بادئ الموضوع تاريخ البدء
  • المشاهدات 379
  • الردود 2
إنضم
11 يوليو 2014
المشاركات
3,435
مستوى التفاعل
1,756
النقاط
113
اول المشاكل :
لو سالتك سؤال
ايهما أكثر تأثيرا وسببت فى خراب البيت ام الزوج أو ام الزوجة
إن كان سبب الطلاق من البداية اصله من الحماة
وطبعا كانت اجاباتكوا كتير ؟؟؟؟؟

طيب خدوا الإجابة الصحيحة والحاسمة و الحقيقية فى نفس الوقت 🤣👍👍👍
وراء خراب البيت
زوجة مش عاقلة ولا حكيمة و ثرثارة
وزوج ليس مسيطر ولا عاقل ولا حكيم

ازاى الكلام دة
تعالو نشرح علشان تفهموا كلامى
..............
وراء خراب البيت زوجة ثرثارة غبية ليست حكيمة
لا تستر اسرار بيتها كل صغيرة وكبيرة مع امها
كل ما تقوله لها امها تنفذه دون أن تزن الامور اولا هل ده يتماشى مع بيتى أو يناسب زوجى ولا لأ
بكثرة ثرثرتها وفتش اسرار بيتها هتشيل امها من زوجها وبالتالى نفس الشعور هتوصله امها لأبيها وتتراكم المواقف ويحصل انفجار

ورا خراب البيت واحدة مش بتعرف تمشى بيتها بحسب ظروف زوجها ولازم فى كل صغيرة وكبيرة تستشير امها بحجة هى اللى عندها خبرة
يا حبيبتى الخبرة هتجيلك من التجارب والمواقف زى ما والدتك اكتسبتها بالظبط بس انتى اصبرى وجربى من غير ما تفتشى دخليات زوجك وأماكن وشربكم وحياتكم كلها

ورا خراب البيت زوجة كل ما تروح عند حماتها أما تستمر من زوجها وأما تشتمل مع حماتها وأما انتقادها أو تاخد كلامها بمحمل تانى وتنقله لزوجها من وجهة نظرها وتقوم الخناقة
او انك تحاول تفهم حماتك أن جوزك مبيستغناش عنك وكل حاجة بيحكيهالك اللى هتشيلى حماتك من ابنها لان معنى كلامك اللى هيحصل لحماتك انها هتحس أن اى موضوع هيدور مع ابنها هيحكهولك والمفروض مش كل حاجة انتى تعرفيها

علشان تكونى فى حياتك ناجحة اتعلمى لغة الصمت
الصمت فيه النجاه
واتعلمى كمان فن المسافات والحدود يعنى خطى حد لبيتك لا انتى تتخطيه ولا تسمح لحد من بره أنه يتخطاه
كدة نتخلى بيتك فى امان دايما
لو عملتى كدة مش هتسمحى لحماتك انها تتدخل فى خصوصياتك اللى انتى من الاساس لا بتحكى عنها ولا بتسمحى لحد يتكلم فيها
لما تكونى عند والدتك استخدمى اسلوب الكدب الحلال يعنى ارفعى رأس جوزك أمام اهلك وقولى جايبلى كل حاجة .... بيعمل بكل طاقته لاسعادى .... طيب ... خلوق حتى لو هو فيه عيوب
لمجرد سترك دة ربنا هيراضيكى ومش هيخذلك فيه
وكمان هتخلى اهلك مستريحين وقلبهم مطمن عليكى وهيعاملوه بود لأنه صائم بنتهم

لما تكونى عند حماتك لا تسترسلى مع أخته أو مع زوجة أخيه فى اى شىء لان مع كل كلمة ذلة وهتتاخد ضدك مش لصالحك حتى لو كانت كلماتك بدون قصد
الصمت بيديكى هيبة ووقار هيخلى اللى حواليكى يحترموكى لانك مديتهومش فرصة لايقاعك
خليكى انتى الصندوق الاسود لاسرارهم يحكوا ليكى وهما متطمنين انك مش هتكشفى أسرارهم وفى المقابل متحكيش حاجة عن نفسك وبيتك الا اللى كدة كدة هيتعرف

طيب هايجة تقوليلى كل دة مش هينفع معايا لانى عائشة فى بيت عيلة ولازم طول النهار اكون متواجدة معاهم
طبعا فى كتير منا عايشين كدة بس دة ميمنعش انك تعملى كل اللى ذكرته فوق
كل واحدة وشطارتها وكمان لازم تحط من اول يوم حدود انا اه هساعد فى بيت العيلة لكن انا كمان ليا بيتى ملزوم منى
يعنى مثلا هتنزلى الصبح أروقة لحماتك الاول يبأة عوديهم انك هتخلصى عالضهر أو العصر وما بعد ذلك فهو لبيتك وزوجك وتطلعى شقتك
متظهريش عضلاتك وتشيلى شغل حد تانى ولا تخاف على زعل حد فتكونى انتى اللى شايلة كل شىء وتيجى تشتكى بعد كدة
صدقينى المباديء لو مشيتى عليها وحطيتى حدودك من اول يوم انتى اللى هترتاحى قبل اى حد وهما كمان هيتعودوا على اسلوبك

يبأة الخلاصة حماتك لو شيطان مش هتعرف تعملك حاجة طول ما انتى حاطة حدود وصامته وبتعملى اللى عليكى بدون انك تدخلى وتتعمقى فى حياتهم

سيدنا ابراهيم لما راح وزار ابنه سيدنا اسماعيل طرق الباب ففتحتله زوجته وهى متعرفوش ففكرت أنه غريب ويجب الكرامه ودى كانت عادة العرب زمان
المهم لم أكرمه وتقدم له شىء فسألها عن زوجها وحالة عيشتهم فاشتمت من كل شىء
وعندما هم سيدنا ابراهيم بالرحيل قال لها اقرأى زوجك السلام وقولى له يبدل عتبه منزله
ولما رجع سيدنا اسماعيل فحكيتله ووصفتله الشيخ فقال لها والله هذا والدى وامرنى بأن افارقك

وبعد فترة زاره مرة أخرى بعدما تزوج سيدنا اسماعيل من أخرى وحدث نفس الشىء إلا أن الزوجة الجديدة اكرمته وجادت بما هو فى بيتها رغم قلته ولما سألها عن زوجها قالت إنه يقوم بكل واجباته ويعمل بكل جهد وان بيتها لاينقصه شىء ولا هى أيضا ينقصها شىء رغم فقرهم وأخذت تمدح فى سيدنا اسماعيل
ولما هم سيدنا ابراهيم على الرحيل دعا لها ولبيتهم بالبركة ودعا لابنه وقال لها قولى له امسك على عتبة بيتك
ولما عاد سيدنا اسماعيل قصت عليه ما حدث فقال لها أنه ابى وامرنى أن اتمسك بك فانتى لى خير متاع الدنيا

................
نكمل فى الفقرة الجاية ازاى أن الزوج ممكن يكون هو سبب الطلاق وليس امه
 
إنضم
11 يوليو 2014
المشاركات
3,435
مستوى التفاعل
1,756
النقاط
113
السؤال للمشكله الثانية

س/ إزاي يكون الزوج هو سبب خراب البيت

طبعا كلكم عرفتوا ازاى تكون الزوجة هى السبب فى خراب بيتها وأن الحماه ام الزوج أو ام الزوجة استحالة هيخربوا البيت الا بمساعدة أما الزوجة أو الزوج

النهاردة هنتكلم ازاى يرجع السبب للزوج

الزوج اللى دايما بيحكى كل اسرار بيته لوالدته باعتبارها الصندوق الاسود لحياته وان تفكيرها افضل من زوجته ومعالجتها للمشاكل أعمق
احب اعرفك انك بكدة مبتحلش مشاكلك ولا والدتك صندوق اسود
اولا مدام زوجتك عرفت أن مواضيعها واسرار بيتها مع الست والدتك يباة الست الوالدة مش صندوق اسود ولا حاجة
ثانيا لو كنت فاكر انك بتاخد منها الخبرة فممكن جدا زوجتك رغم صغر سنها إلا أنها طالعة من بيت مدير مثلا وبتعرف تحل مشاكل بيتها
لو كنت فاكر انك بتحب مشاكل فللأسف انت بتعملها مش بتحلها لان ببساطة اى واحدة من بنات حوا متحبش ابدا ابدا ان واحدة من بنى جنسها تخللها مشاكلها وبالاخص طبعا والدتك لانها هتحس انها ند لها
يمكن تقبل بتدخل والدتها لكن والدتك لا
دة غير أن صورتك هتكون وحشة جدا أمام زوجتك بالبلدة كدة هتقول عليك ملكش شخصية وابن امك

ايها الزوج أن كان بمقدور والدتك انها تحللك مشكلة جوة بيتك فالاولى انت الرجل اللى تحلها اصل الانثى على العموم مش اعقل من الراجل ولا هى حكيمة عنه بل على العكس
فليه تعمل مشكلة كبيرة فى حين انك كان ممكن تحلها من البداية من جوة بيتك
صورتك ادام مراتك وهيبتك احسن كتير من لجوءك لوالدتك

شكوتك لوالدتك هتخليها تشيل من زوجتك وتقول انها مش مريحاك مع أن المشكلة ممكن تكون طبيعية ووارد أن والدتك نفسها تعملها مع والدك بس مش هتتحملها عليك
ولو عايز تصدق خلى والدك يشتكى من والدتك لوالدته أو لزوجتك انت وانت هتشوف ازاى هيكون رد الفعل
هيكون نفس رد فعل زوجتك اصل الاتنين فى الاول والاخر بنات حوا يعنى نفس التركيبة 🤣🤣

طيب لو افترضنا انك مبتحكيش مشكلة بس للاسف معظم الوقت واخد زوجتك وقاعد عندهم بحجة البيت أوسع او اقرب لسغلك أو والدتك تعبانة أو بتوفر فى المرتب الخ
أياً كان السبب فأنت مش هتستريح ولا زوجتك هتستريح لان حياتك هتكون مكشوفة وملكش خصوصيات وان مهما حصل زوجتك مش هتكون بحريتها والدتك ممكن تخبط كلمة كدة أو كدة
عيشها بملح انت وزوجتك وكيلها على ميزانيتك احسن الف مرة ما اعيش عالة على حد أو أنك تعيش مرتاح ماديا بس حياتك الزوجية دائما فى محك

طيب لو انت مانع مشاكلك عن والدتك ومبتعملش حاجة من اللى ذكرتها بس بتشتكى زوجتك لوالدتها لعلها تردعها
برده فى الحالة دى بيتك هيتخرب لان أن كانت والدتها فى صفك مرة مش هتكون التانية كمان دة غير انك هتحكى حاجات ممكن زوجتك متكونش عايزة حد يعرفها فالافضل انك تحب مشاكلك بنفسك

طيب الخلاصة اية وأية الحل
متخليش حياتك مشاع فما دمت تزوجت فاعلم أن حياتك بقت خاصة بيك انت وزوجتك وبس
يعنى من اول يوم اتفق معاها أن رايك هو اللى هيمشى مدام فى مصلحة البيت وأنه مش هيكون تسلط وخلاص وانك هتاخد برأيها بعد المشورة بينكم لان دة شىء طبيعى انتوا شركا فى البيت دة غير أن ممكن زوجتك تقولك رأى انت متكونش واخد بالك منه لأن نظرتها لبيتها متعمقة شوية عنك فعادى خد برأيها لو صح
دة مش هيكون فيه اى تقليل من رجولتك
أرسى مبدأ مع زوجتك من اول يوم أن اسرار بيتكم متكلعش برة وأنها لو طلعت منها هيكون رد فعلك مش هيعجبها وطبعا هتكون انت السباق بكدة انك مش نتطلع اسرار بيتك لحد
خليك زى الصعيدى الحر اللى حتى ميسمحش لحد أنه يذكر اسم زوجته
خليك حاسم وصاحب قرار علشان تضمن راحتك فى بيتك وتضمن انصات زوجتك لك الانثى تكره الرجل المذبذب فى الرأى إلى ميعرفش ياخد قرار سريع

خليك دايما حاطط حدود لبيتك مع أهلك واهلها
محدش هيقتحم بيتك الا لو انت فتحتله الباب وسمحتله لدى

لو زوجتك حبيت تزور أهلها وصلها لحد باب البيت واتركيها تقعد بحريتها مع والدتها واخواتها واخر اليوم روح هاتفها بعد ما تقعد شوية صغيرة
يعنى اللى أقصده متقعدش كتير عند بيت اهل زوجتك ولا تفتح مواضيع كتير ولا تكون كل مواضيعك هزار وكدة خلى ليك هيبة وحدود ووقار دة لوحده يبعد اى حد بيحاول أن يتدخل فى حياتك

سؤال المشكلة الثالثه ازاى بيتنا ميتخربش بسبب قلة إدراكنا ومبدأ السلطة توقف السلطة
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى