محتاره في أمري و أبي مساعده لا هنتوا

[آهات مكتومه]

السلام عليكم و رحمة الله و بركاته
كيفكم يا أخواتي ..
غبت عنكم فتره و رجعت بمشكله .. الحمد لله على كل حال ..
أبي أسألكم سؤال ..
أنا حامل و في بداية حملي كرهت زوجي كره العمى و مريت بفتره حيييل صعبه
و الحين أنا في نهاية الشهر الثامن ولا زلت كارهه زوجي و ابي الطلاااق ..
و أمي تقول لي لا تستعجلي هذا الكره بعد الولاده بينتهي ..
و أنا بصراحه مو مرتاااحه ..
معقوووله في وحده تكره زوجها لين الشهر التاسع ؟؟
اللي مرت بنفس تجربتي أو تعرف أحد مر فيها تساعدني تكفووون
مدري أصر على رأيي و أطلب الطلاااق او لا ؟؟
ساعدوني

 

[احلام يقظة]

انا في بنتي الاولى كنت مثلك كنت اكره زوجي من رأسه حتى قدمه حتى كلامه حتى نفسه ثيابه اكره رؤيته كله تماما ,, يقولوا الكبار لمن الحرمة يصير لها كدا يطلع البيبي يشبه ابوه وبالفعل طلعت بنتي نسخة من ابوها ,, فاصبري وتحملي حبيبتي لاتخربي بيتك بسبب هرمونات الحمل ,,,,

 

[مامت جود]

نفس كلام احلام اليقضه كمان انا ف بنتي زي كذا
وطلعت بنتي نسخه منه

 

[آهات مكتومه]

الله يجزاكم الخير حبيباتي ..
بس أنا متقرفه منه بالمره ..
حتى العلاقه الجنسيه كرهتها ..
وهو الله يهديه يسوي أشياء خلتني أكرهه أكثر و أكثر ..
عليه حركات ترفع الضغط و تقرف في نفس الوقت ..
حاسه اني مو طايقه العيشه معاه أبدااا

 

[رازيا]

الله يهديك ويصلح حالك
طولي بالك
هذي فترة بسيطة وراح ترجعي لطبيعتك بعد الولادة
ووضعك طبيعي بسبب الحمل وخربطة الهرمونات
استهدي بالله ولا تعملي مشاكل معاه
ما بقى شي شوي وتولدين بالسلامة
وصدقيني بعد الولادة راح ترجعي تحبيه اكثر من اول

عزيزتي قد يحدث أحيانا هذا الأمر مع الحمل ..
ولكنك في الشهر الثامن
المفروض أنك تغلبت على هذا الأمر ..
حاولي إلا تعطي الموضوع أكبر من حجمه ..
لا تركزي على مساوئ زوجك ..
ولا على تصرفاته التي لا تعجبك ..
بل تذكري دائما محاسنه ..
ولا تدعي كلمة الطلاق تأتي إلى قلبك وعقلك ..
أمحيها من الوجود تماما ..
لأنك بذلك تكبرين من إحساسك بكرهك لزوجك ..

أسأل الله أن يتمم لك حملك .. ويبعد عنك هذه الأفكار والوساوس ..
ويؤلف بين قلبيكما ..​

 

[آهات مكتومه]

الله يجزاكي كل خير حبيبتي
وعسى ربي يكتب أجرك و يريح قلبك
ويسعدك وين ما كنتي
وعسى ربي يحقق لك أمنياتك
وتسلمين على اهتمامك و ردك الذووق يا ذوووق