مريضه ولازم ابعد عن زوجي

[مسا الغوالي]

السلام عليكم
انا فمشكله صعبه وبااختصرها لكم
انا ليا سبع سنوات متزوجه وعندي ماشاءالله 3 اولاد ولله الحمد
مشكلتي اني ساكنه مع زوجي واهلي بمنطقه ثانيه المهم
منطقه زوجي فيها غبره ورطوبه وانا عندي حساسيه من هذا الشي
بيكون انفي الله يكرمكم يرشح كثيييير وعيوني تجيني فيها حكه وحمرا وصغير ا
ولما اروح منطقه اهلي تختفي الاعراض كلها واكون عال العال
روحت كذا مستشفى ويدوني مهديئات ويقولي هالحساسيه مزمنه مالها علاج الا بالمهدئ تخيلو يابنات مااقدر احط مكياج ولا شي بس ماسكه المنديل ويالله هات كرتون ورا كرتون
وانا بعد هالسنين بعد مازوجي دور له دوام اضافي صرت لوحدي وجلست افكر بنفسي قلت
لين متى اصبر ع هالحال لين يرووح النون حق عيني من الحكه والا لما يكبر خشمي
وكلمت زوجي وقلت له مااقدر استحمل هالوضع قدم ع نقل خارجي زوجي رفض قال مابقدم

قلت له صحتي والله لو اني ماني مريضه كان عادي الوضع عندي لان ماابي اخرب بيتي بس انا مريضه
قال ماراح اقدم نقل والدوام الاضافي ماراح اسيبو
وانا الان زعلانه منه لا اكلمه ولاشي وقال لي لمي عفشك باوديك عند اهلك انا انقهرت من حلو للمشكله هاذا اول حلوله يطردني بعدها قال لا مافي روحه ع فكره هذه المره الثانيه يطردني من بيته بس هالمره ارسلت له الايه اللي فيها لاتخرجوهن عشان كذا بطل يوديني انا الان حيرانه مااقدر اصبر اكثر من كذاالحساسيه ودوام زوجي الاضافي اللي فكرني بنفسي اللي نسيتها تعاني 7 سنين

 

[أملي في خالقي]

هلا بأختنا

وان شاء الله تلقي النصايح الي تفيدك


بصراحه أنتوا وترتوا الموضوع شوي بينكم هو المفروض يقدر أنك صابرة عالمرض وأنتي ماتزعلي من موقفه من شغله

وخير الأمور الوسط فيه حل يرضي الطرفين

أنه أنتي فترة ما تكوني عنده تاخذي العلاج لازم بتتحسني ويخليك تروحي لأهلك ثلاث مرات خلال العام وطبعا تكون فترة طويله شوي

واقري الرقية ع نفسك يمكن فيه عين واسعي للعلاج ضروري عشان تخفي

حاليا :: خليه فترة يهدأ كذا اسبوعين بعدين خلي أبوك يكلمه يقله يجيبك عندهم كأنه زيارة وبعدين تتفقوا ع هذا الشيء ممكن تدخلي أهلك يقنعوه

وربنا يصلح حالكم ويسعدكم دايم

 

[نبراس الهداية]

والله يا أختي الموضوع ما يستأهل تخربو بيتكم عشانه ....هو غلطان لأن ما قدر لك صبرك طول هالمدة بس يمكن ما راح يحصل شغل مناسب لو نقل منطقة ثانية ويمكن هو نظرلها إنك ما قدرتي له تعبه عشانكم ومن جهه ثانية يمكن مو مأخذ موضوع مرضك بجدية يمكن بالنسبة له مجرد حساسية
وإنتي بعد ناقشيه بالتفاهم وشوفي نمطه بمكن تقدري تقنعيه بطريقة معينه ....أو كلمي أحد من أهلك يشوفله شغل أحسن من شغله وإذا شاف الأمر كذا يتشجع ع النقله وإذا ما قدرتي ع هالحل خلي أحد من اللي تحسي أنه زوجك يحترمه ويقدره يكلمه سواء من أهلك أو من أهله ....
وحاولي تشوفي طبيب ثاني وثالث ...الله تعالى لم يخلق داء ال وخلق له دواء وكمان أرقي وأقري قرأن .... بس طلاق ما أنصحك وبينكم عيال حرام ...المسأله بينكم كلها عناد أستهدوا بالله ..

 

[lamo]

اختي في ادويه وبخاخات خوذيها

صعبه زوجك يخلي البلد شئ طبيعي مايزعل

ماهو حل نروح عن البلد والله يشفيك

 

[حياتي بناتي وبس]

الله يشفيك يارب هو صعب عليه وانتي لازم تتحملين اوكي روحي فتره عند اهلك ارتاحي انتي مثل زوجت عمي ساكنين في مدينه صناعيه وتكون تعبانه بس تروح الاجازه عند اهلها وترجع
والله يشفيك

 

[يالوردي]

مع البنات الحل ابحثي عن علاج
ان شاء الله بتلاقي حل..

 

[الحياه وقفات]

والله البنات ماقصروا بس فيه اجهزه تتركب في البيت تنقي الجو من التلوث وممكن في حل تاني ادا الحي اللي انتم ساكنين فيه قريب من مناطق التلوث تنقلوا بحي بعيد عن المدن الصناعيه واجواء التلوث هدا افضل حل عادل بينك وبين زوجك و اكيد زوجك صعب ينقل من المكان الموجود فيه اهله وعمله وكمان عمله الاضافي اعانك الله ويسر امرك

 

[زوز~~]

مايحتاج تصنعي المشاكل ,, اكيد مافي احد بيلقى دوام وجنب اهله وبيرفض واكيد انوه مرتاح حيل ,,
تحملي ولاتبيني له بالعكس قوليله على كل اللي فيني الا بتحمل كل شي لاجل خاطرك والله بيشفيك يارب
ولاتخلينه يفكر بالتفكير اللي يلا لمي اغراضك وعلى بيت اهلك اجلسي معه جلسه وحاولي الكلام الحلو يكون حبيبي مايصير نفترق انت ماتخلي عني بهالسهوله!
صدقيني الرجال يحب التفاهم والكلام الحلو سوي اللي قلت لك ويارب تطلعي بنتيجه