محتاره محتاجه نصيحتكم

[محتارة1]

السلام عليكم ورحمة الله وبركاته انه عضوة جديدة واول مره اشارك في هذا الموقع ابغي استيشركم في موضوع شاغلني في الفترة الاخيرة وهو كالتالي

انه سبق لي الزواج والطلاق مرتين عمري 33 سنه اعمل ومرتاحه والحمدلله
تقدم لي شخص يكبرني بثلاث سنوات وهو مثلي متزوج من قبل ومطلق مرتين عنده ولد وبنت بس واعمارهم حوالي 9 و13 سنه ولما تقدمولي اهله قالوا ان الاولاد بيعشون معانه اهوه امبين انه شخص طيب بس اهلي نصحوني افكر قبل ما اوافق لان وجود اولاده معانه يمكن يضايقني خصوصا اني ما عندي اولاد ومب متعوده على مسئولية الاولاد وكوني اشتغل يمكن هذي يسبب لي ضغوط وزيادة في المسؤليات

رغم اني احب الاولاد وحاسه اني رايح اتأقلم معاهم بس كلام اهلي خلاني اتردد بعد ما كنت موافقه وشايفه انه شخص مناسب

ممكن اتساعدوني وتعطوني رأيكم؟؟؟؟

والله اني محتاره

 

[جرحـ الزمآنـ]

اذ انتي قد تربيتهم والاهتمام بهم وتحمل مسؤليتهم استخيري وربي يكتب الي لك الخير فية

واذا تحسين انك مانتي قد الشيء وبما نك تشتغلين انصحك لا تسوين شيء تندمين علية بعدين

ولا تنسين الاستخاااااااااارة واليرة فيما اختارة الله لك

وموفقة يارب ​

 

[جميله قطر]

اولا استخيري ربك في ذلك .. وبعدها اذا حسيتي براحه توكلي ع الله رب العالمين والله يوفقج يارب ..

 

[محتارة1]

مشكورين على الرد السريع

انه سبق اني استخرت وحسيت بالراحه
بس كلام اهلي ان هذي مسئولية كبيرة والخوف اني بعدين اغير منهم او اتضايق من وجودهم معاي وانه ما ابغي اظلمهم مو عارفه اخسر شخص اشوفه مناسب لي وانتظر ولا اتوكل على الله
هل سبق لوحده منكم مثل هذي التجربه قصدي تتزوج شخص عنده اولاد وهل فعلاً راح احس بالغيرة منهم او بالضيق من وجودهم معاي؟؟

ومشكورين على الردود السريعه