مساعده ياخواتي الاستشاريات .....

[همي أكبر مني]

انا عندي 4 بنات .....
اكبر وحده 7 سنوات واصغر وحده 10 شهور ......

الكبيره:وايد تصرخ على خواتها تضربهم حتى لو ماسووا شي ..ولين بتلعب معاهم لازم قوانين وانظمه اقولها هذا لعب لا تصرخين على خواتج وبعدين كله تخليهم يقعدون وهي تسوي كل شي سوا تشتغل خدامه تشيل البيبي وتقول حق اختها اللي تمثل دور الام قعدي واي لعبه تكون مقعدتتها ولا تخليها تنطر عند الباب وهي الدكتوره داخل والمشكله انها قاعده بروحه بس تخلي الثانيه والثالثه برع

اما الثانيه هاديه والكبيره احس ان عقدتها ومرات تكون تمشي تعطي خواتها بكس في بطونهم تخليهم يصيحون ولين قلت ليش قالت ماشفتهم..

الثالثه عمرها 2 و9شهور اي شي تبيه بتصيح لين تاخذه وانا قد ماقدر مارضخ لاوامرها بس اتم طول اليوم حنه وعوار راس وياها

واذا طلعت معاهم في السياره يتهوشون ويتضاربون اسكت فيهم واعصب عليهم ..( انا من فتره بسيطه حطينا السايق وكان قبل طول الوقت مع ابوهم ويخافون منه ويحسبون له الف حساب اما اللحين يوم صرنا انروح مع السايق مادري يبون يطلعون اللي في خاطرهم ....) !!!؟؟؟؟

ابي منكم خواتي تساعدوني على نظام وغير انهم بنات كل وحده تنغر من الثانيه ..

 

[زمرة مشاعر]

الله يساعدك عليهم مشكلتك ان اعمارهم متقاربه من بعض
ومو قادره تعطين اي وحده منهم حقها في اللأهتمام واللعب معهم
وشكلك من الضغوط اللي عندك صايره عصبيه عليهم
والبنت الكبيره تتقمس شخصيتك على خواتها بها الأسلوب
اشتركي بالدوره ابنك على ماتربينه وحاولي انك تاخذين لك فترة راحه منهم كل يوم
لو ساعه بالأسترخاء او ممارسة هوايه انتي تحبينهاعشان تقدرين تتعاملين معهم بهدوء
وحاولي تلعبين معاهم
وانشاء الله راح يهدون اشوي
تحياتي لك

 

[عزيزه بالإسلام]

الله يعيننا على تربية أبنائنااااا...

أختي أقرأي ورشات الأستاذه الخمسه ..

إن شاء الله تفيدك كثيير ....