مملكة أنثى
New member
- إنضم
- 2009/03/30
- المشاركات
- 111
السلام عليكم ورحمة الله بركاته
خواتي انا كان متقدم لي شخص من فتره يعني من السنه للي طافت ما اعرفه ولا يعرفني بس شافني من الدوام وطلب رقم اهلي عشان يتقدم لي وفعلا اتصلت امه ويو عندنا البيت وشافوني واستوت خطبه رسميه
الموهييييييم انه هالفتره كنت اكلمه في التلفون ولاحظت انه مو من النوع للي ملتزم يعني الصلاه عادي عنده ما يصلي فالوقت او يمعها لين اخر الليل ويصليها وهذا عرفته طبعا لما سالته وهو كان صريح معاي وقالي بس قالي انه عقب الزواج بيلتزم ويباني اساعده ومن هالكلام ، انا طنشت وقلت ان شاء الله بساعده عشان يلتزم اكثر واكون انا السبيل فهدايته ، بس بعدين حصل ان ريل اختي شافه فندق من الفنادق يالس ويا شباب يشيش وطبعا هو ما كان قايلي انه يشيش ويوم قلتله قالي لا ان شاء الله بخفف منها عقب الزواج لين ما تساعديني واودرها ، قلت ما عليه يا بنت يمكن الريال محتاي احد جنبه يساعده وياخد بيده وخصوصا انه كان يبين لي انه يبي يتغير
عقب اتصلي وخبرني انه بيسافر عشان عنده شغل برع ومدري شو والغريب انه فترة شهرين للي كنا نتكلم فيها وعقب السفريه هاذي سافر اكثر من مره الموهم انا ما ارتحت موليه عقب للي كل مره اشوفه منه ورديت استخرت مرة ثانيه وزاد نفوري منه وآخر سفر له كنا متفقين انه عقب ما نرد انا واهلي من اجازة الصيف خلاص بنملج بس انا سرت كلمت اهلي وقلتلهم اتصلو عليهم وقولولهم ما ابيه حاولت اختي تقنعني انه استخير مره ثانيه بس خلاص طلع من خاطري وخفت الصراحه ارتبط بشخص ما برتاح لأسلوب حياته
المهم اتصلو عليهم الأهل وقالولهم اسمحو لنا ما في نصيب والبنت ما تبي ولدكم والله يرزقه بنصيبه وببنت الحلال للي تسعده
عقبها ذبحني اتصالات ويطرش لي فرسايل ويوم ما كنت ارد عليه موليه بعدين طرشلي رساله اونه إذا مارديت عليه بينتقم مني ومدري شو وطبعا انا ما رديت عقبها قام اتصل على زوج اختيه ( بحكم انه ابوي متوفي وما عندي اخ عود وزوج اختيه هو للي حضر الخطبه بحكمه ولد خالتي بعد ) قاله تتحسبون انها ارفضتني عشاني مو ملتزم ولا شي اهي رفضتني عشان تحب لها واحد انا شفتها وياه كم مره قاله زوج اختيه الله يسامحك طيب انت يوم تعرفها تحب غيرك وشفتها على قولتك وياه ليش صبرت عليها لين اهي للي فسخت الخطبه ليش ما انفصلت عنها اول ( اعجبني رده الصراحه وبرد خاطري )
انا تميت اشوفه على فترات بحكم ان الشركه للي ادوام فيها عدال الشركه مالته ، وعقب مرور سنه حاول يتقرب مني مرة ثانيه وقام يكلم ربيعاتي عسب اعطيه فرصه ثانيه والصراحه الحت فيني ربيعتي لين كلمته وقعد يحلفلي ويقسم انه تغير من يوم افترقنا وانه ندم على الكلام للي قاله حق زوج اختيه وانه قاله عشان يحبني وانصدم يوم خليته فكانت ردة فعله جي يعني عدوانيه بدون يشعر والله ثم والله يا بنات قعد يطلب فيني اعطيه فرصه ثانيه واوافق يتقدمون لي مره ثانيه لين حسيته خلاص بيصيح
وافقت لا تستغربون حنيت عليه وقلت يمكن تغير فعلا وخصوصا انه اتقن التمثيل صح ، تخيلو خلاني لين رحت ورمست اهلي مرة ثانيه والكل معارض اونه كيف يرد عقب للي قاله عني ومدري شو واختيه تقولي ديري بالج منه هي كثر وحده حست وبعدين لما خديت الموافقه وقلتله اكي فرح يبي يطير بالفرحه ( اعوذ بالله من شياطين الإنس ) والله لو تشوفونه تصدقونه قالي خلاص انا اليوم بكلم الأهل عشان نتقدم لج وبعدين قالي اونه اهلي مسافرين لما يردون من السفر وعقب ما طافت اسبوعين اتصلت به
الصدمه ،،، تخيلو شو قالي انا ما كلمت اهلي لني كنت ابي اتغير عشانج بس الصراحه انا ما اقدر انا عايبني اسلوب حياتي مثل ما كان اول ولا ابي اغيره وعاجبتج بتقدم لج مب عاجبتج انت ادرى بمصلحتج
تدرون شو حسيت كان احد صفعني صفعه قويه تدرون ليش لني انا المتصله وسمعني هالكلام وحسيت بنفسي غبيه لني ما سمعت كلام العقل للي يقول بوطبيع ما يوز عن طبعه ولني ما سمعت كلام اختيه يوم تقولي يمكن راد عشان ينتقم منج ديري بالج
الصراحه حسيته مريض وهذا للي انا قلتله ياه قلتله انت انسان مريض يعني كل هاا عشان تنتقم مني اونه ليش انا للي اطلب اني انفصل عنك يعني كل هالتمثيليه عشان ترد انت تقولي ماباج وتفشلني مع اهلي
حسبي الله ونعم الوكيل ، مدري شو بلا الناس والله ، شو هالتفكير المريض للي خلاه يتعب نفسه شهووووووور عشان بس يسوي للي يسويه وبعدين كل الحلف للي حلفه انه تغير ما خاف ربه بس عشان يوصل لمراده
ما قول غير لا حول ولا قوة إلا بالله ، انا بتمنى انه يتقدم لي شخص قرييييييييييييب جدا عشان يموت بحرته للي ما يخاف الله
ادعولي يا بنات ان الله ينتقم منه ويعوضني باحسن عنه
حسبي الله ونعم الوكيل
خواتي انا كان متقدم لي شخص من فتره يعني من السنه للي طافت ما اعرفه ولا يعرفني بس شافني من الدوام وطلب رقم اهلي عشان يتقدم لي وفعلا اتصلت امه ويو عندنا البيت وشافوني واستوت خطبه رسميه
الموهييييييم انه هالفتره كنت اكلمه في التلفون ولاحظت انه مو من النوع للي ملتزم يعني الصلاه عادي عنده ما يصلي فالوقت او يمعها لين اخر الليل ويصليها وهذا عرفته طبعا لما سالته وهو كان صريح معاي وقالي بس قالي انه عقب الزواج بيلتزم ويباني اساعده ومن هالكلام ، انا طنشت وقلت ان شاء الله بساعده عشان يلتزم اكثر واكون انا السبيل فهدايته ، بس بعدين حصل ان ريل اختي شافه فندق من الفنادق يالس ويا شباب يشيش وطبعا هو ما كان قايلي انه يشيش ويوم قلتله قالي لا ان شاء الله بخفف منها عقب الزواج لين ما تساعديني واودرها ، قلت ما عليه يا بنت يمكن الريال محتاي احد جنبه يساعده وياخد بيده وخصوصا انه كان يبين لي انه يبي يتغير
عقب اتصلي وخبرني انه بيسافر عشان عنده شغل برع ومدري شو والغريب انه فترة شهرين للي كنا نتكلم فيها وعقب السفريه هاذي سافر اكثر من مره الموهم انا ما ارتحت موليه عقب للي كل مره اشوفه منه ورديت استخرت مرة ثانيه وزاد نفوري منه وآخر سفر له كنا متفقين انه عقب ما نرد انا واهلي من اجازة الصيف خلاص بنملج بس انا سرت كلمت اهلي وقلتلهم اتصلو عليهم وقولولهم ما ابيه حاولت اختي تقنعني انه استخير مره ثانيه بس خلاص طلع من خاطري وخفت الصراحه ارتبط بشخص ما برتاح لأسلوب حياته
المهم اتصلو عليهم الأهل وقالولهم اسمحو لنا ما في نصيب والبنت ما تبي ولدكم والله يرزقه بنصيبه وببنت الحلال للي تسعده
عقبها ذبحني اتصالات ويطرش لي فرسايل ويوم ما كنت ارد عليه موليه بعدين طرشلي رساله اونه إذا مارديت عليه بينتقم مني ومدري شو وطبعا انا ما رديت عقبها قام اتصل على زوج اختيه ( بحكم انه ابوي متوفي وما عندي اخ عود وزوج اختيه هو للي حضر الخطبه بحكمه ولد خالتي بعد ) قاله تتحسبون انها ارفضتني عشاني مو ملتزم ولا شي اهي رفضتني عشان تحب لها واحد انا شفتها وياه كم مره قاله زوج اختيه الله يسامحك طيب انت يوم تعرفها تحب غيرك وشفتها على قولتك وياه ليش صبرت عليها لين اهي للي فسخت الخطبه ليش ما انفصلت عنها اول ( اعجبني رده الصراحه وبرد خاطري )
انا تميت اشوفه على فترات بحكم ان الشركه للي ادوام فيها عدال الشركه مالته ، وعقب مرور سنه حاول يتقرب مني مرة ثانيه وقام يكلم ربيعاتي عسب اعطيه فرصه ثانيه والصراحه الحت فيني ربيعتي لين كلمته وقعد يحلفلي ويقسم انه تغير من يوم افترقنا وانه ندم على الكلام للي قاله حق زوج اختيه وانه قاله عشان يحبني وانصدم يوم خليته فكانت ردة فعله جي يعني عدوانيه بدون يشعر والله ثم والله يا بنات قعد يطلب فيني اعطيه فرصه ثانيه واوافق يتقدمون لي مره ثانيه لين حسيته خلاص بيصيح
وافقت لا تستغربون حنيت عليه وقلت يمكن تغير فعلا وخصوصا انه اتقن التمثيل صح ، تخيلو خلاني لين رحت ورمست اهلي مرة ثانيه والكل معارض اونه كيف يرد عقب للي قاله عني ومدري شو واختيه تقولي ديري بالج منه هي كثر وحده حست وبعدين لما خديت الموافقه وقلتله اكي فرح يبي يطير بالفرحه ( اعوذ بالله من شياطين الإنس ) والله لو تشوفونه تصدقونه قالي خلاص انا اليوم بكلم الأهل عشان نتقدم لج وبعدين قالي اونه اهلي مسافرين لما يردون من السفر وعقب ما طافت اسبوعين اتصلت به
الصدمه ،،، تخيلو شو قالي انا ما كلمت اهلي لني كنت ابي اتغير عشانج بس الصراحه انا ما اقدر انا عايبني اسلوب حياتي مثل ما كان اول ولا ابي اغيره وعاجبتج بتقدم لج مب عاجبتج انت ادرى بمصلحتج
تدرون شو حسيت كان احد صفعني صفعه قويه تدرون ليش لني انا المتصله وسمعني هالكلام وحسيت بنفسي غبيه لني ما سمعت كلام العقل للي يقول بوطبيع ما يوز عن طبعه ولني ما سمعت كلام اختيه يوم تقولي يمكن راد عشان ينتقم منج ديري بالج
الصراحه حسيته مريض وهذا للي انا قلتله ياه قلتله انت انسان مريض يعني كل هاا عشان تنتقم مني اونه ليش انا للي اطلب اني انفصل عنك يعني كل هالتمثيليه عشان ترد انت تقولي ماباج وتفشلني مع اهلي
حسبي الله ونعم الوكيل ، مدري شو بلا الناس والله ، شو هالتفكير المريض للي خلاه يتعب نفسه شهووووووور عشان بس يسوي للي يسويه وبعدين كل الحلف للي حلفه انه تغير ما خاف ربه بس عشان يوصل لمراده
ما قول غير لا حول ولا قوة إلا بالله ، انا بتمنى انه يتقدم لي شخص قرييييييييييييب جدا عشان يموت بحرته للي ما يخاف الله
ادعولي يا بنات ان الله ينتقم منه ويعوضني باحسن عنه
حسبي الله ونعم الوكيل
