب

بس مب بسهولة بصبر وحنان.. وإن شاء الله تتغير اختج بصبركم وحنانكم للأحسن

مودتي

 

[لحن_الحب]

احنا لما فصلنا من المدرسه لانها ماتئقلمة مع جو المدرسه ولا مع البنات

انا كنت معها بفس المدرسه دايم كانت تجلس لوحدها

بالمذاكره نذاكر لها بالبيت من احسن مايكون واذا جت عند المعلمه ماكئننا سوينا شي

تخيلي لدرجه انها ماتقول للمعلمه انه تبي تروح لدورة المياه "الله يكرمكم "

وتسويها على نفسها وصلت الصف الخامس وهي على هالحاله

وتعبت امي معها وخلتها تترك المدرسه

 

[لحن_الحب]

الف شكر على اهتمامكم بموضوعي

بالنسبه للمدراس المسائيه انا فكرت فيها

وبحاول اقنع امي وان شاء الله هذي بتكون الخطوه الاولى


اكرر شكري

 

[انسه طفشانه]

اختك مشكلتها انطوائيه
ومالها حل الا انكم تجبرونها تجتمع بالناس ولازم تغير طبعها
حاولي تخرجيها معك جمعه بنات وكذا

 

[انكسار امل]

شوفي ياقلبي...انا باقولك رأي وهو مجرد رأى ...انا ماني من علماء الاختصاص ولاكن حبيت ان ادلو بدلوي..
كون انه لديك اخت هاذه نعمه لا يشعر بها سوى فاقدها...
لازم تكونين قريبه من اختك الى اقصى درجه تستطيعين ...حاولي ان تدمجيها مع العالم كوني انتي السفينه التي تبحر بها...سوف تشعر بلامان معك..حاولي ان تستشيرينها بكل شي في لبسك وشعرك وديكور الغرفه اذا ذهبتي الى السوق خذي بيدها وابدئي بسؤالها عن رأيها بهذه القطعه وتلك..(لاتقولين مافي امل مع الاصرار راح تتعاون معكي ولاكن لاتفقدي الامل)...اما عن المضهر الخارجي اجلسي بالقرب منها وتصفحي الانترنت وتكلمي عن الموضه ودعيها تبدي رايها اي كان ثم اظهري اهتمامك بأي شى مثل نوع معين من اللبس .او مصمم ازياء مثلا وانكي معجبه بتصاميمه ومع ذالك تريدن منها مساعدتك بالبحث عن صور تصاميمه وهكذا عندها سوف تبحر في عالم الازياء وان لم تبدي لكي ذالك..اذا رأيتي انتي لباس معين اوتسرحه وانتما تتصفحان اخبريها انها تناسبها وابدئي بتطبيق ذالك عليها..ودعيها تساعدك في تسرحه معينه لشعرك فمع مرور الوقت سوف تظهر اهتماما بالغا بالازياء..
اما كونها حرمت من الدراسه لنفسيتها فلا اعتقد ان المدرسه المسائيه هي الحل في الوقت الراهن لانها كما ذكرتي انطوائيه...حوالي ان تظميها الى حظنك واخبريها بانك موجوده لمساعدتها فهي اختكي وغاليه عليكي وتهمكي مصلحتها ..تجاذبا اطراف الحديث حاولي ان تعرفي شعورها عن ذاتها وهل هي راضيه لما الت ايها حالها,,كوني قريبه منها ومهما اظهرت لكي عدم مبالتها تحمليها لاتصرخي في وجهها ولا تجرحيها بالكلام..
وانا ارى ان تدخلي معها في اي دوره تناسبكما من تطوير الذات الى الاحرف اليدويه اوتعلم اللغه او الحاسب الالي..وهنا ضربنا عصفوران بحجر انها سوف تمتلك قليل من الشجاعه لوجودكي بقربها وسوف ترى الفتيات من حولها وربما تحاول بناء صدقات معهن ...اذا رأتي انها اندمجت مع الوسط هذا فانها تستطيع ان تخوض غمار التجربه من جديد وهي الدراسه..
لقد ذكرتي انها من شدة انطوائيتها كانت لاتستطيع الذهاب الى دورة المياه ...اعتقد ان هنالك شي قد حدث معها في الصغر قد جعلها تفقد ثقتها بالاخرين وتحب العزله بدل من مواجهت الحياه اعانك الله ,,وجعل شفاء اختكي على يديكي ..وتذكري ان كونكي تملكن اخت فهذه نعمه عظيمه كوني قريبه منها واشعريها انكي مستودع اسرارها والامها..عندما تتحدثين معها وجهي نظراتك اليها واخبريها بأهميتها لديكم وايضا امسكي يدها اثناء حديثكي معها عن مشكلتها فهذا يقلل التوتر ويشعرها بدعمك الكامل لها
اتمنى ان اكون قد وفقت بالحل البسيط المتواضع

 

[مايصحش هالحتسي]

اختك يبيلها اخصائي نفسي يعالجه
يمكن امك سبب انطوائه عدلو معامملتكم معه سايسوه وخلوه تبدي رايه حتى لو ماقالت شي اسئلوه اهتمو به لاتغفلون عنه

 

[Ms.RoZa]

ماقريت الإستشاره كلها , لإن حدك قلتي تركت الدراسه من عمرها 13 فهمت كل المشكله !!

حبيبتي اختك نست الناس , وطبيعي انها بتنسى كيف الناس عايشين ويلبسون , لإنها ماتطلع مكان
انا اجتماعيه من الطراز الأول لكن ما اجلس في البيت فتره ما اطلع انسى كيف اتعامل مع الناس !!
وتجيني حالة الإنطواء , شي طبيعي جدا ً لإن الروح تبي الأرواح , وهي جالسه فترة مش بسيطه بحالها

علاجها الإختلاط بالبشر شجلوها بدوره او نادي او اي شي تطلع فيه وتشوف العالم وترجع لوضعها الطبيعي
والا ماراح تتغير وراح تبقى على حالها ومن سيء لأسوئ ..

 

[دبدوبه حيل]

اعرضوها على طبيب نفساني

 

[خطاي إني أغليته]

ياحياتي الله يكون بعونها ويفرج همها

أختك محرومة من الحياة

وواضح انها تعاني مشكلة في الاندماج في الحياة الطبيعية

لابد من عرضها على اخصائية نفسية بأأأقرب وقت


الله يشفيها ويعافيها ويقر أعينكم فيها يارب

 

[~دلـع الـكــون~]

يا الله...

تصدقين حزنت كثيييير ع اختكـ...

ياعمري عليها اختكـ وضعها صعب كثير...

والمشكله ان هالوضع الصعب من لمّا كانت طفله...

والله حرام عليكم تسكتون عليها الوقت هذا كله...

طفولتها المبكره انطوائيه ومو متأقلمه مع الاطفال وطفولتها المتأخره انحرمت من المدرسه

وجلست في البيت ومراهقتها ما عاشتها مثل غيرها من البنات...

كل هالوقت وجايه اللحين تدورون حل لها...

يمكن يكون كلامي قاسي عليكـ بس اعتقد انتم احد الاسباب الرئيسيه للي تمر في اختكـ...

طيب اللي ابغاه منكـ ياقلبي انكـ تعقدي النيه وتتوكلي ع الله وتخلي نيتكـ خالصه لله سبحانه وتعالى

في انكـ تغيري اختكـ حتى مسكينه تعيش مثلها مثل غيرها...

السبب في كل هالامور اللي تعيشها اختك هو في انـــعــــداااام الثقه في النفس....

اختكـ ثقتها في نفسها معدووووومه حاسه بالنقص داخلها وان كل البنات احسن منها...

عشان كذا ما تهتم بنفسها...

حاولوا كلكم تخلونها تكون محور اكثر الاحداث اللي تصير في البيت حتى ترجع لها ثقته

في نفسها شوي شوي...

اذا سوت طبخه الكل يمدحها بس مو بطريقه مبالغه بس امدحوها بكل شئ تسويه...

الظاهر علاقة امكـ فيها مو تمام اجلسي مع امكـ لوحدكم وتفاهمي معاها انكـ ناويه تغيري اختكـ

لانها محرومه من الحياه ولاااازم امكـ تغير طريقتها معاها وتمدحها كثييير...

ما اشجع ابدا انها ترجع تدرس في الفتره الحاليه لانها انقطعت فترررره طوووويله وهي عندها مشكله بثقتها في نفسها

فلو رجعت درست ما راح تقدر تنجح وهذا له نتيجه عكسيه...

حبيبتي لحن ابغى منكـ وعــــد انكـ تساعدين اختكـ بكل ما تقدرين واجـــركـ بإذن الله عند رب العالمين...

والله يعطيكـ العافيه ع حرصكـ عليها وسؤالكـ عن حل لحالة اختكـ...

دعوااااتي القلبيه لها باصلاح الحال ولكـ يالتوفيق..

راح اتواصل معاكـ ع الخاص بإذن الله لاطمنان ع اختكـ اول بأول...

 

[رقة المشاعر]

السلام عليكم ,,,,
حبيبتي اختك يبيلها طبيب نفسي او احد يتقرب منها يعرف اللي بداخلها
انتي مثلا اقتربي منها خصصي لها وقت تجلسين تسولفين معها تعرفين ايش تبي وايش ماتبي
حاولي من اول مره ماراح تقدرين بس مع الاصرار بتتواصل معك ان شاءالله
وحاولي تعززين ثقتها بنفسها يعني مثلاث قولي شرايك تلبسين كذا بيطلع عليك حلووو
او غيري شعرك بهالشكل بيكون يجنن عليك
محتاجه لامور بسيطه ممكن البنت عندها شي بداخلها يمنعها من اشياء كثيره

الله يشافيها ويخليكم لبعض يارب ,,,,

 

[نزف]

اختك تعاني من مشكله نفسيه
ومحتاجه تعرضونها لطبيب نفسي
وشكلكم تاخرررررررررررررررررررررررررررررررتوا وايد
واستخدمتوا عقاب باسلوبكم
الله يهديكم وش تنتظرون؟؟؟