سلام عليكم ، كيفكم جميعا؟
اني كتبت مشكلتي من قبل ، بس صارت مستجدات مع زوجي و اهله خلتني احس اني كنت مخدوعة فيهم جد.
قبل يوم من ولادتي جو اهل زوجي معاه في بيت اهلي و هاوشوني اني و امي و اهانونا اهانات مو طبيعية و ما احترمونا ابد ، قالوا لي انه ابوش و امش مو زينين لانهم خلوش تبقي معاهم هالمدة و انتي حتى لو قريب تموتين لازم تبقي في بيت زوجش و انه انتي وحدة وسخه و ما تعرف تطبخ وو لا تسوي شي و ابوش و امش ما عرفوا يربوش و ... اني من الصدمة وجهي صار الوان و لا عرفت ارد و هم طبعا اصواتهم وش رفعها وصلت للطابق الاول عند اخواني ، رافعينها على امي مع انها اكبر منهم في السن ، عاد اني في النهاية صرخت على وحدة منهم و الكلمة الوحيدة اللي قلتها لهم :انتون قاعدين تظلموني .
طبعا زوجي كان قاعد مرتاح و يضحك على اللي سووه فيني و في امي و يايدهم في كلامهم كله!! من ضمن كلامهم كانوا يقولوا انتي بعد عشرة ايام من ولادتش لازم ترجعي بيتش و تقومي و تشتغلي فيه !!
اولمرة اسمع انه الولد حتى قبل لا يبرا جرحهم لازم يشتغلوا في البيت !! امي قالت لهم انه بينهم مشاكل و انه يسبها و يضربها ، تخيلوا وش قالوا ، قالوا عادي كلنا ننسب و ننضرب و اصلا المره لازم ما تشتكي لاهلها هالشي و ... كانت صدمة امي كبيرة طبعا لانه احنا ما عدنا هالشي و كانت هي سائلة امهم من قبل و قالت انه ما عدنا سوالف الضرب و الاهانات.
بعدها بيوم بسبب نفسيتي الزفت و البركة فيهم ولدت ، و هم تخيلوا ما رسلوا حتى يقولوا الحمدلله على السلامة و لا شي.جا زوجي ثلاث مرات لا سلام و لا شي يشابق و يهددني انه راح يحرمني من ولدي و يقول اني قليلة ادب لاني رفعت صوتي على اخته اللي اكبر مني !! و هم يعني عادي يرفعوا اصواتهم علي و على امي ؟؟
بعد كذا صار ما يجي ابد و لا يرسل و هم نفس الشي على سكوتهم .. بعد حدود عشرين يوم جا زوج ختهم و درا بالسالفة و حاول يصلح ، و في هالاصلاح انكشفت امور كثير ، زوج ختهم هاذا كان هو اللي معرفنهم علينا عشان موضوع الزواج ، كان هو قايل لهم انه راح يساعدهم في حفل الزواج و هو ما شاء الله مقتدر ماديا، انصدمنا ، لانهم كانوا طالبين انه ما تصير حفلة زواج خير شر لانه ما عندهم يصرفوا على الحفلة !! اضطر ابوي هو يتكفل بالزواج كله .. و نفس الشي بالنسبة للاثاث ، و طلعوا عاطيين وحده من بناتهم لواحد مريض نفسي ،رفع عليها السكين ايام الملكة و على ابوها و امها !! و مع ذلك تم زواجهم اساس لا يقولوا الناس انها فكت الخطبة !!
احنا صدمتنا كانت قوية جدا ،يعني ليش ما احد قال لنا هالسالفة قبل الزواج ؟؟ ابوي و امي يقولوا لو ندري عنهم كذا مستحيل كنا نعطيهم بتنا .
اني عقب كل ذا حسيت روحي انخدعت فيهم كثير ، ضيعت سنتين من عمري مع ناس ما يستاهلوا ، كبرتهم في عيوني و كنت دايما امدحهم و هم كانوا يفتروا علي و يغتابوني حتى في المستشفى قدام الممرضات ..و الادهى و الامر انه زوجي نفس الفكر و نفس المواقف..طيب ليش؟انا وش سويت عشان يصيرلي كذا؟
اني خلاص حزمت امري على الطلاق و راح اخذ الولد اربيه ،مستحيل اخلي ولدي يربى عندهم و يصير مثلهم ...
هم طبعا من طرفهم يبغوا صلحة بس طبعا من دون ما تتغير تصرفات و لدهم و تصرفاتهم، و انا ما ابي هالصلحه ذي، اساسا حتى لو بيتغيروا انا ما ابي اعيش مع ناس كذبوا علينا من البداية ، و في نفس الوقت مابي ابين كاني مستعجلة على الطلاق و اني انا اللي قطعت طريق الصلحة، ايش الحل؟
اني كتبت مشكلتي من قبل ، بس صارت مستجدات مع زوجي و اهله خلتني احس اني كنت مخدوعة فيهم جد.
قبل يوم من ولادتي جو اهل زوجي معاه في بيت اهلي و هاوشوني اني و امي و اهانونا اهانات مو طبيعية و ما احترمونا ابد ، قالوا لي انه ابوش و امش مو زينين لانهم خلوش تبقي معاهم هالمدة و انتي حتى لو قريب تموتين لازم تبقي في بيت زوجش و انه انتي وحدة وسخه و ما تعرف تطبخ وو لا تسوي شي و ابوش و امش ما عرفوا يربوش و ... اني من الصدمة وجهي صار الوان و لا عرفت ارد و هم طبعا اصواتهم وش رفعها وصلت للطابق الاول عند اخواني ، رافعينها على امي مع انها اكبر منهم في السن ، عاد اني في النهاية صرخت على وحدة منهم و الكلمة الوحيدة اللي قلتها لهم :انتون قاعدين تظلموني .
طبعا زوجي كان قاعد مرتاح و يضحك على اللي سووه فيني و في امي و يايدهم في كلامهم كله!! من ضمن كلامهم كانوا يقولوا انتي بعد عشرة ايام من ولادتش لازم ترجعي بيتش و تقومي و تشتغلي فيه !!
اولمرة اسمع انه الولد حتى قبل لا يبرا جرحهم لازم يشتغلوا في البيت !! امي قالت لهم انه بينهم مشاكل و انه يسبها و يضربها ، تخيلوا وش قالوا ، قالوا عادي كلنا ننسب و ننضرب و اصلا المره لازم ما تشتكي لاهلها هالشي و ... كانت صدمة امي كبيرة طبعا لانه احنا ما عدنا هالشي و كانت هي سائلة امهم من قبل و قالت انه ما عدنا سوالف الضرب و الاهانات.
بعدها بيوم بسبب نفسيتي الزفت و البركة فيهم ولدت ، و هم تخيلوا ما رسلوا حتى يقولوا الحمدلله على السلامة و لا شي.جا زوجي ثلاث مرات لا سلام و لا شي يشابق و يهددني انه راح يحرمني من ولدي و يقول اني قليلة ادب لاني رفعت صوتي على اخته اللي اكبر مني !! و هم يعني عادي يرفعوا اصواتهم علي و على امي ؟؟
بعد كذا صار ما يجي ابد و لا يرسل و هم نفس الشي على سكوتهم .. بعد حدود عشرين يوم جا زوج ختهم و درا بالسالفة و حاول يصلح ، و في هالاصلاح انكشفت امور كثير ، زوج ختهم هاذا كان هو اللي معرفنهم علينا عشان موضوع الزواج ، كان هو قايل لهم انه راح يساعدهم في حفل الزواج و هو ما شاء الله مقتدر ماديا، انصدمنا ، لانهم كانوا طالبين انه ما تصير حفلة زواج خير شر لانه ما عندهم يصرفوا على الحفلة !! اضطر ابوي هو يتكفل بالزواج كله .. و نفس الشي بالنسبة للاثاث ، و طلعوا عاطيين وحده من بناتهم لواحد مريض نفسي ،رفع عليها السكين ايام الملكة و على ابوها و امها !! و مع ذلك تم زواجهم اساس لا يقولوا الناس انها فكت الخطبة !!
احنا صدمتنا كانت قوية جدا ،يعني ليش ما احد قال لنا هالسالفة قبل الزواج ؟؟ ابوي و امي يقولوا لو ندري عنهم كذا مستحيل كنا نعطيهم بتنا .
اني عقب كل ذا حسيت روحي انخدعت فيهم كثير ، ضيعت سنتين من عمري مع ناس ما يستاهلوا ، كبرتهم في عيوني و كنت دايما امدحهم و هم كانوا يفتروا علي و يغتابوني حتى في المستشفى قدام الممرضات ..و الادهى و الامر انه زوجي نفس الفكر و نفس المواقف..طيب ليش؟انا وش سويت عشان يصيرلي كذا؟
اني خلاص حزمت امري على الطلاق و راح اخذ الولد اربيه ،مستحيل اخلي ولدي يربى عندهم و يصير مثلهم ...
هم طبعا من طرفهم يبغوا صلحة بس طبعا من دون ما تتغير تصرفات و لدهم و تصرفاتهم، و انا ما ابي هالصلحه ذي، اساسا حتى لو بيتغيروا انا ما ابي اعيش مع ناس كذبوا علينا من البداية ، و في نفس الوقت مابي ابين كاني مستعجلة على الطلاق و اني انا اللي قطعت طريق الصلحة، ايش الحل؟
