مسشارات الحياه الزوجيه طالبتكم توقفون معاي

[أحتاجك أنا]

السلام عليكم ورحمة الله وبركاته








اخواتي مستشارات زوجات الشمالي الشرقي



ابغى مشورتكم



الزوج الشمالي الشرقي معروف عنه لما يزعل أنواع الشتائم والاهانات .....


بس اللي ابي اعرفه كيف اتحمل شتمه واهاناته خصوصا اذا قال انا اكرهك انا عمري ماحبيتك انا اجاملك مجامله على حساب نفسي ...

دايم يقولي انت شايفه نفسك على ايش تراكِ ولاا شي .... ماتسوين شي عندي زيك زي شبب الحمام عندي (اكرمكم الله ) مع اني والله مو شايفه نفسي ولاا شي
موعارفه ااتصرف كرامتي انجرحت والكلام هذا دايم اسمعه منه كل مايزعل ويعصب يسمعني هالموشح واذا مو نفسه يكون امر منه بكثير

وبعد كل هذا يطلبني للفراش .... ؟؟؟؟؟؟؟؟؟؟؟

موعارفه اتصرف مدري اذا كل الشمالين يقولون هالكلاام لزوجاتهم ولاا انا بس مدري اصلاا اذا صح يحبني ولااا يجاملني على قولته انا تعبت معاه خواتي مشورتكم كيف اتصرف بهالحاله

وقسم بالله مجروحه وودي اصيح باعلى صوتي و واقول انه سبب جرح كرامتي

ابغى مشورتكم خصوصا انه هالمره ثقل العيار بقووووووووووه

وهوا الغلطان من البدايه علي وقلب الطاوله وصرت انا االغلطانه سمعني هالكرم اللي مافي بشر يقوله لعدوه امكن مابالكم لزوجه


موقادره اطالع بوجهه

 

[أحتاجك أنا]

مشاهدات 28 ولاارد واحد ؟؟؟؟؟؟؟؟؟؟؟؟؟؟؟؟؟؟؟؟

 

[am lamo]

ادعي ربك يسخره لك

اختي كلميه وهو مروق وعاتبيه على كلامه ماجربيت يوم وش

وش ردة قعله؟

 

[am lamo]

<span style="color: rgb(0, 0, 205);"><font size="3">ادعي ربك  يسخره لك <br><br>اختي كلميه وهو مروق وعاتبيه على كلامه ماجربيت يوم وش <br><br>وش ردة فعله ؟</font></span>

 

[أحتاجك أنا]

الا كلمته كذا مره يقول هذا كلاام وقت عصبيه وانا احبك ولك معزتك ومكانتك عندي بس اول مايعصب اسمع هالكلاام

 

[رازيا]

عزيزتي انصحك اذا استمر الوضع الطلب من كبار العائلة من الطرفين التدخل من أجل التأثير عليه، وإخباره بكل ما يزعجك منه.
2- التماس لحظات الصفاء مع زوجك من أجل التعبير له عن انزعاجك الشديد من أفعاله.
3- محاولة عدم إغضابه في الأمور التي تعرفين مسبقا أنها تسبب له الغضب.
4- إهماله في اللحظات التي يكون فيها غاضبا، وعدم المبالغة في استرضائه، فهذا الغضب مهما طال سينتهي، وعدم تفكيرك برضا زوجك وهو غاضب قد يخفف من تأثير الغضب عليك. طبعا مع عدم تقصيرك في واجباتك الزوجية والعائلية.
5- الدعاء إلى الله سبحانه وتعالى أن يهدي زوجك لما يحبه ويرضاه، فهو وحده القادر على تغيير ما في النفوس، إذ "إن قلوب الناس بين إصبعين من أصابع الرحمن يقلبها كيف يشاء" كما قال رسول الله صلى الله عليه وسلم. فلا تيأسي ولا تقنطي، واعلمي إن الله مع الصابرين.
أخيرا، يا عزيزتي، قد تقولين لي، ما ذنبي كي أتحمل مثل هذا الشخص؟ وإذا كان كل همي إرضاؤه فمن يرضيني أنا؟ أقول لك بأنه قدرك، فإذا كنت تحبين هذا الرجل وتريدين المحافظة على بيتك فما عليك إلا الصبر، أما إذا اخترت الخيار الآخر، وفقدت القدرة على التحمل، فعندئذ عليك دراسة الموضوع بطريقة أخرى. وفقك الله.

 

[قمر بلامنازع]

أختى الكريمة :.
اولا راجعى علاقتك بالله العلي القدير..
لانه فى بعض الاحيان نتيجة تقصير الشخص
فى جنب الله او تجرئة على المعصية
فأذا كان هناك تقصير يجب اولا تركه
وأساليه المعونه
صدقيني ياغاليتي .. كثيرمن الازواج عندهم استهتار فضيع بزوجاتهم
وسامحيني للاسف انتي تركتي له المجال قد انا قلت قد يكون السبب ماعندك ثقه قويه بنفسك ..
الحين الي انصحك فيه اشتغلي على ذاتك اكثر وبنفس الوقت حاولي ماتتركي مجال لزوجك كيف يكون ~~ انا اقولك ..
كيف؟..
اذا لقيته بدايعصب اطلبي منه تروحو على غرفة النوم وسكري الباب وقوليله بهدوء مشاكلنا لازم ماتطلع من هذاالباب
ودايما ادعي ربك ماتحاولي لما يكون معصب تتناقشي معاه او تغلطي عليه ممكن بعد مايهدا انت تثوري ..فهمتي ..
ولا تنظري انه النتيجه راح تكون سريعه لانه في الاول والاخر هذا طبع بس انت اشتغلي على حالك واجتهدي راح يضعف
ويخف كتير ويبطل كمان ..


الله يهديه يارب ويصلح بينكم ويصلح اموركم

 

[أحتاجك أنا]

العائله اهلي يبغوني اطلق منه لانهم يشوفنه مو كفو يكون زوج لي خصوصا انه مهمل بدرجه اولى فيني وبولدي وبالبيت

وحضرته من النوع اللي مايهمه احد حتى اهله واذا صار وتكلمت اطلع مو كفو له واني اتكلم بمشاكلنا قدام العالم وخذي من هالكلاام خصوصا انه شمالي شرقي

الا انا مستغربه الشمالي الشرقي مو مهمل في بيته ولا كسول زوجي كل مواصفات الشمالي الشرقي فيه الا الاهتمام في بيته والكسل هذي خارجه ارجع واقول لكل قاعده شواذ

وربك كريم

 

[رندا كووول]

الا كلمته كذا مره يقول هذا كلاام وقت عصبيه وانا احبك ولك معزتك ومكانتك عندي بس اول مايعصب اسمع هالكلاام

احكمي ع كلامه وهو عاقل اقصد هادئ لان ذهنه يكون صافي ومركززز
بعكس لما يكون معصب والشياطين تتنطط قدامه وما يتحكم ف كلامه>>>>يعني لاتحاسبيه وكأنك ماسمعتيه..
والزمي الدعاء والاستغفار وربي يفرررج همك

 

[زوجه مغتربه]

اول مايعصب حاولي تخرجين من المكان مثلا عصب في الصاله انتي روحي المطبخ او غرفه النوم الين ما يهدأ وحاولي ماتردين عليه اذا سبك التزمي صمتك واخرجي من المكان ........

 

[نونا حياتي]

أنا مع الاخت زوجه مغتربه حاولي تطلعي من المكان عشان ماتسمعي الالفاظ هذه

 

[دانة الشام]

حتما ليس هناك من تتمنى أن ترتبط بالرجل العصبي الذي يجرح بأفظع الشتائم حين العصبية والغضب !! ولكن ماذا نفعل كل منا تعيش في قدرها .. والرجل العصبي شخص يستحق الشفقة ..لأنه فاقد للسيطرة على نفسه .. هو رهين انفعالاته .. يعتقد أن من أمامه لايحترمه ولايفهمه .. كان الله بعونك .. حتما الوضع صعب ومؤلم .. حاولي أن تتحاشي المواضيع والمواقف التي من الممكن أن تثير عصبيته .. وإن شعرتي بموقف ما أن الوضع سيتطور انسحبي بهدووووء .. أعرف أن ذلك ليس بالشيئ السهل وفيه شعور ربما بالظلم .. ولكن ذلك أفضل من تطور وتصعيد الموقف بينك وبينه وبالتالي ظهور جانبه الآخر الذي يجرحك به ... المهم أن لايشعر منك أنك تستهيني بكلامه .. تابعي كلامه بصمت .. لاتنظري له بازدراء مثلا .. بنفس الوقت لاتظهري أمامه ضعيفة .. تماسكي ولاتذرفي الدموع .. بعض الرجال تزيد عصبيته إن تركتيه غاضبا وخرجتي لغرفة أخرى لأنه يعتبر أنك لاتحترميه .. فيزيد ذلك من عصبيته .. الزوج العصبي حين يهدأ ينسى أكثر من ثلاثة أرباع كلامه .. لذلك كل ماعليك فعله أن تلملمي نفسك وتعودي لممارسة حياتك الطبيعية في بيتك ولكن مع رسم نظرة حزن .. وإن كلمك أجيبيه باقتضاب مع حزن .. حتما حتما الندم سيأكل قلبه لذلك تريه يحاول أن يتباسط معك بالحديث وطلبك لفراشه ماهي إلا طريقة أغلبية الرجال في الاعتذار .. فمن الصعب على رجالنا للأسف أن يقولوها صراحة : أنا آسف .. بإمكانك حين يعود لرشده ويحاول أن يتواصل معك أن تكلميه بهدوء وتقولي له : أن عصبيته وكلامه الجارح يؤثر على مكانته في قلبك وبالتالي على تفاعلك معه .. اذكر أني مرة بكيت في منتصف العلاقة الخاصة أثر خلاف بيني وبين زوجي وكان يومها قد جرحني بكلامه كثيرا .. وفعلا تذكرت كلامه وبكيت وأخبرته بحقيقة مشاعري أني اتذكر كلامه وهو مايمنعني من التفاعل معه .. وكان ذلك أشبه بالصدمة له جعلته لمدة طويلة يحاول مسك لسانه في حال عصبيته .. لذلك لاتترددي في معاتبته وأنت تنظري لعينيه مباشرة .. واعلمي أن الشخص العصبي يحتاج لتعزيز ثقته بنفسه .. لذلك كلما مدحتيه خلال اليوم وشكرتيه حتى ولو على أشياء بسيطة فعلها لك .. وكلما حضنتيه كلما خفّت نوبات غضبه لاحقا .. وصدقيني حالته ستخف كلما تقدم عمر زواجكما .. شيئا فشيئا سيهدأ ويصبح أكثر قدرة على ضبط نفسه .. أما أن أهلك يطالبونك بالانفصال .. فهذا يجب أن يكون قرارك وليس بدفع منهم .. ولكن لاشيئ مضمون في الحياة .. قد تنفصلي ثم إن فرضنا أنك تزوجتي قد يكون الآخر أكثر عصبية منه ولسانه أكثر قسوة وحدّة .. لذلك ركزي في استمالته عاطفيا .. واحتويه لأن الرجل العصبي أحوج مايكون لعاطفة الانثى وحنانها ودلعها كي تروّضه وتجعله مستأنسا .. قراءة سورة البقرة وكثرة الاستغفار تؤثر بشكل عجيييييييييب على جو البيت بشكل عام .. ربي يختار لك الخير.

 

[أحتاجك أنا]

<P>اختي قمر بلا منازع ثقتي بنفس ميه ميه وماظن عصبيته لها دخل بثقتي وكلامه طبيعي يجرح  اي وحده مو بس انا <BR><BR>احنا بشر  ومابالك هذا زوجي اللي يقولي هذا الكلاام مو احد من برا عشان مااحس  وماهتم بكلامه   على العموم يعطيك العافيه خيتووو  ^_^<BR><BR><BR>رندا كول <BR>زوجه مغتربه<BR>نونا حياتي<BR><BR>وهذا اللي اسويه وربي بس ربكم يفرجها <BR><BR><BR>دانة الشام <BR><BR>الله يسعدك بدنياك واخرتك كلاامك يبرد القلب  والله والله كنت منتهه ولي كم يوم وانا بس ابكي<BR></P>
<P>الله يوفقك ويسعدك ويفرج همك <BR><BR><BR><BR></P>