مساعده في مشروعي اسالو ازواجكم واخوانكم وردولي

[يكفي حزن]

مساء الخير للجميع حبايبي زوجي يبغى يبدا مشروع محمصة قهوه وقاعدين نجمع معلومات عن المشروع مين تعرف مكان يبعون قهوه بالجمله بالرياض اوجده وايش الاشياء الي تنباع بالمحمصه ومين عنده خبره يفيدناوالي تعرف اماكن تباع فيها الات الحمس والطحن الكبيره لاتبخل علينا الله يجزاه خير الي تساعدني وشرايكم بالمشروع يطلع مكسب والا لا اسالو ازواجكم واخوانكم وردولي بليز

 

[اموت في البنات]

ابدي فيه وتوكلي على الله عمي فاتح محمصه وربي انه عايش ملك عنده اراضي وفله واربع عماير

ولاهو مقصر على نفسه واهله بشي وكريم مع الكل

والله هو يقول بعضمة لسانه ان كل هذا الخير من المحمصه الله يهنيه

لكن ما اعرف الاماكن والله بس حبيت اشجعكم

 

[ام فلوه]

الله يوفقكم وييسر لكم أموركم يارب

 

[يكفي حزن]

تسلمون حبايبي على التشجيع وين الباقي

 

[ينادونى وردة]

ان شاء الله يوفقكم مشروع ممتاز

 

[البرهان]

توكلواعلى الله وربي يعينكم وتذكري حبيبتي إنه مع النيه الصادقه والدعاءكل شي يتيسرربي يوسع لكم في رزقكم ويرزقكم الرزق الحلال

 

[طيبتي غيرهم]

الله يوفقكم في مشروعكم ​

 

[مصممه مختلفه]

ما ابغى منك الا الدعاء بالسخرة وسعه الرزق يالحبيبه الجمله في الرياض في شارع صغير عند سوق اوشيقر يسمى المصديه يبيعون القهوة والهيل والمكسرات والحلويات بالجمله والسعر ارخص يعنى الشارع من جنب التعمير من ورى 00حتى هدايا العيد عندهم مرة رخيص وبالتوفيق

 

[لبى خفوقه]

الله يوفقكم امين يارب

 

[فيض الحنين]

:icon26:

:icon26:

:icon26:
فعلاااا ,,, لان الناااااس مستحيل بيوم تترك القهوة ..
واهم شئ انكم تجيبون بضاعه جيده..
عشان تكسبون سمعه طيبة ...
واتوقع القهوة ..لو تجيبونه من الموزع الرئسي ..
يعني من اللي بالسعودية لااا
اللي يجيبون منه تجار السعوديه ...
وربي يوفقكم
:icon26:
:icon26:
:icon26: ​

 

[فريدة بذوقي]

موفقة حبيبتي

 

[sea sida]

السلام عليكم

ما عندي فكرة إذا كانت مربحه المحمصه أو الكوفي أو لا (اقصد دراسات وأرقام) بس حدسي يقول انها أكيد مربحه بس في أشياء كثيرة تساعدك على النهوض والربح السريع بإذن الله
أولها أحسني النية وتوكلي على الله و استخيري وادعي ربك التوفيق
ثانيا دوري مكان حلو وما فيه محمصه مع وجود احتياج لها في المنطقة / أو يكون موجود بس الطلب كثير بحيث أنه لما تفتحين ما تخسرين
ثالثا ردا على سؤالك بأرقام موردين والشغلات أنا دايم الاحظ الجرايد مثل الوسيلة ومثيلاتها فيها أرقام ودعايات لناس تورد لك أشياء كثيرة بالجمله
رابعا مواقع الإنترنت الي تابعه للصين ممكن تتعاملين معهالتوريد المكاين أو تتعاملين مع مكاتب في الرياض تجيب لك هاشغلات

اتمنى أكون أفدتك

 

[زوجةمتفائلة]

الله يوفقكم بمشروعكم يارب المحمصه بالعاده يكون فيها قهوه وكمالياتها ومكسرات وزيوت بسيطه للشعر ومشروبات وحلويات وربي يسعدكم