[][][]مسابقه اجمل تصميم للتصوير الشخصي [][][]

[زمرة مشاعر]

اخباركم بلقيسيات يارب دووم بخير وسعاده
بعد مسابقة اجمل فيديوا
نطت براسي فكره :bleh:
شو رايكم تصير مسابقه تنافسيه عندنا هنيء بالقسم

اجمل تصميم للتصوير الشخصي

يعني نصور اطفالنا ونجي هنا ونسوي عليهم احلى تصميم
بأشراف مشرفتنا المتألقه
# فــراشه #

وعشان تصير المنافسه حلوه نحط الصور قبل التصميم وبعده
وبكذا راح نحتفض لأطفالنا بأحلى صور من تصميماتنا
ولا شرايكم

اتمنى تنال الفكره استحسانكم
ونخليها اسبوعيه
كل اسبوع مجموعه تنزل الصور وتسوي التصاميم عليها
بعدها نختار لكل اسبوع فائزه لأحلى تصميم

يلا شجعوني على هالفكره
تحياتي لكم وبأنتظار ردودكم

​

 

[رهف قلبي]

فكرة رائعة اختي

حييياك

بثبت لك الموووضوع

حيياك

 

[رهف قلبي]

هلا اختي

ملاحظة بعض الاخوات ما يقدروا يحطوا صور اطفالهم لانها تكشف الشخصية نوعا ما

انا رأيي انا ننزل صور عامة للجميع صورة واحدة اسبوعيا والكل يشتغل على نفس الصورة

فيكون يوم السبت تنزيل الصورة والجمعة التصويت على التصاميم

انتظر ارائكم...

 

[اتيت من بعيد]

فكرة رائعة وانا مع اختي احاسيس العطاء
المشرفة تنزل صورة كل اسبوع

 

[زمرة مشاعر]

مشكوووووره الغاليه احاسيس العطاء على التثبيت
مبسوطه ان الموضوع عجبكم
رايك حلو:in_love:
بس انا قلت بما انا نزلوا مقاطع فيديو لأطفالهم
وانا وحده منهم لا ضرر من تنزيل صور
وبنفس الوقت شيئ جميل انهم يحتفظون لصور اطفالهم من تصاميمهم بمساعدتكم طبعاً
بس هم فكرتك حلوه ,وتنمي مواهبنا في التصاميم :icon30:
وانا من أول المشاركيين طبعا مو تنسوني ههههههههههه:harhar1:
تحياتي لك

 

[فراشه]

فكرة جميلة جداً

بالعكس انا اشوف ان استخدام الصور الشخصية للاطفال افضل من استخدام صور من النت

علشان تطلع المسابقة مختلفة عن المسابقات العادية

واللي ما عندها مانع من تصوير اطفالها ممكن تشارك

واللي تفضل انها ما تحط صور اطفالها تقدر تصورهم بشكل ما تظهر ملامحهم

من الخلف مثلاً أو الإنارة تكون من الخلف..

هناك عدة طرق ممكن التغلب فيها على هذي المسألة..

 

[رهف قلبي]

ننتظر راي باقي الاخوات

 

[اتيت من بعيد]

طيب مو لازم نشترط صور اطفال ممكن نشترط اي صورة من تصوير العضوة
يعني يكون من تصويرها الشخصي سواء اطفال او منظر طبيعي او ماشابه
لكني اشوف هالفكرة راح تحد من عدد المشاركات (بكسر الراء) لان نسبة المصممات في المنتدى قليلة ونسبة التي تريد الاشتراك ستكون اقل
وبالنسبة لمسابقة الفيديو لان الجوائز قيمة جدا شاركن:blush-anim-cl:

 

[زمرة مشاعر]

فكرة جميلة جداً

بالعكس انا اشوف ان استخدام الصور الشخصية للاطفال افضل من استخدام صور من النت

علشان تطلع المسابقة مختلفة عن المسابقات العادية

واللي ما عندها مانع من تصوير اطفالها ممكن تشارك

واللي تفضل انها ما تحط صور اطفالها تقدر تصورهم بشكل ما تظهر ملامحهم

من الخلف مثلاً أو الإنارة تكون من الخلف..

هناك عدة طرق ممكن التغلب فيها على هذي المسألة..

حياك يالغلا وانا هاي كانت فكرتي
والحمد لله انها اعجبتك وعشان نصير مختلفين عن باقي المنتديات
وايضا تعتبر الصوره بعد التصميم كجائزه للمصممه تقدر تطبعا وتحتفظ فيها
وانا عن نفسي راح اشارك لصور اولادي واحد عمره سنتين والثاني 8 سنوات
اما بنوتاتي صعبه ماراح انزل اصورهم بس راح استفيد من التوجيهات في المسابقه
وهم راي اختي اتيت من بعيد حلو للعضوات اللي مو حابين يحطون صور لأطفالهم
بس ياريت وحده منكم المشرفات تكتب في الأهداءات عن المسابقه
عشان نبتدي من يوم السبت
متحمسه وااااااااااجد
​

 

[نجمة مضيئة]

مسابقة مميزة اتمنى لكم التوفيق

 

[اتيت من بعيد]

شو صاار بالمسااابقة <<<< نااوية تشاارك :blush-anim-cl:

 

[فراشه]

ان شاء الله نبتدي المسابقة اليوم، ونخليها لمدة اسبوع (الا اذا حابين تمددون الفترة الى اسبوعين)

شروط المسابقة بسيطة، وهي:

- استخدام صورة من تصويرك الشخصي للمشاركة في المسابقة (مش شرط تكون اطفال ممكن عن اي موضوع)

- التصميم يعتمد على الصورة، والموضوع مفتوح

- حجم التصميم الأفضل انه ما يزيد عن 500* 500 بكسل، ولكن ما يمنع انه يكون اصغر..

- الافضل وضع الصورة قبل التصميم وبعده مع ذكر الخامات والفرش المستخدمة، حتى يبدو المجهود المبذول في التصميم

بالتوفيق للجميع ان شاء الله :icon30:

 

[زمرة مشاعر]

مشكوره غناتي على البدايه الحلوه
وانا جبت الصور
التصوير مش ولا بد
لأنه حركي بالمره وبالموت قدرت القطله صوره
وانا مبتدئه بالتصوير

قولو ماشاء الله عليه
يجنن

طيب ممكن مشرفتنا تعطيني نصائح بشكل عام للتصميم
وسلامتك

 

[اتيت من بعيد]

مشكوورين وخلوها اسبوعين افضل

وان شاء الله الاقي صور من تصويري الشخصي مع اني مااعتقد
بالتووووووفيق ومشكووورين
واعلنوا عنها في شريط الاهدااء او في رسائل خااصة للعضوات اللي تحسون انهم يعرفون للتصميم
علشان يقوى التناافس :showoff:

 

[ماربيا]

روووووووعه
يالله شدو الهمه

 

[فراشه]

حياك الله زمرة المشاعر والله يحفظلك ولدك ان شاء الله

اختي ما اعرف اي نصائح تبغيني اعطيك << الغش ممنوع :nosweat:

اختي سوي اللي يخطر على بالك، الموضوع مفتوح بس المهم التصوير + التصميم

ومدة المسابقة بنخليها اسبوعين ان شاء الله..

 

[لسعة شقاوة]

المسابقه متميزه روووووووووووووووووووعه بس انا ما اعرف اصمم يلا شدو الهمه بنااااااات

 

[دلع بلقيس]

مسابقة مميزة..

نتمنى لكم التوفيق

لكن الافضل جعل المدة اسبوعين وليست اسبوع لأني احسها ماهي كافيه ابببدا.


تحياااتي,,

 

[ساحرة القلوب]

مسابقه حللللللوة

بس متى آخر يوم للتسليم لاني اليوم شفت المسابقه

في وقت ولا خلاص ؟؟؟؟؟؟؟؟؟

 

[زمرة مشاعر]

هلا شخباركم انشاء الله بخير

غريبه مو شايفه اي مشاركه :sadwalk:

وينكم يامصممات بلقيس اختفيتوا ؟؟؟؟

على العموم انا جبت التصميم
:shiny:
ويلا ابي آرائكم
طبعا استخدمت

3 سكرابز
3 صور
2 خط
1 فلتر

::




:::



:::


​

يلا ابي آرائكم لا تحرجوني مره ثانيه ولا بصيييح:tears:

​