مسوؤلياتي ...!!

[luliy]

السلام عليكم

بنات حابه استشيرركم وافضفض شوي :5:

الحمدلله أنا من عائلة معروفه بالرياض .. وحالتنا الماده كويسه من جهة عماني جدي شيخ والله منعم عليه ولله الحمد
بتقولين ليه هالمقدمه

أول شي الوالد والوالده قرايب .. وبابا الوحيد من عماني اللي مايزور جدي ولاااخواانه ولاخواته الا بالحسره عندنا استراحه نروح لها كل خميس وهو مايجي
وكل من شافني رما علي كلمه زي مثلا ابوك وش يسوي في البيت ابي افهم !!

تعبت وانا اصرف صرت اقول مدري عنه واضحك معهم

ابدخل بالموضوع ،،،،،،

ماما موظفه الحمدلله


وهي تقريبا تصرف علينا وتسوي كل ششي بابا بس يدفع فواتير البيت

هو موب بخيل ابد لو اطلب منه فلوس بروح السواق عطاني بس المشكله انه هو يحسبه شي موب لازم يعني طلبتوا ماطلبتوا بكيفكم


انا ماودي اتكلم عنه كذا مهما كان هذا بابا واحبه ... بس يااا بناااات انا تعبت تعبت تعبت



شوفوا انا اكبر اخواني وخواتي عمري ١٩

وعلي مسؤولية بسيطه لكن انا احس ان كل مالها وتكبر


صرت افكر اتزوج عشان ارتاح انا ادري ان هذا موب حل وتفكيري غلط بس ابشركم الفتره الاخيره جتني عقده من جنس الرجاااااال

اول حالتي اهون احلم احلام ورديه الحييييين كل رجال اشوفه احس وراه شي :4:



تخيلوا يابنات حتى السيارات ماما شاريتهاااااا

بابا مدري وين يودي فلوسه .. لو طلعاته كثيره قلنا متزوج بس انه ٢٤ ساعه بالببييييييت !!!

ماما دايم تشتكي لي من بابا وبابا يشتكي لي من ماماااا ......... كررررهت حيااااااتي انا ماابي اعرف عن شييي

بس الفتره الاخيره عرفت ان بابا هو الغلطان وحتى ماما المفروض ماتدخلني بمشاكلهم بس والله احيانا ارحمها ودها تفضفض لان طول الوقت ضايق صدررها كل شي عليها

هي الام وهي الاب



الفتره الاخييره صاير بابا اذا شاف صحن ولا شي بالصاله يجلس يهزأني اقوله والله مانتبهت ولاشففففته
يجلس يقولي المفروض تدورين شي تشيلينه !!!!! معليش وانا مخي فاضي حتى انا افككر ووراي دراسه بحكم ان تخصصي طبي
انا مااقول ان هذا عذر ماشتغل بالبيت بس مو سالفه اني ادور بالبيت ادور شي طايح واشيله !!!!

ليه اخواني وخواتي مايشيلون بعدهم !!!!

صاير بس يحطططم فيني يقولي ترا الرجال مايبي الحرمه اللي كذا ومن هالكلام .... صراحه المفروض هالكلام له هو جالس مايسوي ولا شي انا موب جالسه اهاوش الحين انا مقهوره عليه هو من الناس
ومقهوره على حالي كل الحره جايه فيني لاني بوجهه

وصاير يقولي شوفي امك ماتسوي شي بالبيت الشغاله قايمه فيه !!! ومن هالكلام

معليش يعني ماما هي اللي تشتغل وتصرف عالبيت !!! تقطع عمرها :4:

الحين الحمدلله صاير هو يوصلني الجامعه !!

وقبل اسبوع كنت بغيب يومين عيت علي ماما ... وحاولت اعرف منها ليه ...
وهي ماكان ودها تقولي ... قالت لي ابيك تروحين عشان يروح الدوام لانك مره غبتي وقلتي له لاتوديني وكمل نومته ولا دااوم
وهو دوامه ببصمه يعني بيخصم من راتبه اللي مانشوفه :4:

قبل سنه كان مايداوم يخلي اي احد يوقع عنه !! وموب دايم بعد ماما قالت لي انهم شبه فصلوه ووقفوا راتبه ٣ مرااااااات تتخييلون !!

وماما تتصل وتترجااهم يرجعونه وتحرصهم مايوصله انها متصله لا جايبة له واسطه :icon1366:

وآخر خبر وهو الصاعقه قبل كم يوم ....

انا ادرس بجامعه اهليه منحه ،،، طلعت النتايج وماضموني لها هالسنه !! مع ان الشروط تنطبق علي وقايلين لي قبل انتي مضمونه بس صار فيها واسطات
انا انهررررت ومماما ضاق صدرها ،،، انا من القهر قلت لها لاتعلمين بابا لانه موب مسوي شي ...


ماما كلمت واحد من عماني قالها براجعهم بس انا مسافر الحين وعمي ياحبيله موب مقصر وهو عارف بابا:4:


المهم ماما جلست تدور مساعده مع اني رااافضضضضضه وقلت لها خلاص بجلس بالبيت
بس هي عيت قالت ابيك تدرسين اللي تبين وبدفع لك حتى لو ماجتك منحه

وانا راافضضضحه واقولها ماارضى تدفعين لي بالسنه ٧٠٠٠٠

بتسوء حالتنااا كذااااااااا لان ماما هي اللي تصرف علينا وعالبيت وبننحرم من اشياء كثيره

بس هي رافففضه تقول الفلوس بكيفهاا :4:


وبابا حاط ايدينه لو مادرس بالطقاق !!!
ماما لقت مساعده من رجال لكن مانضمن يقدر ولالا





الزبده يابنات ماودي اكثر عليكن بس حبيت افضفض شوي:no:


انا اول كنت اقول اتزوج واجلس بالبيت ارتاح


والحين اقول مااضمن اللي بياخذني بعد ببس ولو موب صاير زي بابا عالاقل يصرف يتحمل مسؤولية البيت


لاتقولون ان هذا هروب من البيت ... لامو هروب لكني تعبت تسكرت بوجهي امور دراستي وبالبيت انا صايره اتحمل مسؤوليه اروح واجي اودي واتقضى وكل شي

وماردي اتزوج ان شاءالله

ادري بتقولون بعد هههه كأن الرجال واقف يحتريني اوافق ....

ادري انه مابعد جا الله يجيبه :5:


بس الشي اللي طلعت منه من كل هالمشاكل ان تحطيم بابا كل ماتذكرته اهون بس اني اقوى من كلامه وانا عارفه اني بقوم بواجب بيتي ان شاءالله ويسعد زوجي

وصرت اتمنى يجيي بسرعه :4:

ياالله هذي فضفضه وابي نصايح منكم
ودعواااتكم لي بالزوج الصالح اللي يصير لي جنتي في دنياي واصير له جنته في دنياه

" ادري كلامي حووووسه بس والله انا اكتب وانا خانقتني العبره ابي احد يشاركني اللي انا فيه "
​

 

[الساعه الرمليه]

الله يهونها عليك حبيبتي أول شي باسألك هو أبوك مريض بالسكر أو الضغط ؟؟
إذا كان كذا معليش يالغاليه مهما سويتي مارح يتغير .. لأن مشاكلها متعبه وغصب عنهم يتنرفزون..
من ناحية العمل وتهاونه فيه هو خلاص إعتمد على أمك مادامها تصرف ع البيت ويمكن راتبها كويس
علشان كذا ما عاد يهمه شي ..
وعادة البنت الكبيره في البيت هي اللي تنظلم وتاكل كل يوم علقه وأنا مجربه
من ناحية أن كل واحد يشكي لك من الثاني حلها بسيط جدآ ويقرب القلوب
لما أبوك يشتكي من أمك قولي ليش يابابا تقول عنها كذا وهي اللي تمدحك دايمآ وتقول أبوكم مافيه منه
ونفس الشي عند أمك لو أشتكت من أبوك قولي والله بابا يحبك ودايم يمدح فيك ويقول تتعب علشان سعادتنا وكذا رح تقربين قلوبهم من بعض حتى لو كابروا في البدايه صدقيني بيكون تحرك شي في قلوبهم ..
بالنسبه لأهل أبوك كمان نفس النظام لو سألوا عن أبوك قولي يسلم عليكم ومشتاق لكم ووده يجي بس الظروف وأنتم أهله وما يستغني عنكم .. ونفس الكلام عند أبوك مع أهله لو رجعتم من جمعتكم قولي هم يسألون عنك ويقولوون أشتقنا لك ..
من ناحية أن أبوك يدقق عند كل شي في البيت تحملي مهما كان هو أبوك ولما يقولك شي قولي ع العين والراس
الله يوفقك من ناحية المنحه وإن شاء الله يقبلونك ولا تتراجعين لأن الشهاده سلاح المرأه في هذا الوقت ..
وكمان لا تزر وازرة وزر أخرى بمعنى لا تظلمين كل الرجال علشان ناس معينين في حياتك ماأسعدوك يمكن يجيك إنسان يعيشك أميره إن شاء الله علشان ما تصير عندك عقده من الرجال ويصدقها عقلك الباطن
حاولي تتفائلين دايمآ وتاخذين كل المشاكل بحكمه ..
وصدقيني هذي المشاكل بتخليك إنسانه متفاهمه في حياتك الزوجيه وحياتك عمومآ علشان تتفادين تكون مثل حياتك السابقه ..
أتمنى أكون أفدتك والبنات والمستشارات مارح يقصروا ....

 

[ليتك تفهميني]

مشكله ابوك انه معتمد على امك تماما و امك للاسف عطته فرصه انه يهمل و يهرب من المسئوليه
و لما ابوكي يهاوشك او يتكلم عن مسئولياتك في البيت فهو يذكرك انه ما زال موجود و مسئول عنك لانه حاس انه ما له تأثير عليكم
و نوعا ما هي غيره من امك الي معطيتكم كل شي و قريبه منكم