مدت يدها علي الحقيييييييره...

أسيرة حزن

أسيرة حزن

New member
إنضم
2010/01/25
المشاركات
344
السلام ليكم
بنات انا حدي متوتره وضايقه فيني الدنيا ومتنرفزه على وحده ما تخاف من ربها
حماتي اخت زوجي عمرها 18 لنا سنتين ما نكلم بعض انا واهل زوجي طبعا هم اللي فرضو هالمقاطعه بسبب غيرتهم الزايده مني وانا ساكنه معهم بنفس البيت وزوجي قدامهم مسلوب الشخصيه وعلي انا فارس مغواار
المشكله موقف اليوم الساعه ثمان العشاء
شافتني واقفه انادي ولدي جان تمر من جنبي وتمسك كتفي وتسحبه باحتقااار يعني تبي توخرني عن طريقها وعلى طو ل ضربتها بظهرها بشويش هذا طبعي ماعرف اضرب حيل وقامت تدعي ودزتني بكل قوتها وهربت رحت لام زوجي وقلت كفي اذاها عني لا والله مايصير طيب ..
وزوجي ارسلتله رساله قلت فيها اني ما ارضى انها تهينني ببيتك شوف لك حل
وللمعلوميه انا سبق وتطلقت بسببها
عسى الله يشل ايدها
اول مره انضرب
حتى زوجي مايمد ايده علي
ودي اوقفها عند حدها هي واخوها شوي شوروا علي

اسمحولي كلامي ملخبط
​
 
أوقفي بوجها وقوليلها
أنا ماراح أمد إيدي عليك
لأني مابي أوسخ أيدي
بس ماأقول غير حسبنى الله ونعم الوكيل
 
طنشي ولاتعتبري لها اي اعتتبار ​
 
اهدي ارجوكي واتعوذي من الشيطان كل مشكلة ولها حل ان شاء الله
روحي توضي وصلي ركعتين واستهدي بالله واجلسي استغفري وان شاء الله تنحل مشكلتك باذن الله
بالهدوء والحوار والاسلوب الراقي راح تنحل مشكلتك
 
حاولي تكسبي الموضوع لك بعقل وهدوء
انتي لاتدخلي بيتهم ابدا
واذا زوجك ضغط عليك بزيارتهم
قوليله عن الموقف
وابدا لاتسوي شي
انتي بس لاتعبرينها ولاكانها موجوده
ولاحتى تسلمي عليها لابالبيت ولا برا في مناسبه تجمعكم
زوجك حاولي تقولي له
ان اختك مدت يدها علي
وبس ولا تعلقي ولاتقولي اي قرار مثل انا موداخله بيتهم او اهانوني او اي تعليق
ابدي لزوجك حزنك وضيقتك بالعيون والصمت
وصدقيني راح يحن عليك اكثر
ويوقف بجنبك
وع فكره مو انتي اول وحده تنهانين من اهل زوجك
انا وحده من اللي تعبت معهم
الله يعينك ويصبرك
 
خيوط ملونه
ميمو
وغاليتي رازيا
اشكر لكم مروركم
وحسبي الله عليها
انا ابكلم زوجي الليله وعارفه ردة فعله السلبيه بس الشكوى لله لازم احطه بالصوره
انا ما ارضى الاهانه

وين باقي البناااات؟؟؟؟؟؟
وين الفزعه ؟؟؟

​
 
والله صار لي تقريبا نفس مشكلتك وكمان ساكنه عندهم اول شي زوجك لايفلت من يدك حاول تكسبينه ثاني شي اكسبي امه وابوه خليك محترمتهم ومقدرتهم وثاني شي اعتبري هالبنت ماهي في البيت وقولي في خاطر شهور وبتتزوج ويفضى لك البيت في الاخير انت كسبتي احترام الي في اليت وهي تكون انقعلت وعلى فكره صار لي تقربيا نفس مشكلتك قبل سنتيين وانخطبت حماتى قبل كم شهر وكمان جبت لها هديه من شدة فرحت انها بتروحووارتاح منها
 
الله يعينك
والله لو انا صارلي الموقف يمكن اخليهم يشلوها للمستشفي من الضرب الي بضربه لها هههههههه
والله قهرتني اوف اوف اوف اوف.
بس انتي تصرفي بحكمه وخالي زوجك يحط لها حد ترا هذي اخته مو امه لو امه اقولك اصبري وتحملي بس هذي اكسري يديها اذامدتها مره ثانيه
 






انا




اسأل الله لك الأعانة والثبات
البنت مازالت بفترة مراهقة أفعالها طايشة تحمليها وحاولي تردين الاساءة بالاحسان
صدقيني بيكون من صالحك
 
خذي حقك بيدك مدام ان زوجك سلبي الاحترام لأمه بس والباقي وقفيهم عند حدهم وأكسبي أمة بجميع الطرق وسفهي اللي يسفهك
 
السلام عليكم

عزيزتي هدي نفسك وروقي...

صحيح تصرفها يعتبر قلة ذوق ولباقه..لكن مازالت مراهقه..

والدخول في معركه مع هذا العمر تخسرك الكثييييييييير ...

وفي الآخر أنت المخطئه...إسأليني أنا ..

غاليتي الحل هو أن تحقرينها...وفي ظهر الغيب كثفي الدعاء بأن يكفيك شرها ويهديها...لأنك لو صعدت المشكله أنت الخسرانه..

خصوصا إن زوجك سلبي .....إسمعي كلامي والعاقبه لك صدقيني...

الله يهدي بالك ويشرح صدرك ويسخر لك....
 
حطي لها حد لاتتمادى معاك وانا لو منك كان ضربتها ضربه ماتنساااها علاشان تتأدب ..
والله يكون بعونك ..
 
حبيبتي انت متزوجة واكبر منها كيف تعملي راسك براسها انسيها ولا تفكري فيها خليك بعيدة عن المشاكل وبعدين انت اللي ضربتيها في ضهرها ما يهم الضربة كانت كبيرة ولا صغيرة لا تخلي مراهقة تاثر على حياتك وكوني لينة ولا تدخلي زوجك لا تكبري السالفة عشان تصغر وتمل وتبعد خليك احسن منها الله يهديك ويهدينا
 
الي اشوفه انه كلكم غلطتوا هي مراهقه وطايشه وانتي كبيره وعاقلة ومع ذلك قدرت تستفزك المفروض دامك شفتيها بتمشي وسعي الطريق حتى ما تلاقي فرصة تغلط عليك حاولي تلطفين الجو بينك وبينهم مو حبا فيهم لا بس لانك عايشة معهم في نفس البيت عشان ترتاحين انتي وزوجك نفسيا ..
 
اللي فهمته انه انتي اللي ضربتيها اول ؟؟؟؟؟
 
الله يكوون بعوونك ويكفيك شرها
ســلامااات تمديدهاوتدعي بعداهلك وزوجك مامدويدهم
علييك تجي هالبزرتمديدهالازم تشوفين لك حل مع زوجك
هالشي موفي صالحك هي لنها شايفه الكل ماوقفها
عندحدها تمادت
 
ياقلبي خليك أفضل منها بس ماقلتي لنا ليه سنتين ما تكلموا بعض ليه ما حاولتوا تحلوا المشكلة والله الحياة ما تسوى أنا من رأي انك تكسبيها وحاولي عن طريق أحد مقرب منك ومنها يصلح بينكم أنا شايفه انه هذا أفضل
ويارب تحكي لنا المشكلة والبنات مارح يقصروا أكيد رح يساعدوك
وربنا معاك
 
الله يكون بعونك فيه مثل يقول الحقران يقطع المصران احقريها وعيشي حياتك
 
طنشي حبوبة .. واذا صار بينكم كلام,,, قوليلها: انا ما اصغر عقلي اكبره... وباخذج على قد عقلج

ولا تمدين ايدج ولا تمدين لسانج.... هالاشياء ممكن تندمين عليهم فيوم من الايام بس الصمت نادر ما الواحد يندم عليه,,,

خلج دبلوماسيه,,, اكسبي اللي تقدرين تكسبينه,,, وطنشي الباقي



:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل