مسلسل اسوار

[شتات]

بصراحه قاهرني هالمسلسل كثير
اول مره شفته يمكن تاثرنا فيه شوي
لكن يوم عادوه صرت احيانا اشوفه اذا مالقيت غيره
بصراحه يرفع الضغط مصور الشعب السعودي قمة بالهمجيه والغباء
من زوجة الاب المغربيه المستغله للاب وهو مايشوف غيرها
ولولد الفاسد اللي له شقه خاصه للشرب والبنات والاخت اللي تطلع مع السواق وتروح لغرفته ومارفع ضغطي شي كثر شخصية السواق اللي من اول المسلسل لاخره وهو ساكت
والاخت العانس عشانها ملتزمه اخلاقيا
والا الفاسد اللي قتل كل المسلسل اخته وبعدين زوجته اللي متزوجها مسيار وسوى حادث وماتت واخر شي زوجته الاخيره اللي يعرفها وواثق فيها ولهم سنين مع بعض وعندهم ولد
يكلمه واحد غبي يشككه بزوجته ويروح على طول يوديها للصحراء ويحاول يقتلها ويضيع ولده قمة التخلف
مابقى ضاهره ماحشرها بهالمسلسل وكل ظاهره اسوء من الثانيه
شك قتل عجز جنسي زواج مسيار خيانه ضياع فساد تخلف غيره انتقام
لو اني مو سعوديه كان تصورت انه المجتمع السعودي مجتمع وحشي خالي من اي شيء سوى العنف والقتل والخوف
حسبي الله عليهم

 

[روعة روح]

ايه حسبي الله عليهم

 

[>> تووووووفي <<]

صادقه اختي شتات !!! للأسف المؤلف مصور الشعب السعودي بصورة خــــــــــــــــاطئه !!!
انا لما اشوفه بسرعه اغير المحطه ..

مو لاني سعوديه لا بالعكس كل مجتمع فيه الصالح والطالح بس مجتمعي مافيه الهمجيه هاذي انا اعرفه عدل !!!

حسبــــــــــــــــــــــــــــــي الله ونعم الوكيل على من انتجه وألفه !!!!

شاكرة موضوعك شتات ...

 

[دوومي عالية]

ايه والله يا اختي..

انا ما شفته..بس شفت لقطااات منه...ولاعت جبدي..

وقلت مستحيل السعوديه جيه..ونفس ما قالت الأخت توفي..في كل مجتمع فيه الصالح والطالح..

صراحه مسلسل عبيط جدا..وسخيف..وماله اي لزمة..

 

[نبضة دلع]

بصراحه انا اكره هالمسلسل مع اني ما شفت منه الا لقطات ,,,ياالله كله

هم وغم ,,احزان والام تعاسه وعنف الى آخر درجه ...ما اتخيل في حياه

همجيه لهذه الدرجه ....بصراحه انا احس أغلب المسلسلات الخليجيه كذا

كلها هم في هم وتعاسه في تعاسه,,,ونهايتها اتعس واتعس هذا اذا كان لها

نهايه اصلا ...........الف شكر لك حبيبتي

 

[دمعه حزن]

والله انكم صادقين يضيق الصدر ..
ويخلينا مجتمع متفكك ومنحط اخلاقياً ,, ولكن هل تتوقعون بان حادثه البنت مع السائق غير صحيحه لا بل صحيحه مع الاسف ,, اذكر وحده تتكلم بكل جراءة عن علاقتها مع السائق وتقول بنها بكرا وانها تكون علاقه خلفيه وفيها الكثر من الحب والحنان مع هذا السائق ..
وفيه حادثه معرفه عندنا منذو فتره بانها ماخذه نصف ترم بعذر لانها مشغوله مع سائقها العزيز ....
واسال المولي بعزته وجلاله ان يستر علينا فوق الارض او تغطينا التراب تحت الارض ... اللهم امين​

 

[أم ألأحرار]

حسبي الله ونعم الوكيل
والله لو يترجم المسلسل لأجنبي غير ينجنون من تخلف السعوديون
لأن المسلسلات مراية المجتمع وينقل مشاكل المجتمع مو يشهر فيه

 

[*ريمي*]

والله يابنات وانا مثلكم منقهره حدي على الكاتب حرام يصور مجتمعنا بهالتخلف والهمجيه حسبي الله ونعم الوكيل

 

[عاشقة الأماكن]

وازيد من الشعر بيت (مثل مايقولون) الزوجه اللي لقت نفسها في الصحراء وبعدها تدق باب في قريه في زماننا هذا ويتركونها عندهم بدون مايبلغون الشرطه أو يتصلون بمن يساعدهم وكأن وسائل الأتصالات معدومه في هذا الزمن.. رغم أننا في السعوديه تلاقون الجوالات واصله القرى وكل الأماكن.
وتخيلوا أن ماصار يحفظ ولدهم القرآن إلا لما هي جات وصارت تحفظه وأن الجده تقول كانت تتمنى يحفظ القرآن ..رغم أن المساجد في كل السعوديه عندهم حلقات لحفظ القرآن الكريم .
والله أنهم بيخلون السعوديه في نظر من لا يعرفها ولا زارها مجرد متخلفين .

 

[rosstar]

اف من هذا المسلسل من جد احقر مسلسل شفتة

 

[صمتي مهابة]

صدقتي اختي مسلسل عبيط
وبصراحة حتى لو كانت في مجتماعاتنا مشاكل بس مستحيل توصل للدرجة هاي وبعدين أنا ما أشوف في مجتماعاتنا أحداث بالطريقة نفسها
وثاني شيء الناس اللي غافلة عن هالشيء بدل ما تتعظ راح تقلد وتسوي نفس الشيء لأن بصراحة في بلداننا الناس وايد تتأثر بالمسلسلات
وعن جد كلام اختي دمعة حزن احزنني ان في بنات وصلوا للمرحلة هاي
الله يستر علينا بس وعلى المسلمين اجمعين

 

[صاحبة الكساء]

انا لما شفته حقدت على مؤلفه حسن عسيري
الله يلعنه ما اثقل دمه مصدق نفسه مذوب البنات
وهو دبته واصله لركبه