** مستشفى جيد الخدمات بسعر معقول >>> ترا مو دعااااية

[@مرح@]

السلام عليكم حبايبي ستات وسبعات منتديات بلقيس :shiny:

أخباركم وأخبار الحمل معاكم , إن شاء الله تكونوا بخييييير والنونو بصحة كويسه
سؤالي عزيزاتي :

أتمنى إن ولادتي تكون في مستشفى أهلي (طبعا مو تبع شركة على حسابي ) وأبغى تشيرون علي بمستشفى كويس ومو غالي (العين بصيرة واليد قصيرة :blushing

والله لايهينكم إذا ممكن تقولون لي سعر التوليد والدكتورة الممتازة

أكرر ماأبغى مستشفى سعره مرتفع لو سمحتوا

وسامحوني على التشرط :blushing:

 

[لمسه حنونه]

انتي من وين اختي
والمزانيه كم يعني

 

[@مرح@]

انتي من وين اختي
والمزانيه كم يعني

أنا من الرياض
وحدي أربعة آلاف تقريبا
أنتظر ردك حبيبتي

 

[خيالة الشرق]

عندى طلبك
مستشفى عنايه ومرتب ويواجه
واسعارة روعه وعندهم اغلرف متنوعه ما بين غرفه خاصه وغرفه ممتازة وجناح وجناح ملكى ولاسعار ما تصدقين
والمستشفى شرح وتحسين انه مستشفى انا قبل ما اولد فيه رحت وشفته وعجبنى

مستشفى الدكتورعبيد التخصصى
وانا حاضرة لاى سؤال وتراى اجابتى عن تجربه انا واختى وبنت عمتى واختها ومن ظمنها عمليه بعد
وكلهم يمدحونه ويثنون عليه
يعنى على ميزانيتك تولدين طبيعى وتجلسين بجناح لمدة يوم
اتمنى انى افتدك

 

[@مرح@]

عندى طلبك
مستشفى عنايه ومرتب ويواجه
واسعارة روعه وعندهم اغلرف متنوعه ما بين غرفه خاصه وغرفه ممتازة وجناح وجناح ملكى ولاسعار ما تصدقين
والمستشفى شرح وتحسين انه مستشفى انا قبل ما اولد فيه رحت وشفته وعجبنى

مستشفى الدكتورعبيد التخصصى
وانا حاضرة لاى سؤال وتراى اجابتى عن تجربه انا واختى وبنت عمتى واختها ومن ظمنها عمليه بعد
وكلهم يمدحونه ويثنون عليه
يعنى على ميزانيتك تولدين طبيعى وتجلسين بجناح لمدة يوم
اتمنى انى افتدك

والله ماقصرتي يالغلا ومقدرة جهدك عزيزتي
عندي بعض الأسئلة :
التوليد يكون نساء طبيبات بدون وجود الأطباء الرجال؟
وين موقع المستشفى؟
السعر مقطوع والا قابل للزيادة ؟

وشكرا لك حبيبتي على المعلومات الحلوة وماقصرتي عيوني واعذريني على الأسئلة

 

[سمسومي]

الله يهون عليك بالسلامة

 

[خيالة الشرق]

هلا وغلا ماسوينا شى
طبعا التوليد على حسب طلبك انتى تبغين طبيبه يامنون لك وترى عندهم 3 استشاريات منهم باكستانيه كثير يمدحونها
واظن 3 اخصائيات
والطبيبات يسوون عمليه اذا احتجتى بنت عمتى سوت عمليه (لان الضغط مرتفع معاها ) على يد استشاريه هنديه وسوولها بنج نصفى
السعر مقطوع ما فيه زيادة انا بقولك ولادة طبيعى بغرفه مشتركه ب 3000 غرفه خاصه بزيادة 300تبغين غرفه ممتازة بزيادة 500وترى الاقامه يوم واحد تبن تجلسين زيادة تدفعين حق الغرفه بس
يعنى الولادة فقط ب300بغرفه مشتركه والزيادة على حسب الغرفه اللى تبينها
وما فيه زيادة الا اذا طلبتى ابر مسكنه او الطفل احتاج حضانه ويامنون لك على حسب خبرتى من 4سنوات يامنون لك فى الحمام الخاص شامبوا وفرشاة اسنان وجل استحمام عاد مدرى يمكن غيروا
المستشفى عند معهد الادارة واذا تبن رقم المستشفى ارسله لك على الخاص عشان تاخذين الوصف منهم وتروحين لهم وتشوفين كل شئ بنفسك شكل المستشفى والغرف والاجنحه وحتى غرفه الولادة ممكن يورونك عشان تطمئنين

 

[@مرح@]

شكرا عيوني (خيالة الشرق )
ماقصرتي معلومااات قيمة


ومازلت في انتظار المزيد >>>> يقولون زيادة الخير خيرين :msn-wink:

 

[انات حائرة]

ماقصرت اختي خياله
بس سعرهم حاليا اتوقع 3900 ريال عبيد التخصصي
كنت بودلد عندهم بس استخرت وماارتحت

وولدت في مستشفى المواساة بـِ 3500 ريال
شامل غرفه خاصه مع دورة مياة
واقامة 48 ساعه
نظافه وعناية بشكل فضيييييييييييييييييييييع بدون مجامله
بس على حظي كان زحمة عندهم وقت ولادتي ووخيطتني الدكتورة وهي مستعجله مره
بس الحمد لله رحت عند دكتورتي الي اراجع كنت عندها وقالت تمام الخياط الحمد لله

نظافتهم مره حلو لدرجه مااحتجت اتروش بعد الولادة نظفوني مضبوط

ثاني يوم من الولادة يسون مساج
وقت الطلق تكوني في غرفه التنويم والي تبين يدخل معك يدخل ولوحده وقت الولادة يودونك غرفة الولادة في غرفه لحالك
بس انصحك روحي قبل تولديني واختاري الدكتورة الي تبينها تولدك عشان لو كان عندهم زحمة تكون معك دكتورتك

صراح انا انسط لهم مره لان خدمتهم جدا راقيه وسعرهم جدا معقول
وزيادة على كذا نظفو بنتي ولا جابوها لي الى قبل اطلع
وريحتها تجنن

واي استفسار انا تحت امرك

 

[@مرح@]

ماقصرت اختي خياله
بس سعرهم حاليا اتوقع 3900 ريال عبيد التخصصي
كنت بودلد عندهم بس استخرت وماارتحت

وولدت في مستشفى المواساة بـِ 3500 ريال
شامل غرفه خاصه مع دورة مياة
واقامة 48 ساعه
نظافه وعناية بشكل فضيييييييييييييييييييييع بدون مجامله
بس على حظي كان زحمة عندهم وقت ولادتي ووخيطتني الدكتورة وهي مستعجله مره
بس الحمد لله رحت عند دكتورتي الي اراجع كنت عندها وقالت تمام الخياط الحمد لله

نظافتهم مره حلو لدرجه مااحتجت اتروش بعد الولادة نظفوني مضبوط

ثاني يوم من الولادة يسون مساج
وقت الطلق تكوني في غرفه التنويم والي تبين يدخل معك يدخل ولوحده وقت الولادة يودونك غرفة الولادة في غرفه لحالك
بس انصحك روحي قبل تولديني واختاري الدكتورة الي تبينها تولدك عشان لو كان عندهم زحمة تكون معك دكتورتك

صراح انا انسط لهم مره لان خدمتهم جدا راقيه وسعرهم جدا معقول
وزيادة على كذا نظفو بنتي ولا جابوها لي الى قبل اطلع
وريحتها تجنن

واي استفسار انا تحت امرك

شكرا جزيلا حبيبتي أنات حائرة والله وماقصرتي ذكرتي لي كل شيء بالتفصيل
الله يحسن إليك
سؤالي : :blushing:

كم لك وآلده , لأني أخاف ان السعر زآد مع موجة الغلاء :busted_red:

وش الدكتورة اللي تنصحيني فيها ( تكون خياطتها كويسة )
وكيف أروح قبل وأختار الدكتورة ؟!
لأني فاتحة ملف في مكان ثاني

شكر جزيل لك غاليتي مرة أخرى والله يخلي لك بنيتك ويقر عينك بها

 

[عذبة الروح 2]

شي هذا المواساة ........
ياليت في الأحساء فرع له ..

لأن بس موجود مستوصف المواساة

 

[عذبة الروح 2]

مرح ..
أدعي ربك أنك تولدين بدون اخياطه ..
أحسن ..

 

[@مرح@]

مرح ..
أدعي ربك أنك تولدين بدون اخياطه ..
أحسن ..

يعني مو لازم يوسعون المستشفيات الأهلية ؟!
صرآحة ماقد جربت ولاده في أهلي

لأني آخر مرة ولدت في حكومي وما احتجت خياطة , لأني كنت أظن انهم كسلانين يوسعون :crazy:

 

[خيالة الشرق]

بس سعرهم حاليا اتوقع 3900 ريال عبيد التخصn
اختى انات حائرة
انتى قلت اظن
وانا اقول انى رحت لهم في يوم20 ذى الحجه 1429
يعنى قبل اقل من شهر وشفت المستشفى مرة ثانيه لقيتهم مجددين الاثاث واسعارهم اللى قلته لسه طازة الولادة 3000غرفه مشتركه والزيادة زى ما قلت قبل----
وبصراحه المواساة انا ما ارتحت له ابدخصوصا ان عندهم قضيه الاخت نورة السبيعى اللى تسببو لها بمشكله ادت انهم يشلون رحمها والحين رافعه قضيه عليهم وعلى فكرة هم غيروا اسم المستشفى بعد ها القصه وسموة (مستشفى نجد)وعلى العموم يا صاحبه الموضوع عندك مستشفى الاسرة و الجافل اسعارهم ارخص من عبيد
وانا اذا تبين شورى روحى لطبيبه ترتاحين لها فى اى مستوصف اهلى وراجعى عندها وشوفى هم مع اى المستشفيات متعاقدين معاها وخليها تروح معك للمستشفى اللى تبينه بس الاسعار تختلف من مستشفى لاخر

 

[خيالة الشرق]

يعني مو لازم يوسعون المستشفيات الأهلية ؟!
صرآحة ماقد جربت ولاده في أهلي

لأني آخر مرة ولدت في حكومي وما احتجت خياطة , لأني كنت أظن انهم كسلانين يوسعون :crazy:

الا الاهليه يوسعون ويعطونك طلق صناعى بس انا على حسب معلوماتى انك اذا ولدتى اول مرة بدون توسيع تكون ولاداتك الجايه بدون توسيع وانا عاد ما ادرى
بس الاهلى يوسعون والحكومى بعد

 

[@مرح@]

الا الاهليه يوسعون ويعطونك طلق صناعى بس انا على حسب معلوماتى انك اذا ولدتى اول مرة بدون توسيع تكون ولاداتك الجايه بدون توسيع وانا عاد ما ادرى
بس الاهلى يوسعون والحكومى بعد

الله يطمن بالك عزيزتي خيالة
ويتمم علينا وجميع البنات حملنا على خير
مشكوووورة عزيزتي وماقصرتي

 

[@مرح@]

وانا اذا تبين شورى روحى لطبيبه ترتاحين لها فى اى مستوصف اهلى وراجعى عندها وشوفى هم مع اى المستشفيات متعاقدين معاها وخليها تروح معك للمستشفى اللى تبينه بس الاسعار تختلف من مستشفى لاخر

المشكلة ان دكتورتي تبع مستشفيات غالية مثل (مركز سليمان الحبيب والمملكة )
والاسرة لكني ماأرتحت له سمعت انه مو ذيك الدرجة
وأنتي وش رآيك قد جربتي الاسرة ؟

 

[انات حائرة]

شكرا جزيلا حبيبتي أنات حائرة والله وماقصرتي ذكرتي لي كل شيء بالتفصيل
الله يحسن إليك
سؤالي : :blushing:

كم لك وآلده , لأني أخاف ان السعر زآد مع موجة الغلاء :busted_red:

وش الدكتورة اللي تنصحيني فيها ( تكون خياطتها كويسة )
وكيف أروح قبل وأختار الدكتورة ؟!
لأني فاتحة ملف في مكان ثاني

شكر جزيل لك غاليتي مرة أخرى والله يخلي لك بنيتك ويقر عينك بها

انا ولدت عندهم يوم الاربعاء الي فات :shiny:
انا ماامدح لك ولا اذم انتِ براحتك وتوكلي على الله واستخيري وربي يكتب لك الي فيه الخير
الي ولدتني دكتورة خديجه عراقيه اتوقع بس لاتولدي عندها عورتني في التنظيف كانت مره مستعجله عشان الزحمة << حساسه مره :tears:
زوجة خالي وبنت عمي مررررررررررره يمدحون دكتورة امل مصريه
وانا ارتحت لوحده لبنانيه اتوقع اسمها شيرين مو متأكده بس على حظي انتهى دوامها
ومسكت حالتي دكتورة عزة الي العصر بعدين ولدت المغرب عند دكتورة خديجه
على اني سبيتهم ولعنتهم:sad_1: الا بعد الولادة جلسو يضحكون معي ويمزحوني :bleh:
ويقلبي توكلي على الله والي مكتوب راح يسير لو في مستشفى حكومي
استخيري واستغفري وربي يكتب لك الي فيه الخير
وارجع واقول
استخيري
ثم استخيري
ثم استخيري

 

[خيالة الشرق]

وأنتي وش رآيك قد جربتي الاسرة
انا جربت الاسرة مرتين اخرها قبل 8سنوات مش بطالين بس ما ارتحت لهم وكان في ذاك الوقت افضل مستشفى من ناحيه الاسعار(مدرجلينك على قد لحافك)انا عندى عبيد التخصص افضل منه وانتى براحتك اهم شى اذا دخلت المستشفى وقت الولادة ادعلى بهذا الدعاء وانتى موقنه(اللهم انى استودعك نفسى وجوارحى وجنيني فاحفظنا بحفظ يامن لاتضيع ودئعه)سواء عبيد او الموساة او الاسرة اوحكومى لان الحافظ الله سبحانه والخطاء وارد احنا قلنا لك عن تجربه عن المستشفيات اللى اسعارهم معقوله بس ممكن ترتاحين لمستشفى انا ما ارتاح له وممكن تذمين مستشفى انا مجربته ومرتاحه معاة فهى توافيق وارزاق