مريضه ونفسيتي عدم..ليته يحن علي
بنات دخيلكم شوروا علي ...
انا اموت فزوجي ودايم ابين له حبي له .. احب اسوي الاشياء اللي يحبها .. هو طيب حنون يحب اهله مايحب كثرت الاصدقاء له صديق واحد بس.. مايبيني اروح لصحباتي بحكم مو واثق فيهم .. مايبيني اروح السوق لحالي او مع اخواتي بس مع اخواته او معاه.. زوجي شخصيه معروفه ومشهور مايحب احد يشوفني معاه برى واحنا نتمشى..
قبل يومين كنت صايمه وجهزت الاكل وجا اكلنا وكنا نسولف ونمزح ونضحك فجأه قالي بروح اكلم انا قمت رفعت السفره واستغربت منه دخل الغرفه وسكر على نفسه وكلم دقايق وطلع
انا مااشك فيه ابد بس يوم طلع قلت الله يافلان غريبه تقفل على نفسك قام يضحك وقال يالله البسي مو انتي تبغين تطلعين قلت طيب بس بالله مين كلمت سألته وانا اضحك راح عصب وقال يالله من التحقيقات مين كلمت ومين اتصل ومين ومين.... قلت بالله انا كذا ضحك وضحكت قلت بالله قول مين بصراحه استغربت منك قال وين تبغين تروحين قلت بالله مين راح وطنشني.. لبست عباتي وطلعتنا وانا كتمت لانه مو اول مره يقولي تحقيقات...
قال وين تبين نجلس قلت اي مكان..جلسنا وقام يسألني اشبك قلت اش تبي مني قال اشبك قلت مو انتي تبغاني انطم خلاص بنطم قال يعني ياتسكتين ياتسألين وانا ماقدرت اتحمل بكيت قلتله يعني كلامي معاك تحقيقات ولا اول مره تقولها لي قال الا تحقيقات تقولين كلمك فلان كلمت مدري مين يالله قلي الحين قبل مانطلع قلت سألتك بالله انا قلت كذا .. سكت وضحك قلت ليش تفتري علي انا كل السالفه اني استغربت حركتك وحبيت اعرف قال عندك الجوال في اي وقت تقدرين تشوفين قلت لا ماابي افتحه انت ليش ماتقولي مافيها شي.. قال بالله انا قد سألتك قلت انت غير وانا غير قال لا انتي تركزين على اشيا معينه تركزين على الجوال وعلى اصحابي..قلت غلطان انا دايم اسألك اكلت شي في الدوام ادق عليك واطمن تجيني واجلس اسولف معاك يصير شي في البيت طبيعي بسألك انا ماعندي غيرك اهلي بعيدين وجوالي ماتشحنه الا في السنه حسنه من تبغاني ابربر معاه ماتبغاني اروح لصحباتي بحكم منت واثق في ازواجهم وتتكاود توديني عند اهلي زياره وفوق ذا كله ماتتحمل سواليفي وماخذها تحقيقات.. قال انا دخلت الغرفه وكلمت زميلي في الدوام وبينت له اني نايم عشان يروح يوقع بدالي لان مالي حيل اروح اوقع وسكرت الباب عشان مايسمع ولا صوت ويصدق اني كنت نايم قلت وليش ماجاوبت وقتها بالله اش بتخسر قال مابقعد ابرر لك كل شي قلت اللي يسمعك هالكتك انا اسأله ..قلت وربي لو انا بدالك كان طلعت من الغرفه واضحك وقولك يافلان كذبت على صحبتي عشا كذا وكذ.. انت ليش تعصب اذا استغربت من شي كنا مبسوطين قمت تعكر مزاجي يعني انت ماتنبسط الا تكدر خاطري بعدها تنبسط ولا فوق ذا كله تفتري علي بكلام انا ماقلته.. سكت وانا قمت ابكي تحت الطرحه.. جلسنا من الساعه 8 الين الساعه 12 الليل ساكتين برى وقمنا رجعنا البيت ولا تكلم معاي ولا تكلمت معاه انا زعلت عليه وربي زعلت..
دايم ينظر فيني نظره سوداويه ..مره قالي انتي ليش حاقده على امي قلت مين قال قال انا احس قلت وايش السبب قال انتي تحبينها.. قلت انت تحب امي قال انتي جاوبي قلت عمتي ام زوجي وجدت بنتي بس.. لا احبها ولا اكرها احيان احن عليها واحيان تعصبني بس ماارد عليها ابد..
ومره قالي انتي تجلسين على نار اذا كنت عند اهلي..عصبني من كلمته قلت وليش ليكون تروح عند عشيقه او زوجه ثانيه انت رايح لاهلك وجالس بينهم ومافي احد مو محرم لك ليش اجلس على نار قال الا احسك كذا..قلت ليش نظرتك فيني كذا..
بنات انا انقهر من كلامه لو يحبني صدق مايفكر فيني كذا..
الحين انا زعلانه عليه هو يكلمني بس يسأل ويطلب وانا ارد كلمه ورد غطاها بس باين اني زعلانه ولا فكر يراضيني ... واليوم تعبت وزكمت وسخنت شافني وقالي قومي خذيلك حبوب..قومي سويلك جنزبيل.. قومي سوي للبنت حليب.. قومي جهزي العشا.. مايحن ابد علي لييييييييش ..انا تعبت دايم يزعلني ويتركني يومين ثلاثه ويرجع يتكلم معاي عادي ولا حاس بالذنب.. وانا اتعذب لحالي وابكي وهو مادرى عني يشغل نفسه باهله وصاحبه او النت او يجي ياخذ بنته ويروح لاهله وانا بالطقاق انا ادري انه يبيني ارجع وارضى من حالي ادري يبيني اتسولف معاه عادي ادري انه مايحب يشوفني ابكي.. بس انا ابيه هو يحس بغلطته ليش يفكر فيني بهالطريق انا مو زوجته وحبيبته على قولته..
تكفون قولولي ايش اسوي تعبت وربي تعبت..
انا اموت فزوجي ودايم ابين له حبي له .. احب اسوي الاشياء اللي يحبها .. هو طيب حنون يحب اهله مايحب كثرت الاصدقاء له صديق واحد بس.. مايبيني اروح لصحباتي بحكم مو واثق فيهم .. مايبيني اروح السوق لحالي او مع اخواتي بس مع اخواته او معاه.. زوجي شخصيه معروفه ومشهور مايحب احد يشوفني معاه برى واحنا نتمشى..
قبل يومين كنت صايمه وجهزت الاكل وجا اكلنا وكنا نسولف ونمزح ونضحك فجأه قالي بروح اكلم انا قمت رفعت السفره واستغربت منه دخل الغرفه وسكر على نفسه وكلم دقايق وطلع
انا مااشك فيه ابد بس يوم طلع قلت الله يافلان غريبه تقفل على نفسك قام يضحك وقال يالله البسي مو انتي تبغين تطلعين قلت طيب بس بالله مين كلمت سألته وانا اضحك راح عصب وقال يالله من التحقيقات مين كلمت ومين اتصل ومين ومين.... قلت بالله انا كذا ضحك وضحكت قلت بالله قول مين بصراحه استغربت منك قال وين تبغين تروحين قلت بالله مين راح وطنشني.. لبست عباتي وطلعتنا وانا كتمت لانه مو اول مره يقولي تحقيقات...
قال وين تبين نجلس قلت اي مكان..جلسنا وقام يسألني اشبك قلت اش تبي مني قال اشبك قلت مو انتي تبغاني انطم خلاص بنطم قال يعني ياتسكتين ياتسألين وانا ماقدرت اتحمل بكيت قلتله يعني كلامي معاك تحقيقات ولا اول مره تقولها لي قال الا تحقيقات تقولين كلمك فلان كلمت مدري مين يالله قلي الحين قبل مانطلع قلت سألتك بالله انا قلت كذا .. سكت وضحك قلت ليش تفتري علي انا كل السالفه اني استغربت حركتك وحبيت اعرف قال عندك الجوال في اي وقت تقدرين تشوفين قلت لا ماابي افتحه انت ليش ماتقولي مافيها شي.. قال بالله انا قد سألتك قلت انت غير وانا غير قال لا انتي تركزين على اشيا معينه تركزين على الجوال وعلى اصحابي..قلت غلطان انا دايم اسألك اكلت شي في الدوام ادق عليك واطمن تجيني واجلس اسولف معاك يصير شي في البيت طبيعي بسألك انا ماعندي غيرك اهلي بعيدين وجوالي ماتشحنه الا في السنه حسنه من تبغاني ابربر معاه ماتبغاني اروح لصحباتي بحكم منت واثق في ازواجهم وتتكاود توديني عند اهلي زياره وفوق ذا كله ماتتحمل سواليفي وماخذها تحقيقات.. قال انا دخلت الغرفه وكلمت زميلي في الدوام وبينت له اني نايم عشان يروح يوقع بدالي لان مالي حيل اروح اوقع وسكرت الباب عشان مايسمع ولا صوت ويصدق اني كنت نايم قلت وليش ماجاوبت وقتها بالله اش بتخسر قال مابقعد ابرر لك كل شي قلت اللي يسمعك هالكتك انا اسأله ..قلت وربي لو انا بدالك كان طلعت من الغرفه واضحك وقولك يافلان كذبت على صحبتي عشا كذا وكذ.. انت ليش تعصب اذا استغربت من شي كنا مبسوطين قمت تعكر مزاجي يعني انت ماتنبسط الا تكدر خاطري بعدها تنبسط ولا فوق ذا كله تفتري علي بكلام انا ماقلته.. سكت وانا قمت ابكي تحت الطرحه.. جلسنا من الساعه 8 الين الساعه 12 الليل ساكتين برى وقمنا رجعنا البيت ولا تكلم معاي ولا تكلمت معاه انا زعلت عليه وربي زعلت..
دايم ينظر فيني نظره سوداويه ..مره قالي انتي ليش حاقده على امي قلت مين قال قال انا احس قلت وايش السبب قال انتي تحبينها.. قلت انت تحب امي قال انتي جاوبي قلت عمتي ام زوجي وجدت بنتي بس.. لا احبها ولا اكرها احيان احن عليها واحيان تعصبني بس ماارد عليها ابد..
ومره قالي انتي تجلسين على نار اذا كنت عند اهلي..عصبني من كلمته قلت وليش ليكون تروح عند عشيقه او زوجه ثانيه انت رايح لاهلك وجالس بينهم ومافي احد مو محرم لك ليش اجلس على نار قال الا احسك كذا..قلت ليش نظرتك فيني كذا..
بنات انا انقهر من كلامه لو يحبني صدق مايفكر فيني كذا..
الحين انا زعلانه عليه هو يكلمني بس يسأل ويطلب وانا ارد كلمه ورد غطاها بس باين اني زعلانه ولا فكر يراضيني ... واليوم تعبت وزكمت وسخنت شافني وقالي قومي خذيلك حبوب..قومي سويلك جنزبيل.. قومي سوي للبنت حليب.. قومي جهزي العشا.. مايحن ابد علي لييييييييش ..انا تعبت دايم يزعلني ويتركني يومين ثلاثه ويرجع يتكلم معاي عادي ولا حاس بالذنب.. وانا اتعذب لحالي وابكي وهو مادرى عني يشغل نفسه باهله وصاحبه او النت او يجي ياخذ بنته ويروح لاهله وانا بالطقاق انا ادري انه يبيني ارجع وارضى من حالي ادري يبيني اتسولف معاه عادي ادري انه مايحب يشوفني ابكي.. بس انا ابيه هو يحس بغلطته ليش يفكر فيني بهالطريق انا مو زوجته وحبيبته على قولته..
تكفون قولولي ايش اسوي تعبت وربي تعبت..
اسم الموضوع : مريضه ونفسيتي عدم..ليته يحن علي
|
المصدر : الأستشارات الزوجية العامة
