بادئ الموضوع تاريخ البدء
  • المشاهدات 2,205
  • الردود 18
إنضم
17 يناير 2009
المشاركات
1
مستوى التفاعل
0
النقاط
0
انا متزوجه لي اربع شهور والحمدالله مرتاحه بحياتي مع زوجي وهو يحبني بس بعض المشاكل الصغيره والتي تكون سخيفه لكنها تخرب السعاده في بعض الأوقات اولها زوجي من اول يوم يبي يبين للناس انه مو مو النوعيه اللي يتحطم بالمرأه حتى كان اول اسبوع يجي بالليل حيييييييييييييل متأخر يعني قدام اهله المشكله هذي اللحين عدت المشكله الثانيه مايبيني البس بالشقه الادراعه يقول اخاف اهلي يدخلون يبون شي ينطرون عند الباب على ما تبدلين اذا بتلبسين البسي بعد الساعه عشر وما يحب اي بنطلون يعني البيجامات شي مستحيييييييييييييييييييييل وتخيلوا من عرسنا ما طلعنا الا مره وحده ويقول مستحيل اطلعج مره ثانيه هذا مو نظامي انا شنو اسوي هل هذا شي طبيعي حييييييييييل يهتم بكلام الناس يبي يبين انه مطنشني مع انه ميت فيني وحيييييييييييييييل محترو معاي والله طاير فيني ومدلعني بس الأشياء هذي عيبه فيه احد عنده الحل
 

هناء 11

عضوة مخالفة لقوانين المنتدى
إنضم
10 يونيو 2008
المشاركات
657
مستوى التفاعل
0
النقاط
0
ما تاخذين موقف من زوجك و انتم بعد في بداية حياتكم الزوجية ........ و السنة الاولى دوم فيها مشكلات و خلافات و مهاوشات لان طباعكم اكيد مختلفه يالغلا ...........و مع الوقت راح يتغير زوجك بالخبره و العشره اهم شي لا تعصبين و خذي هالمواضيع انها عادي و ما تضيقين صدرك لان حياتك الزوجية ما بدت و مشكلاتها كثير ما تتحدد بهذي المشكلات الجداااااااا بسيطه ............وسعي صدرك و انتي بعدك بتكتشفين طباع زوجك و مع الوقت راح تفهمين كيف تتعاملين معاه و تقنعينه و هو بعد راح يتساهل معاك مره بمره اذا كنتي هاديه و ذكيه بردود افعالك .......... والله يسعدك
 

وش الحل ؟

New member
إنضم
31 يناير 2009
المشاركات
38
مستوى التفاعل
0
النقاط
0
فعلا هناء كفيتي ووفيتي
لالالالالالالالالالالالالا تستعجلين الأحداث مرده باذن الله للطيب
اهم شي خوذي الأمور برويه وحلم لأن بعض الرجال لازم يفرد عضلاته شوي بالبدايه قدام اهله عادي تحملي وان شاء الله بيرجع
 

عنقود عنب

~◦ღ( حكيمة الإستشارات الزوجية )ღ◦
إنضم
5 يناير 2007
المشاركات
4,409
مستوى التفاعل
0
النقاط
0
الإقامة
قطر في قلبي
الف مبروك الزواج

انت خليك حكيمة و سياسية ... وسوي اللي يبغيه بدون نقاش

لان طلباته فعلا مو طبيعية ..عشان كذا بعد فترة هو راح يمل

لكن شغلي الدهاء الحريمي و خليك مبينه انك تطاوعينه و تحترمين كلامة

وعشان في الاخير تحصلين على اللي انت تبغينه في طبق من ذهب

الحياة الزوجية يبغي لها طولة بااال و صبر

والحمد لله هذه الايام في الانترنت والمنتديات اللي فتحت عيون البنات على اشياء احنا ما كنا نعرفة

وخذت منا وقت و جهد طويل على ما قدرنا نكون خبرة من خلال تجاربنا الشخصية

باين عليك ما شاء الله عاقلة ورزينه ...وربي يسعدكم
 

مدام بلقيس

New member
إنضم
24 يوليو 2007
المشاركات
334
مستوى التفاعل
0
النقاط
0
توكم جداد
و خليه يعبر عن مشاعره
كلهم مثل بعضهم
انا كنت ساكنة لوحدي و بعيدين عن اهله و ما يسمحلي البس الا الدراعات و مانعني اتمكيج
و تعالي شوفيه الحين يزعل ادا لقاني مو متمكيجة
كان ما يناديني الا هي انت و و لدت بسرعة و ريحته و صار يناديني يا ام فلان
و تعالي شوفيه الحين مايناديني الا حبيبتي و ساعات ينسى يكونوا عندنا ضيوف و يناديني حبيبتي
صبروا يا عرايس هالوقت
 

للصمت حكم

New member
إنضم
9 يونيو 2008
المشاركات
25
مستوى التفاعل
0
النقاط
0
مشكلتك سهله
بس يبيلك وقت وشوية صبر
وتنتهي المشكله
 

ديجيتل

New member
إنضم
23 فبراير 2009
المشاركات
18
مستوى التفاعل
0
النقاط
0
كوني له أمة .. يكن لك عبدا..

لا تهتمي بهذي الأمور البسيطة .. والسنة الأولى من الزواج هي أصعب سنة ..
استغلي هذي السنة في معرفة طباعه ، وتغيير مايمكن تغييره ، والتأقلم على ما لايمكن تغييره ..
وكوني صبورة . .
 
إنضم
24 أغسطس 2007
المشاركات
515
مستوى التفاعل
0
النقاط
0
تعرفى كانزوجى حارمنى من الرد على المكالمات التلفونيه وكان المتصل يا اهله او اهلى ...............الان بعد مدة صار يقول لى ردى على التلفون مع ان التلفون جنبه ................

لازم تخلينه يثق فيك ..... واسمعى الكلام ويكون كلامه اثمن من الذهب عندك ....يعنى خليك دقيقه على كل كلمة واسمعيها علشان يعترف بانه يثق فيك وتمر السنوات الاولى بدون مشاكل وحب .....
 
إنضم
2 مارس 2009
المشاركات
350
مستوى التفاعل
0
النقاط
0
الإقامة
المدينة المنورة
ما تاخذين موقف من زوجك و انتم بعد في بداية حياتكم الزوجية ........ و السنة الاولى دوم فيها مشكلات و خلافات و مهاوشات لان طباعكم اكيد مختلفه يالغلا ...........و مع الوقت راح يتغير زوجك بالخبره و العشره اهم شي لا تعصبين و خذي هالمواضيع انها عادي و ما تضيقين صدرك لان حياتك الزوجية ما بدت و مشكلاتها كثير ما تتحدد بهذي المشكلات الجداااااااا بسيطه ............وسعي صدرك و انتي بعدك بتكتشفين طباع زوجك و مع الوقت راح تفهمين كيف تتعاملين معاه و تقنعينه و هو بعد راح يتساهل معاك مره بمره اذا كنتي هاديه و ذكيه بردود افعالك .......... والله يسعدك
انا مع الاخت هنا11 بعدين اذاهو على كلامك يحبك ومدلعك اكيد مع الوقت راح يتغير وتاخذون على بعض
 
إنضم
30 نوفمبر 2008
المشاركات
145
مستوى التفاعل
0
النقاط
0
بالاول احب اقول لك الف مبرررررررررروك وعقبال البكاري
ثانيا اختي هاذا زوجك لاتعودي نفسك من بدايه حياتكم تشكي وتذمري عااادي جدا الي قاعد يصير بحكم قرب اهل زوجك منك يعني الوضع طبيعي... كل الرجال زي كذا وشي حلوو منه انه يغار عليك ومايبي احد يشوفك بملابس فتنه ..يعني لو كان كل شي عنده عادي بتتضايقي بعد ... وسعي صدرك ولاتخلي هالشي ياثر بنفسيتك وانتي توك عروس .. فرفشي وغير جوكم وحاولي تستغلي لحظات وجودكم سوا بالدلع والضحك والغنج والبسي اللبس الي تبينه بالساعه الي حددها لكي زوجك ..
وان شاء الله تصير امورك تمام
 
إنضم
4 فبراير 2009
المشاركات
94
مستوى التفاعل
0
النقاط
0
حبيبتي
السنه الاولى فرد عضلات انا زوجي كان يركبني ورى لان احد زملائه يسخر من الرجال اللذين يركبون نسائهم قدام معهم فسكت ولم اعلق ومع الايام ندم ندما شديد ولا يحب حتى يذكرها وهذا قبل عشرين سنه والله يديم الحب على كل زوجين
 
إنضم
11 يونيو 2008
المشاركات
729
مستوى التفاعل
0
النقاط
0
حبيبتي

الله يوفقك و يهنيك

بصراحة لما دخلت كان جاذبني العنوان

و إنك بديتي بحمد الله و ذكرتي الايجابيات أولا

هكذا يجب أن نتفاءل

أختي أعتقد أن زوجك في مجتمع رجولي يحب المظاهر و التفاخر

و يخاف من رأي الناس.

جاريه مبدئيا في أوامره لكن حاولي تغييره على المدى البعيد بأن لا يتأثر بكلام الناس ، و أقنعيه بأفكارك بطريقة غير مباشرة و بطريقة ذكية

أهم شي الصبر في هذه الأمور
 
إنضم
6 فبراير 2009
المشاركات
252
مستوى التفاعل
0
النقاط
0
السنه الاولى من أصعب الايام تمر على المتزوجين لاختلاف وجهات النظر اصبري وعرفي شخصية زوجك وان شاء الله تعيشي عيشة هنية
 

Ray of hope

New member
إنضم
26 أكتوبر 2008
المشاركات
26
مستوى التفاعل
0
النقاط
0
لازم تفرضين رايك وشخصيتك ولا تطعيه طاعه عمياء ما يعقل يعقل وقولي له في بيتي أنا حره في لبسي وفيه شئ اسمه روب استقبال لو أحد جاءك فجأة تلبسيه . أما خارج البيت ممكن تفرض رايك
صدقيني الرجل لا يحب المرأة الضعيفة والمنقادة.
 
إنضم
24 أغسطس 2008
المشاركات
16
مستوى التفاعل
0
النقاط
0
صدقيني بيتغير
اصبري وسايسيه
خصوصا مع اول طفل
اذاعاللبست خلي حولك الروب اذادق الجرس البسيه مولازم تفتحين لهم الباب انتي
واذاعالطلعات
اعزميه
حاوليه قولي نغير جو مثل اي عروسين
 

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى