مشاعري تجاهه قربت تموت !!! طفشت خلاص مب قادرة أتحمل !!!

احصائياتى
الردود
12
المشاهدات
2K

أم كادي

New member
معلومات أم كادي
إنضم
14 مايو 2007
المشاركات
1,155
مستوى التفاعل
0
النقاط
0
الإقامة
إن شاء الله برحمته في الجنة
مشاعري تجاهه قربت تموت !!! طفشت خلاص مب قادرة أتحمل !!!
السلام عليكم و رحمة الله و بركاته ،
أخواتي الحبيبات :
ضاق صدري و مب عارفة وين أرمي اللي فيه ،
مشكلتي يا خواتي زوجي و أهله ، اللي كرهوني الساعة اللي صرت فيها زوجة ، بحاول أختصر قصتي وياهم ....
متزوجة من أكثر من 8 سنوات ، عندي أربع أطفال ...كنت عايشه لمدة 5 سنوات ويا أهله في نفس البيت ، والده متوفي بس والدته و أخوانه و خواته ، مشكلتي بدأت من اللحظة الأولى لدخولي بيتهم ، حماتي شمرت عن ساعديها و بدأت حرب بلاهوادة ... لازقة عندي في غرفة نومي ثلاثة أرباع اليوم ..و استحملت ... تغثني في وقت نومي برفس الباب و الدق اللي يصحي الأموات ... بلعت .....ساحبتنه كل شوي يوديها مكان ... بعد استحملت .... ترقده في غرفتها ... عادي ما فيها شي ... تعلق على لبسي و شكلي و ذوقي و( أنا بنت عز و شايفه الخير !!!) بعد مشينا ... تدخل في كل صغيرة و كبيرة .... !!!! عااااااااااااااااااااادي ....لو حاول يطلعني مكان ... هي طالعة قبلي و قاعدة في الكرسي الأمامي .... بعد طوفت ... تدخل في أسماء عيالي .... إهانات جدام اللي يسوى و اللي ما يسوى ...كل يوم و مشتكيةعلي عنده و بدون سبب و الله إني طوفت ... وطوفت و طوفت .... لو وحده ثانية غيري جان هجت من أول أسبوع ..... بس أنا صبرت و صبرت و صبرت و اللي قلته ولا شي من اللي صار و جرى لي ....كنت صابرة لأني أحبه بالرغم من أنه جت أوقات كان يصدق القصص اللي تحكيها عني و تصير بيني و بينه مشكلة كبيرة بس ( مثل ما قلت بيني و بينه ) ما حد درى باللي أنا فيه و جدامها أبين أن مافيه شي مع أن نضراتها تفحصية ( بمعنى تشوف المشكلة اللي سوتها لين وين صارت ) بس ما أبين شي ولا كأنه شي صاير وعلى هالمنوال طوال السنوات اللي فاتت ..... صرت أكبت و أكبت لين ما طفشت ...بتقولون شوه موقفه .... في كل مشكله يحسسني أني المجرمة اللي ظالمة أمه واللي بسببي هو في حكم العاق ... مع أن عمري ما اتدخلت بينهم ...و بالرغم من اللي تسويه في أوصيه عليها ... لأني أم و أعرف معنى الأمومة .... بس مب معنى أنها أمه تبيع و تشتري في ولا لي حق في الإعتراض..... كانت تصير مواقف تبين اش كثر هي كذابه ....وساعتها يعتذر مني ... و تهدأ الأمور فترة و بعدين تطلع لنا من جهة ثانية بمشكلة جديدة ....
فوق هذا أحس أنه متغير علي ... الحوار أصبح بينا قليل .... حتى في الأيام اللي ما فيها مشاكل .... طول الوقت مقابل التلفزيون ... أو الجرايد ... أو طالع مع ربعه ... و أنا يا حسرة ما يعرفني إلا وقت ............
تناقشت وياه بهدوء ... ليش أنت صرت بارد في عواطفك معايه ؟؟؟ وكانت الإجابة أنا أحبج وانت تتوهمين ...
بس بالله عليكم قولولي ...إذا طول الوقت ما فيه حوار عاطفي بيني و بينه !!! ما فيه كلام غير عن الأولاد ... البيت ... مشكلاته المادية ....يمكن تقولون أني مهملة أو مقصرة في شي ...
لا أنا و لله الحمدر على قدر عال جدا من الجمال .... بالرغم من أني موظفة إلا أني مهتمة فيه و في بيته و في عياله.ومن الناحية الجنسية مافيه أي قصور ...في بعض الأحيان يقول عبارات ترفعني لفوق السماء ، ساعات يقول لي ( إذا كنت في مكان عام و شفت بنات أقول في نفسي ( أنا اللي عندي من أجمل نساء الكون ، اش هذيل جنبها ) ويقول بعد ( إذا راح عرس وشاف المعرس ، يقول في نفسه : على ايش طاير ما اعتقد ان اللي خذتها أجمل و لا أحلى من زوجتي ) يمكن يقص علي ؟؟؟؟ والله ما أدري و ساعات يذبحني بلا مبالاته الفضيعة ، حتى في وجهي ما يطالع )
المهم بمرور الأيام و بالمشاكل اللي تسويها أمه وأسلوبه معاي ، أحس أن مشاعري تجاهه بدأت تبرد ...و تفتر ....والله يا أخواتي أنهم كرهوني في حياتي و نفسي ... أنا كل اللي يعرفوني يحبوني .. إلا هالعيلة اللي الله بلاني فيهم ...أنا ما قلت لكم ... آخر مشكلة بيني و بينه كانت في إجازة آخر الأسبوع و أمه سببها ... لدرجة أنه طلع من البيت ..رايح لشغله في مدينه ثانية ... بدون ما يكلمني ... و من البارحة لين ألحين ما رن تليفوني بمكالمة منه !!! قبل سنوات لو صار هالموقف كنت أموت من الصياح من لهفتي لصوته بس ألحين أحس خلاص صار عندي تبلد في الأحاسيس و ما عادت تفرق عندي ...
طبعا هي أشعلت النار ... وابتعدت ... وصار بيني و بينه مشادة كلامية ... طلعت فيها اللي ما أطيق أمه المسكينة ...واللي اتبلى عليها.... ونسى كل اللي ذقته على ايدها عشانه ...
صرت أكرههم كلهم .... أنا تعبانه والله تعبانه و مو مصبرني على هالعيشه غير عيالي ...عشت سنيني صابرة عشانه و آخرتها طلعت أنا صاحبة المشاكل و الظالمة .... تعرفون خواتي هو كان معترف لي أنه يعرف أن أمه ظالمتني و منكدة حياتي وحياته وكان طالب مني أن أتحمل عشانه ... تحملت و شوه آخرتها ... رجع هو يظلمني من ظلم أمه ...
البارحة قلت له : أنا ما بسامحها أبد على سوته و تسويه ... قلت له بعد : كل ما أحاول أنسى الماضي أنتوا ترجعوني له ....انفعلت كثير بس والله غصب عني ... كان موقفه المدافع عن أمه باستماته ، بس والله عيونه تقول أني صادقة ....
سامحوني على الإطالة بس حاولت أطلع غيض من فيض الهم اللي في قلبي ... دلوني أرجوكم شوه أسوي ؟؟؟؟
 

بياض القمر

New member
معلومات بياض القمر
إنضم
18 مارس 2008
المشاركات
278
مستوى التفاعل
0
النقاط
0
حاولي تجددي في شكلك حاولي تغيري في اسلوب وتستخدمي الدلع ............وين مكر الحريم
الله يسخر لك زوجك ويرده لك .................
 

ريانيه قطر

New member
معلومات ريانيه قطر
إنضم
11 أبريل 2008
المشاركات
586
مستوى التفاعل
0
النقاط
0
والله يام كادي هذي امه وعمر الظفر ما يخرج من اللحم لاتزعلين هذي حقيقه مرة لكن ودي انج تقربين من امه عديها امج مهما سوت غمضي عيونج وانا وحده الدنيا لافحتني بمرها مع ذللك احط امه على راسي والله ثم والله ان خواته يسون ربع اللي قلتي مع ذللك مطنشه وانا موظفه الحمدالله عندي شغل يريحني ويبعدني واللي با قوله لج حاولي تكسبين امه مهما كلفج وحاولي تخفين الاحتكاك بها وادعي ان ولدها مايسوي لج شي وحاولي تاخذين مشورتها لو اشياء تافهه والسلام لاتقاطعينها هذي امه:icon28:
 

أنا حرهـ

New member
معلومات أنا حرهـ
إنضم
16 مايو 2008
المشاركات
154
مستوى التفاعل
0
النقاط
0
يا قلبي قريت مشكلتك ثلاث مرات ولا عارفه وش ممكن اقول لك
ذكرتيني بأختي ومشاكلها مع اهل زوجها....!
خلك اكبرمنهم ..وترفعي عنهم..طنشي ..اهتمي بنفسك...واطفالك...وبزوجك ...داوي جرحك بنفسك وكوني قويه ..لا تتنتظري احد يداويك...لا عاد تجيبي طاري لامه واهلك مهما كاااااااااااااااااان...لا تقولي ما اقدر ...حاولي...حاولي تكسبي زوجك...ان شاء الله فتره وتعدي وترجع المياه لمجاريها...اتمنى لك السعاده.
 

زقـرتـيـه

New member
معلومات زقـرتـيـه
إنضم
4 ديسمبر 2007
المشاركات
37
مستوى التفاعل
0
النقاط
0
حبيبتي هدي اعصااابج ترى اهم شي رااحت الباال..
انا اقوول لو تتفاهميين ويا ريلج بهداوه بخصووص امه وتقووليله انها ظالمتنج وكذا ع الاقل هو يحس باللي قاعد يستوي..:icon28:
وحااولي قدر الامكان انج تكسبينها مب عشاانها عشاان خاطر زوجج وعيالج..وترى اجرج عند الله وهالدنيا فانيه ..وقدر الامكان لا تحتكيين فيها..
انتي صبرتي واايد والله مابيضييع حقج حبيبتي..هونيها فدييتج وبتهون ان شااء الله لا تخربين بيتج:cupidarrow:
 

أم كادي

New member
معلومات أم كادي
إنضم
14 مايو 2007
المشاركات
1,155
مستوى التفاعل
0
النقاط
0
الإقامة
إن شاء الله برحمته في الجنة
اختي بياض القمر ... أشكرج على المرور وجزاج الله ألف خير ... بالنسبة للتجديد أنا و لله الحمد موب مقصرة ، الحمد لله ، متميزة في كل شي في شكلي ... لبسي ... تعاملي ... ما أبغي امدح نفسي بس هذا الواقع ... شخصيتي محبوبة من الجميع ... وقلبي صافي للجميع ....
ريانيه قطر ... تسلمين الغالية على اللي قلتيه ... كلامج ذهب و على العين و الراس .. وأنا مثل ما تحبين ... الحمد لله مب مقصره فيها من حيث زيارتها ... هداياها ... الصبر عليها .... عمري ما غلطت فيها ...ودايما أوصيه عليها ... بس هي اللي تفر مخه و يجيني مثل الريح العاصف ... و أنا يا غافلين لكم الله ... أنا ما احتك فيها أزورها بين فترة و فترة بس عشان خاطره ... و تصدقين حتى لما أزورها ما أسلم من لسانها حتى جدامه أو لوكان فيه ناس و ياما صارت لي وياها مواقف ...
أنا حرهـ ... تسلمين الغالية على تعاطفج ويايه ...ما قصرتي كلامج على العين و الراس ..
زقرتيه ........مشكورة الغالية... بالنسبه للمناقشه وياه ... ياما تناقشنا بهدوء و تفاهمنا ... وياما اعترف لي بظلم أمه لي ... لكن يوم أنها تواشيه علي ما أدري شوه تسوي فيه يجيني حالته لله ....
بس ما قلتوا لي بالنسبة لأسلوبه الجامد ويايه ... شوه أسوي ؟؟
 
معلومات دلوعة عبدالرحمن
إنضم
26 يوليو 2007
المشاركات
152
مستوى التفاعل
0
النقاط
0
انا من رايي انك تتكلمين معاه بهداوه وتقولين له حبيبي انا عارفه انك تحب امك وتقدرها وتتمنى انك تكون بار فيها والمشاكل اللي تصير بيني وبينها مخليتك عايش في صراع داخلي ..لا انت راضي عن تصرفات امك ولا راضي انك تظلمني ..علشان كذا ابغى اتفق معاك ..انه لما تصير اي مشكله تجي تكلمنى بهداوه لوحدنا و تفهمني التصرف الصحيح اللي ممكن اسويه معها من غير عصبيه ومن دون ما تتهمني باني قاصده ااذيها .. وانا راح اطبق كل كلمة تقولها لي ..بس بشرط انك تنسى مشاكل امك وتخلينا نعيش ايامنا الجايه براحة بال وبحب وتفاهم... وما تخلي مشاكلها تاثر فينا...
 

بلقيس وبس

New member
معلومات بلقيس وبس
إنضم
5 فبراير 2009
المشاركات
73
مستوى التفاعل
0
النقاط
0
احبيتي نفس مشكلتي لكن انازيادة عنك ان عندي 7عيال وزيادة على امة خواتة التسعة وانا من كثر مامليت وسلبيتة قاطعتهم وللكن ماخفيت جروحي منىومنهم مازالت تنزفآآآآآآآآآآآآآآآآآهالله يعيني وياك
 
معلومات قلب يحيا بالأمل
إنضم
20 أغسطس 2009
المشاركات
370
مستوى التفاعل
0
النقاط
0
الإقامة
في عنون صغيري
حبيبتي ام كادي

حاولي تنسي مامته ومشاكلها وتفكري بأولادك وبيتك وزوجك

طنشي طنشي

مهما كان دي مامته

اكسبي الاجر وخلي رسول الله قدوتك في تعامله مع المشركين واذيتهم

ربي يلهمك الصبر
 

من نحن ؟؟

موقع نسوة : هي شبكه عربيه تهتم بكل ما يخص المرآه وحياتها اليوميه يعمل منذ سنوات لمساعدة والمساهمه في انجاح كافة الامور الحياتيه للمرآه العربيه