مخطوبة عندي سؤال عن المصروف

[نجمة مضيئة]

السلام عليكم ورحمة الله وبركاته

اخواتي الكريمات اول مرة انزل استشارة متأملة من الله يرشدني بنصايحكم للصواب

اذا كانت الوحدة بفترة خطوبة ومضى على فترة الخطوبة قرابة سبع شهور


وطول هالمدة مايصرف عليها الا لما تطلب منه :tears::blush-anim-cl:

ايش تسوي عشان يعطيها من غير ماتطلب

احيانا تمر الوحدة بمناسبة مثل زواج اخ

بهاذي الفترة تستحي تطلب من اهلها بحكم ان مسؤولة من رجال

كيف الحل احيانا احس اني طرارة مايعطني الا لطلبت منه بالتصريح بعد مايفهم بالتلميح
ولا احس يعطي غصب كانه مب راضي كانه تمشية حال بهاذي

من جد اعاني بقوووووووة من هالناحية اهلي قاطعين المصروف واهو مايعطي الا بطلب
​

 

[إلهام من المغرب]

وبعدين معاكي انتي؟ لا تكثري الطلبااااات...أخاف إن الرجل يهرب...ههههه..أنا أمزح معك يا حبيبتي...
ايش أهلك قاطعين عليك المصروف...؟ تحدثي إلى أمك وقولي لها كرامتي لا تسمح بأن أطلب النقود دائما من خطيبي لأنه ليس زوجي بعد...أرجوك يا أمي أن تكلمي أبي في الموضوع...
وخفي الحمل عن خطيبك يا حبيبتي حتى لا يزهق.. يمكن تكون حالته المادية صعبة شوية..وأنت أدرى بحالته يا أختي...
أتمنى لك كل الخير.

 

[نضوج أنثى]

حبيبتي معروفه عاداتنا إنه الرجال مايصرف عليك إلا إذا صرتي في بيته لما تطلبين الحين بيقول أهلها ماصدقوا زوجها يبون يفتكون من مصروفها أو يفكر إنك طمعانه فيه الحين إنتي في بيت وهو في بيت أعطاك مهر يوم تصيرين في بيته يصرف عليك الله يسعدك يارب

 

[كويت دنيتي]

حبيبتي معروفه عاداتنا إنه الرجال مايصرف عليك إلا إذا صرتي في بيته لما تطلبين الحين بيقول أهلها ماصدقوا زوجها يبون يفتكون من مصروفها أو يفكر إنك طمعانه فيه الحين إنتي في بيت وهو في بيت أعطاك مهر يوم تصيرين في بيته يصرف عليك الله يسعدك يارب

هذا الكلام ولا بلا بلاش:clap:

 

[معلومة مفيدة]

إذا كنت متملكة (تم عقد القران) لازم يصرف عليج، اطلبي منه مصروف شهري، لا تستحين، لأنه إذا تعود ما يعطيج من أولها... فتحملي اللي بيصير بعد العرس، بيقولج زادت طلباتج و.. و...، و ما راح يصرف على العيال إلا بصياح و نواح و عوار قلب... المصروف الشهري حق كفله لك الشرع و القانون... و يكون أحسن لو انتي حددتي المقدار اللي يلبي حاجياتج من غير نقصان،، مثلا ألف بالشهر...

 

[مهجوله]

لاحبيبتي اذا انتي لسى في بيت اهلك عيب عليك تطلبين مصروف

 

[مهايه]

حبيبتي انت الغلطانه انا اقول كوني ذكيه وطلبي منه بطريقه غير مباشره مثلا قوليله انه صديقتج انخطبت وخطيبها يطرش لها فلوس ومصرف كل شهر من غير الهدايه وانت يا حبيتي انت وشطارتج عاد.... اذا خطيبج ما تعود يصرف عليج بتعاني من البدايه معاه... انحسلج تختبري خطيبج اذا بخيل الله يعينج وانت بعدج عالبر واستخيري كله ولا البخل...

 

[قلب ريلها]

هيه لوو كنتي مالكه عليه لازم يصرف عليج وانتي بيت اهلج تراج حرمته بعد

 

[مشاعر متفائله]

اختي الحبيبةاستغربت سؤالك
لأن المتعارف عليه عندنا ان الزوج مايصرف على زوجته الا اذا كانت في بيته واذكر ان قرأت ان النفقه مقابل الأستمتاع يعني من حقوق الزوج الأستمتاع بزوجته وفي المقابل يصرف عليها ويوفر لها السكن المناسب ويعاشرها بالمعروف
وانصحك لا تطلبين منه نفقه وكلمي امك او اي احد يفهمك ووضحي له ان نفسك عزيزه ومن حقك ان اهلك يصرفون عليك حتى تذهبي لبيت زوجك وبالتوفيقان شاء الله:icon26:

 

[فتاه]

لازم يدفع لك المصروف (( اذا تم العقد )) انا يوم كنت مخطوبه طبعا خطوبتى طولت يعني سنتين كان يدفع لى حق الجامعه ومبلغ مو سهل بعد وهذا غير مصروفي الشهري. ويمكن بعد حاط في باله لازم تكونين في بيته علشان يصرف مثل ما قالوا خواتي بس كل شئ ولا البخل .
وأن شاء تشوفين لك حل

 

[FUTY]

حبيبتي معروفه عاداتنا إنه الرجال مايصرف عليك إلا إذا صرتي في بيته لما تطلبين الحين بيقول أهلها ماصدقوا زوجها يبون يفتكون من مصروفها أو يفكر إنك طمعانه فيه الحين إنتي في بيت وهو في بيت أعطاك مهر يوم تصيرين في بيته يصرف عليك الله يسعدك يارب

اول مرة أسمع
البنت اول ماتكتب عقد القران تكون في ذمة ريلها وهو المسئول عنها في كل شي
أطلبي من مصروف شهري قبل لا يتعود ان ما يعطيج