مخنوقه من زوجي ....عطوني حل الله يوفقكن

[ظبية النفوذ]

السلام عليكم ورحمه الله وبركاته
انا سجلت بهذا المنتدى لكي اجد عندكم الحل لزوجي والله اني تعبت منه
مشكلتي مهب كبيره واجد لكن اتعبني زوجي جدا
زوجي لايخرج من البيت بتاتا
يذهب للعمل الصبح ويرد الساعه عشرصباحا او 12 ضهرا
ولايطلع من البيت الا اذا وده يتقضى او يصلي فقط
وانا مخنوقه منه مقدراطلع لجارتي ولا صديقتي
واهلي بمنطقه ثانيه بعيده

وانا ودي انه يطلع لكي اخذ راحتي ادري بتقولون احمدي ربك والله اني اقول الحمدلله والشكرله بس يابنات والله اني مخنوقه وودي ابكي منه مغير يدقق علي بكل شئ ويراقب شغلي وتحركاتي بكل شئ يدقق علي عطوني حل بربكم والله اني تعبت منه الله يرزقكم الخير

 

[بيرو العمودي]

خليه يدور شغل ثاني
او يفتح مشروع ينشغل فيه
او يسجل في معهد
او نادي رياضي
او حددي يوم في الاسبوع قولي اليوم هذا البنات بيجو عندي يجتمعو
او اروح عندهم
​

 

[ظبية النفوذ]

مشكوره اختي بيرو العمودي يوم اقول له دورشغل ثاني يقول بعد التقاعد ونا مب محتاج ويغيرالسالفه والله اني تعبت منه لازق بحلقي دوم

 

[نحمدة ونشكره]

شو يعني اذا ما يطلع هو انتي روحي لجارتك او صديقتك ساعه او ساعه ونص وهو خلي في البيت يعني ليش انتي تحبسي نفسك في البيت لانه هو موجود انا مرات بنهايه الاسبوع يكون زوجي في البيت ومايطلع انا اروح عند صديقتي او اذا معزومه كمان اروح يعني ماقعد في البيت عشان هو في البيت

 

[ظبية النفوذ]

مشكوره اختي نحمده ونشكره يختي زوجي اشغلني بعمره مغير يطلب مني اصلح له شاهي او قهوه والحريم مايجون عندي لاعرفوا ان فيه رجال في البيت ويوم اقول له اطلع من البيت بيجون عندي حريم يزعل مرا يقول انا بغرفتي واش عليهم مني آه والله تعبت منه

 

[عيون عزيز]

حبي أنا زوجي نفس زوجج ,,, بيتووووووووتي لأبعد حد ... واذا حبيت أطلع من البيت مد البوز ...
قعدت أفكر بشي يحبه طلع البلاي ستيشن خخخخ,,, والله اني شريت له وحدة ب3500 وشريت له كرسي خاص حتى لسباقات السيايير ...هاي الكرسي بروحه ب4000 ,,كانه راكب بسيارة صجية ...وطبعا أسويله خفايف ذرة مع مايونيز وسندويشات وأروح عنه,,,
شنو ارتحت نفسيا ,,صار يقعد عليه وينسااااااااااااني ,,وأنا أطلع للمكان اللي أبيه ,,,
شوفي شنو اهتمامات زوجج وخليه يلتهي فيها بعيد عنج ...

 

[lmis]

كان الله في عونك من جد طفش جلسة الزوج في البيت قلق ومشاكل

انا لي سنين وزوجي علي نمط معين من 7 الي 1 عمل ثم عذاء ونوم ومن 4 الي 11 مساء في المحل ومن 11الي 2 بلاستراحه مع اصحابه

كنت مرتاحه منه وماني حاسه براحه اللي كنت فيها الا الحين بعد خسارته وبيعه لمحل

صار من يجي من الدوام لاصق في البيت الي 11 وبعدها يروح لاصحابه

صار مدقق في كل شي وبس معصب ويهاوش

يارب يلقي زوجي وزوجك دوام او مشروع ونفتك منهم خخخخ

 

[احلام لم تكتمل]

ااختي انا بعد زوجي بيتوتي

البيت الدوام بس يمكن انا زوجي شوي يختلف عن دوام زوجك


بس احمدي ربك الف بنسبه لجاراتي والله اروح لهم

ولاكان امووت لاني بعيده عن اهلي واهله ..

يعني دايم اقوله ببتغير نفسيتي اذا طلعت ساعه ساعتين و

بالفعل بمزاج احلى مايكون

 

[ظبية النفوذ]

مشكوره اختي عيون عزيز عيالي عندهم بلايستيشن لكن زوجي مايحبه زوجي رجال كبير مغير يقعد جدام التلفزيون يتابع الاخبار والاسهم فقط وعيونه عليّ يراقبني وش سويت ووين رحت ومين كلمت هذه حياتي معه آه تعبت منه والله

 

[ظبية النفوذ]

مشكوره اختي lmis ان شاء الله البنات يلقون لنا حل الله يعين
مشكوره اختي اخلام لم تكتمل الله يعين الجميع

 

[عشق نزف المشاعر]

الله يعينك والله ياشين الرجاال اللي بالبيت ولزقه واللي يعلق بس يالله مالك الا انك تلهينه باشياء يحبه مثل ما قالت عيون عزيز ولا تقعدين بالبيت علشانه اهو لو بمكانك بيطلع وبيستانس مع اخوياه ولا راح يفكر فيك
عيشي الدنيا تراها لسى حلوه ياقلبي وبالتوفيق​

 

[ظبية النفوذ]

مشكوره اختي عشق نزف المشاعر حتى لو اني لهيته باي شئ كل شوي يدور علي والله العظيم حتى ماخلا لي وقت للاهتمام باموري الشخصيه وهالحين ماقدرت اجلس على النت غير يوم يرقد وارتاح منه

 

[دانة الشام]

عزيزتي كل شيئ بالتعوّد .. يعني لااااازم تبدأي خطوة لتكسري هذا الروتين الذي تعوّد عليه زوجك وعوّدك عليه أيضا .. جهزي لزوجك كل مايريده من قهوة وشاي وحلى وخلافه واعطيه فكرة مسبقة عن خروجك : الساعة كذا أنا ذاهبة لزيارة جارتي وكأن ذهابك شيئ مفروغ منه .. قد يمتعض ينزعج ولكن شيئا فشيئا سيتعود .. خااااصة إن هيئتي له مايريده قبل خروجك .. بالنسبة لدعوة صديقاتك أو جاراتك لبيتك لاداعي لأن يشعرن أن زوجك في البيت بما أنه لايمانع وقال لك : أنا في غرفتي .. انتهى الأمر قد يأتين لزيارتك ويذهبن ولايشعرن به .. طبعا من غير المنطقي أن تطلبي منه الخروج إن كان لايود ذلك .. وأيضا شيئا فشيئا سيتعود على زيارات الناس لك .. قد يناديك ويطلب منك طلبات مثلا إن كن في زيارتك ولكن لابأس خذي الامر ببساطة ولبي طلبه ثم عودي لضيفاتك وقولي لهن أنه يريد غرض معين قبل خروجه .. يعني حاولي أن تأخذي الأمر ببساطة أكثر .. يكفيكي يوم تخرجي أنتي فيه ويوم تأتيكي جارة لزيارتك وانتهى الأمر لاتعقدي المسألة .. ربي يسعدك.

 

[ظبية النفوذ]

مشكوره اختي دانة الشام انا بيتي صغير وتعرفين الحريم واصواتهم المرتفعه لا ضحكنا وسولفنا سوا وهذا يسبب لي ولهن الاحراج وزوجي رجال هادي وانطوائي ولو عزمتهن عندي بيشوفون سيارته صافه جدام الباب والله يستحون يجون لكن بحاول مره ثانيه مشكوره اختي

 

[نادرة الشرق]

اختي العزيزة وفري له. جو هادي واعطية كل ما يحتاج الية وعاملية معاملة طيبة كذا ما يمنعك من الزيارات

 

[ظبية النفوذ]

مشكوره اختي نادره الشرق زوجي مايمنعني من الخروج ولا يمنع الحريم يجون عندي لكن كثرة تواجده بالبيت مزعجني انا مااخذ راحتي ولا بشي