مشاكلي مع اهلي

[عندي امل]

بسراحه احس بنار تاكل قلبي 00اببدا بمشكلتي وباختصار واتمنى الاقي حل عندكم امس مانمت الاشبعانه صياح 00مشكلتي مع اهلي اللي كل يوم اجي منهم اجلس ابكي انا متزوجه ودائما مشاكل مع اهلي خواتي واخواني وعيالهم حسبي الله عليهم يتعدون علي وعلى عيا لي ولما اخذ حقي تقوم القيامه الحين نص اخواني وخواتي مايكلموني وما اتكلم معاهم ولما ادخل بيت اهلي يتفركشون من المكان الي انا فيه لين مايبقى في المكان الا انا وامي يعني با الله اخليهم يدوسوني انا وعيالي واسكت وان تكلمت حطوها سالفه وصارو مايكلموني بسراحه انا فكرت اقطع علاقتي فيهم ما اروح لهم الا في الاعياد وبس وامي اروح لها بين فتره وفتره اسلم عليه واريح راسي من المشاكل

 

[الاختصاصية أمل]

هلا اختي عندي امل.... كل انسان يواجه مشاكل فيحياته


نصيحتي ،،، حدي ما هي المشكله بالتحديد:
ثم ضعي بدائل للحلول التي يمكن القيام بهااااااا وهي ان شاء الله كثيرا

ودائما استعيني بالله و ادعي الله ان ييسر لك امرك و يهدي اهلك


موفقه

 

[الجواااان]

طيب انتي اجلسي معهم وتفاهمي معهم اكيد فيه احد ورى الموضوع ينقل لهم كلام كذب

 

[عندي امل]

الف شكر اخصاصيه امل والجوااان احس بردتو قلبي المكسوربردودكم والله اني مهمومه 00القاها منين ولا منين حياتي مع زوجي الله اعلم فيها ومع اهلي اشد والله اني اكتب ومب قادره اشوف الشاشه من دموعي ياربي وش سويت فيهم علشان يسوون فيني كذا احاول تماسك استقوي لكن احيانا مااقدر العايله كلها منقلبه علي والله اني اهدي واعطي لكن مايبين بعيونهم لازم اصيرلهم مداس لعلهم يرضون عني يفرقون بيني وبين اختي شي ظاهر اذا جيت الغرفه فضت واذا دخلت هي كل واحد نزل من غرفته جا ء علشان هي فيه واشتغلت السوالف معاها وانا صفر على الشمال او تروح هي وياهم بغرفه 00اذاكلمت امي وقلت ليش كذا قالت كله منك انت سويتي كذا وقلتي كذا 00تجلس تجيبلي كلمه صغيره قلته مثلا لما يخطون علي ولما اواجها واقول هم اخطو علي تقول حتى ولو اسكتي اوتتهرب 0000000واحس كلامك ياالجوااان فيه شي من الصحه 00وهاذي نفسها الي يفضلونها علي كانت من قبل زواجها تقلب راس امي علي وكانت علاقتي مع امي وابوي حلوه قبل حتى انها تقول احسدك على علاقتك بااهلي؟؟واتمنى اكون لاتزوجت زي علاقتك معهم؟؟مره اتصلت علي و اعزمتني ببيتها رحتلها يوم جيت اطلع قلت مع السلامه لجميع الي جالسين وطلعت 000من بكرا راحت تصيح تبكي عند ابوي تقوله اني عزمتها وكرمتها وتطلع ماقالتلي ولامع السلامه 00ما اقول الاحسبي الله وكفى به قادرا وحسيبا

طيب ايش الكلام الي تنقله وش بدت تسوي لمين صارو كل العايله يتجننون عليه وانا صارو اعداااااء لي


تكفون تعبانه لاتتخلون عن يابلقيسيات تراكم احن من خواتي عطوني حل

اللهم اني فوضة امري اليك ياقهار

 

[بداية غير]

الصمت ثم الصمت ثم الصمت والله انه علاج نافع والايام بتجيب لك كل مخطي الين حدك والله اني اخذتها درس في حياتي والله نافع ومجرب وللعلم ليس كل صامت ضعيف بالعكس اقوى لغات العالم هي الصمت وانتي في معمعة المشاكل اصمتي ولملمي نفسك وعيالك واخرجي من مكان المشكلة والله راح ينقلب الموضوع لصالحك ولاتنسين مهما يقولو اصمتي وبتشوفين النتيجة بنفسك
سامحيني طولت بس هذا الدرس تعلمته مؤخرا على كبر ههههههه
من زوجي الله يخليه لي
والمشاكل في كل مكان عادي اقلمي نفسك لان الزمن غير والناس تغيروا
تحياتي لك

 

[دلع شمر]

السلام عليكم
اختي الله يعينك
اختي زيك كذا دايم تقول انتم ماتحبوني تفرقون بيني انا وخواتي بس احنا مايصر مشاكل ضاهره واحنا نحبها ونعزها بس تصرفاته تخلينا نكرها
اول شي حاولي ماتجين لامك لما يكون البيت فيه احد فتره مؤقته وجيبي لامك هديه لو علبت شكولاته اواحتى حلى سويه بليت وحاولي انك ماتذكرين شي من خلافاتكم مع اخوانك لحد ماتحسن علاقتك بامك

 

[فورسيزنس]

ياحبيبتي وسعي صدرك ولا تتوقعين البيوت خالية وانتي الوحيدة بس ودي اطلب منك كل ما ذكرتي هالسالفة توظي وصلي وابكي قدام رب العالمين اشكيلة وادعي لك بتسيير امورك وتسخير اهلك وخواتك لك والحي بالدعاء واكثري الاستغفار بنية الفرج ترى الاستغفار سوا لي نتائج ماتوقعت نصها تجيني وللة الحمد وابي اقولك شي حنا خواتك وانتبهي لاتكبرين الموضوع بخلدك ترا تتعبين تعب موب طبيعي واي استفسار يااختي انا حاظرة

 

[عندي امل]

مشكورين ووين البقيه وين اخواتي البلقيسيات

 

[فتاة الخير]

خليك اعقل منهم اصمتي ولو صاحوا عيالك لاتهوشين جلسيهم واسكتي مو ميتين من الطق..
مو معقوله تخسرين اهلك بسبب مشاكل اطفال..وولاتصيري حساسه والله احيانا ولدي يضرب ااخوي اللي كبره ويطبون اخواني كلهم على ولدي يطقونه واخذ ولدي واسكت واحيانا ابلعه واسكت ليش اخسر اهلي بسببهم ؟؟ومو ميتين من الضربولاتصيري حساسه تدافعين كل شي
وقولي لاخواتك مو معقوله نخسر بعض من شان مشاكل اطفال..واعزميهم وونسيهم وفهمي اطفالك انهم مهما تهاوشو تراهم اخوان ويحبون بعض..

 

[اسرار الحب]

الله يعينك اختي ...

وانت يمكنك شوي عصبيه ! وتغلطي عليهم بالكلام وانت ماتحسين !!

حاولي تتمساكي اكتر وتوزني كلامك قبل ماتتكلمي في اي حاجه !

ومعليش لاتزعلي مني شكلك تغاري من اختك كتييير وهذا الي مخليك ماتتقبلي منها شي !!!

لاتقارني حياتك باحد تاني ، عيشي حياتك بحدووود وادب ولاتخاصمي احد عشان اطفالك ,,

كذا ماراح تقدري تعيشي ! خدي الاموور ببساطه .. وان شاء الله بترتاحي معهم ...

ولا تقارني كتييييير معهم يمكن هذا ينرفزهم منك !!!!

وربي يسعدكم ويردكم لبعض ...

ولا تنسيني من دعائك,, واكثري من قيام الليل والوتر ،، والاستغفااار ... وتغاااضي كتييييييييييييييير !

وربي يعيينك ..