مرحلة قبول النفس ...كيف نصل إليها؟

[راجيه الرضا]

الواحد وصل لقبول النفس بعد ما تيقن انه لن و لن و لن يبلغ الكمال و انه يعترف ان عنده نقاط ضعف زى ماعنده نقاط قوة زى أى حد تانى فى الدنيا

و انه يعترف انه بيغلط و يسىء أحياناً فكل ابن آدم خطاء زى ما بيعمل حاجات كويسة ساعات بيعمل حاجات وحشة
و دا طبيعى

و انه مايحاولش يتغير علشان يرضى حد
أسوأ حاجة ممكن تعملها فى نفسك انك تتغير علشان خاطر حد
و لما تتغير و تنتظر منه القبول و برده ما يقبلش

أهم حاجة تكون راضى انت عن نفسك و حاسس برضا ربنا عليك

قد تفعل أشياء من أجل الآخرين لتسعدهم أحيانا
لكن إنك تحاول تتغير علشان يرضوا عنك دا أمر يتعارض مع قبول النفس

وصلت لقبول النفس برده لما حسيت ان لنفسى حق على و انى اهتم بيها و باسعادها كما اهتم تماما براحة و اسعاد الاخرين

و ان من حقى يبقالى أوقات انفرد معاها و اسمعها و اسمع أفكارها و مشاعرها و استمتع معاها بما يسعدها

#خواطر
#دعاء_راجح