مخطوبه مع وقف التنفيذ

دلوعة جدتها11

دلوعة جدتها11

New member
إنضم
2009/03/20
المشاركات
46
سلام عليكم كيفكم بنات ان شاء الله تكونو طيبين انا بصراحه وبختصار انخطبت ومانى عارفه اهلى مجمدين الموضوع ومانى عارفه وش السالفه والى متى ودى يعطونى الضوء الأخضر انحف او لا اهتم بشعرى او بشرتى ومانى عارفه وش اسوى مليت من الموضوع بصراحه خاصة جسم وشعر وبشره تعبااااااااااااانه بقوه يعنى لو يشوفنى والله بصراحه شكله بيشرد ويغير هو الموضوع وش اسوى يابنات دلونى الله يعطيكم الف عافيه يارب
 
أهتمي بنفسك سواء تم الموضوع ان شاءالله او ماتم علشان تكوني محط نظر الجميع والله يوفقك ويكتب لك الي فيه الخير..

انا تقريبا زيك بس مرات احاول اهتم بنفسي والله يعين

الله يسهل امورنا قولي امين
 
اختي اهتمي بنفسك سواء في زواج ولا مافي
وشي ثاني ... عادي لو تسألي اي احد قريب لك من اهلك
عن الموضوع ايش صار فيه ؟ وايش التطورات اللي حصلت ؟
 
مشكورين يالغاليات الله يعطيكم الف عافيه
وياريت الى عندها تجارب شخصيه ونجحت من ذا الخلطات ونجحت معها تفيدنا
 
ادعو الله ووثقو صلتكم بالله والاستغفار اهم شيء واهتمو بحالكم كثير

وان شاء الله يتم الموضووووع بفرح وخير ان شاء الله
 
ابدأي من الان ...

واذا ربي كاتبه لكـ بيتم الامر ...

يلا ياحلوووة شوفي مشاااكلك وعالجيها عشااااااان ما يشرررررد..


ربي ييسر لك امووورك ويهنييييك

دعواتك لي
 
حبيبتي .. البنت بشكل عام لازم تهتم بنفسها في كل الأحوال ..
و الخلطات هذي كنتي لازم تجربينها من قبل .. أما الحين بعد الخطوبة .. لااااازم تروحين عيادة جلدية و تبدين كورسات عناية بالبشرة و تقشير و ليزر ازالة شعر .. حسب اللي تحتاجينه طبعاً ..
أنا من كنت صغيرة و أنا أشوف كل وحده تنخطب تتحول و تصير أحلى و أحلى .. ولما كبرت عرفت أنها كلها علاجات .. خاصة تقشير البشرة يسوي العجب ...
أما الخلطات فمفعولها بسيط و محتاجه فترة طوييييييييلة و متابعة ..
 
الله يعينك اختي بس اقولك حاولي تهتمي
كالمرة بشي وبالتوفيق ان شاء الله​
 
يار بي ياعطيكم الف عافيه
ومانحرم منكم والله انا بعض الأحيان اهتم بس اطفش ويخرب كل شى سويه والله يستر لا يشرد والله ذا الى اخاف منه بقوه
 
نصيحه ابدأي بالليزر ترا مو غالي مره / واذا ماعطوك مهر خذيها من ابوك وقولي له اذا عطوني مهري برجعها لك اعتبرها دين << اتوقع مايرضى ترجعينها *_^ خلك ذكيه وسويها

شيلي ع الاقل الابط والبكيني والشنبات

البكيني بـ 500 ريال والابط بـ 200 والشنب بـ 100 = 800
ماكسيموم 4 جلسات وكل جلسه تدفعين الاسعار المذكوره فوق .. والبكيني بعض الاماكن يوفرون خدمه ذاتيه يعني انتي تشيلين لنفسك

خليها من مكافأتك اذا جامعيه

بعدها ابدأي بالشعر .. اذا خشن وتالف و يحتاج عنايه مكثفه انصحك بالكيراتين المعالج الخالي من الفورمالين .. مايفرد لك شعرك مثل الاسيويات يخليه مموج وصحي .. واذا تبغين كيراتين فرد براحتك بس اررررشح المعالج

واذا تبغين رقم الاخصائيه بس ارسلي لي ع الخاص لاني ماارجع ع المواضيع .. قولي لي انتي وين عايشه واعطيك رقمها بس اللي عندي بجده والرياض .. والسعر على حسب الطول وعدد الجلسات

اما اذا شعرك مو تالف مره يعني يحتاج عنايه بسيطه .. اتركي الاستشوار وانصحك بزيت هند تلر (بميتين ريال ) واستخدمي معاه شامبو روبيرتا الاحمر لانه خفيف وخالي من المواد الكيميائيه ورخييييييييييييص يمكن بـ 5 ريال بس النتايج على مسؤوليتي بس ترا الريحه تجيب المرض


بالنسبه للجسم .. على حسب فصيلة دمك

اذا كانت فصيلة دمك O ارشح تسوين رجيم دشتي ( اتكنز ).. لانه يعتمد على الغاء الكربوهيدرات والاعتماد على اللحوم والدهون .. ونظامه انه يحارب الدهون بالدهون .. وهالفصيله يسمونها فصيلة الصياد .. لان المفروض غذاء الناس التابعين لهالفصيله يكون لحوووووووووم وهالرجيم مناسب لهم

اذا كانت فصيلة دمك A ارشح تسوين رجيم الكربوهيدرات .. يعتمد بشكل اكبر على الكربوهيدرات وخالي تماما من الدهون ونسبه قليله من البروتين (حيواني او نباتي ) فهذي الفصيله اللي يسمونها فصيلة المزارع .. يناسبها الحبوب والرز والخبز والكربوهيدرات بشكل عام وهالرجيم مثالي لهالفصيله ..

وهذا رابط الرجيم http://women.bo7.net/girls28717 انا سويته قبل وطلع جسمي يااااااااااااخذ العقل بس سمنت شوي والحين جالسه اسويه .. فصيلتي A

وباقي فصائل الدم ماعندي خبره عنها بس اقري كتاب فصائل الدم مره ممتع وحلو

البشره ماعندي خبره بمراكز بس انصحك لا تضيعين فلوسك .. جربي سنفرة املاح البحر من ذا بودي شوب او جربي الحمام المغربي رووووووووووووعه انا شريته رخيييييييييييص ونتايجه روعه وهذي طريقته بس فيه خطوات غريبه طنشيها ولا تستخدمين الحنا والطين خليك ع الصابون المغربي والترطيب اهم شي
http://forum.hawaaworld.com/showthread.php?t=467192


البشره انصحك اشربي مويه كثير + فيتامينات للبشره والشعر والاظافر شوفي شركة GNC يمدحون فيتاميناتهم

ولتفتيح المناطق الحساسه

كريم سودو + كريم كينا كومب << كلها رخيصصصه مره

و افضل مزيل عرق مايسبب سمار .. نوع من ماركة ( بيزلين ) مزيل عرق + مبيض روعه بـ 40 ريال

الهالات السودا فيه رول بالصيدليه اللي سوت اعلانه هند صبري رووووووعه

اذا عندك حبوب وتبغين تعالجينها وهيك فيه دكتوره اسمها غاده .. بمستوصف الحرمين بحي الروضه بالرياض .. عليها زحمه بنت اللذينااااااااااااااا وبصراحه اختي جربت عندها وتمدحها وبرضو صديقتي.. وانتبهي لا تعطيك ادويه وبعد ماتتزوجين تخلفين جنين مشوّهـ اسأليها تأثر بالدم وتقعد فتره طويله وقولي لها انك على وشك زواج

الاسنان اذا تحتاج تقويم سوّي من الحين .. عندك عيادة الخرساء بالرياض ممتازه امي جربتهم..واذا ماتحتاجين سوي قبل ملكتك باسبوع تنظيف اسنان رووووووووووعه يخليها تلق لق .... وبرضو اذا نظرك ناقص سوي ليزر بمستشفيات الحبيب انا واختي سوينا هناك شغلهم اوكي

بصراحه !! انصحك تبدين كل شي من الحين .. التاجيل مره مو زين .. انا الحمدلله كل شي ماكان فيه تأجيل بس الرجيم هو الشي الوحيد اللي اجلته وكنت اسوي تخفيف والحين مسكت الرجيم وبإذن الله ماشيه عليه وع الرياضه وبطريقي الى جسم يخليه يخق خقه هههههآآي

واذا تبغين تدخلين مع قروب كلهم يسوون دايت ويشجعونك وتشجعينهم بس ارسلي لي ع الخاص وانا بدخلك معنا وربي حمااااااااااااس ويهاوشونك اذا خربتيها او ماسويتي رياضه وكلنا نحدد يوم للميزان ونقيس ونبارك لبعض يعني تشجيع × تشجيع


تكفين ادعي لي يكون فستان زواجي مضبووووووط وراقي ويجنن :$ << آمين

واي خدمه او استفسارات انا تحت امرك ع الخاص لاني اخاف ماارجع للموضوع
 
ربي يوفقك ياااااامتاهات بالرغم مالي علاقه بالموضوع بس شفت اهتمامك باختنا ودعيت لك



دمتمـ بفرح حبايبي...
 
الله يسعدك يا هني

ماقصرتي وانا بخدمة كل عروصه
 
متاهات
ربي يسلمج و يعطيج على قد نيتج
بسألك شنو الرول حق الهالات الي تقولين عنه؟ ما عرفته
ربي يسعدج
 
حياتي الرول اسمه لوريال ومرسوم عليه هند صبري ( اللي فمسلسل عايزه اتجوز ) النتيجه خلال 3 اسابيع بس .. بعكس بيزلين النتيجه سريعه بس ماتدوم كثير

الله يوفق الجميع
 
متاهات الحب قال:
حياتي الرول اسمه لوريال ومرسوم عليه هند صبري ( اللي فمسلسل عايزه اتجوز ) النتيجه خلال 3 اسابيع بس .. بعكس بيزلين النتيجه سريعه بس ماتدوم كثير

الله يوفق الجميع
أنقر للتوسيع...

مشكوره غناتي الله يسعدج بزوجج و يسعد زوجح بك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل