محتارة واريد المساعدة

[هندية 2]

السلام عليكم
كيف حالكم ياحلوين ؟؟؟؟؟؟؟؟


ودي ادخل في الموضوع سيدا من غير لف ودوران
ابي منكم المشورة والنصح وكل وحدة الله يجزاكم الجنة تحط مكانة في مكاني وتجاوب جعلكم في الفردوس
انا ياطويلات العمر مطلقة عمري 28 وعندي ولد عمرة 3 سنوات وتطلقت تقريبا منذ سنتين
تقدم لي قبل سنة رجل ملتزم واخلاق وامام مسجد وغني ومتزوج وعمرة 50 سنة
هذا طبعا كلام صديقتي من الخطابة الي قالت لها وانا رفضتة لان عندي امل والامل بالله كبير انة يجيني مطلق يكون قريب من سني وملتزم
ولكن مع مرور الايام ماخطبني مطلق الامرتين مرة ماعندة شغل يعني تقريبا عاطل تقول الحرمة الي خطبتني انة يطقطق بالسوق وانا ارفض اني اتزوج واحد ماعندة وظيفة ثابتة لان طليقي كان كذا وعانيت الامرين
والثاني وافقت علية واستخرت وكنت كارهة لانة في منطقة ثانية وسبحان الله صرفة الله يعني واعدناهم ولا جو عندنا
والان احس اني متحسفة على الرجل الامام وخصوصا انة امنيت حياتي اني اتزوج ملتزم وحاسة اني كل يوم يمر اكون محتاجة لزوج اكثر ولكن اصبر نفسي احتسابا للاجر

فية في راسي مجموعة خيرات تكفون ساعدوني اختار احداها :

1> ادق على زميلتي وابلغها اني ندمانة علشان يكلمون الرجال مرة ثانية
2> اصبر واحتسب لحد مايجيني مطلق ملتزم
3> خلاص انسى موضوع الرجال ولكن اتخلى عن فكرة الرجل المطلق وارضى بالمتوزج اذا جاء وكان كفو
4> فية وحدة لمحت لمي انها تبي تخطبني لرجل متوفية زوجتة وعندة 8 اطفال مع اني اخشى ان افتن ولا اصبر وخصوصا اني عصبية وش رايكم لو تقدم اوافق علية

رجاء حار لو سمحتوا بدون تجريح ولا اهانة ردو علي بالشور الي تشوفينة مناسب فيا اخوات انا مابي اخرب بيت احد يوم اني فكرت اتزوج واحد متزوج والله الشاهد ابغى الستر والعفاف فقط لاغير

ودمتم بصحة وعافية

 

[momenta]

نصيحة من اخت اولا استخيري ربك وربي يكتبلك اللي فيه خير ان شاء الله وثانيا نصيحة لا تتزوجي واحد اكبر منك بكثير لانك صغيره وتفكيرك غير تفكيره وميولك غير ميوله وصحيح انه راح يدلعك وماراح يقصر معاك بس احس مهما كان واحد اكبر مني بكثير احس اني بظلم نفسي وصحيح انه ملتزم بس مو كل ملتزم صح بعضهم ملتزم بس استغفر هو من جهه والدين من جهه ثانيه وربي يعوضك باللي احسن منه مية مره ومن ترك شيئا لله عوضه الله باحسن منه وصدقيني الارزاق موزعه على كل الناس ورزقك بيجيك بيسر وسهوله بس اصبري وادعي ربك وصلي صلاة الليل وان شاء الله ربي يرزقك وشكرا ...

 

[ملك روحـي]

لا تتندمي ولاتتحسفي

ولاتطيحي نفسك على احد ابداَ

نصيبك ورزقك من الله

روحي خذي عمرة اذا تقدري بنية الزواج من الرجال الصاالح

وعليكي بالاستغفار والبقرة ووكلي امرك لله هو اللي بيعوضك خير

الله يوفقك يارب ويرزقك بالزوج الصالح عاجلا غير آجل

وترى ماتفرق متزوج من مطلق من أرمل / التوفيق من ربنا

اهم شئ الاستخارة ​

 

[GirlishVipGirl]

الله يوفقك ويكتب لك الخير
بس اذا كنتي بتاخذين متزوج , فاحاولي تتأكدي انك ماراح تدمرين حياة زوجته وعياله,وشوفي وش الي خلاه يدور على زوجه ثانيه

 

[كاتياباسل]

أول شي ،،،وثاني شي ،،،وثالث شي
عليك (بالأستخــــــــــــــارة)
********************************
وبعدين أنا أشوف أنو ماتتزوجي اللي متوفية زوجته ،،،،مـــــــــــــدري:dunno: بس بصراحة أنتي تقولي أنك عصبيه وهم ماشاء الله 8 أطفال
وأخاف ياقلبي تهاوشي أو تضربي حد فيهم وتكسبي أثمهم وذنوبهم
بس والله أذا أستخرتي وشفتيه يناسبك هذا شي ثاني
***************************************
وبعــــــــــــدين ياعزيزتي وكلي أمرك لله وقولي (اللهم أجرني في مصيبتي وأخلف لي خيرا منها)
وأدعــــــــــــي ربك بالثلث الأخيــــــــــــــر
والله سبحانه قال(أدعوني أستجب لكم)
وبعدين _ لاتقلقي نفسك بالتفكير وعسى في الأمر خيره
*****************************************
وصدقيــــــــــــــــــــــني اللي مكتوب لك ماراح يتعداك ولايأخذه غيرك هي أرزاق يقسمها الله كيفما يشاء ولابد نرضى بقسمتنا ونصيبنا
****************************************
يـــــــــــــــــــــــارب أرزقها زوج صالح يسعدها وينسيها الدنيا وهمومها
وننتظــــــــــــر أخبارك السعيدة أن شاء الله
*****************************************

 

[هندية 2]

جزاكم الله خير
وممكن اسالك ياختي قيرلش (اتمنى ان الاسم صح الانجليزية حقتي لك عليها )
كيف ادمر حياة زوجتة واولادة ؟
الشيء الثاني دائما لما نسأل عن سبب زواجة على زوجتة اغلبهم يقولون فقط للاستمتاع يعني مافية سبب حلال ونبي نتزود منة

 

[om noora]

إستخيـــــــــــــــــــــــــــري رب العالمين

 

[هندية 2]

اختي كاتيا جزاكي الله الفردوس الاعلى
بالنسبة للي متوفية زوجتة انا مثلك احسها صعبة يعني الله يرحمنا انا اعصب بسرعة على ولدي واطقة وهو ضناي فكيف بالايتام مساكين
علشان كذا دائما خيراتي انة واحد مطلق واذا ماكتب الله ذلك افكر بالمتزوج على الاقل العيال يكونو مع امهم مالي ولاية عليهم مثلك عارفة الواحد مايضمن نفسة
(لاتاخذين عني صورة سيئة اعصب بس اندم بسرعة واتراجع وبلعكس اكثر وحدة بالبيت حنان على خواتي الصغار مادري احسك خفتي مني) <<<<<<<امزح معك

 

[هندية 2]

شكرا على الدعوات وانا ياخواتي اتمنى منكم ان تدعولي والمسلمات جميعا

 

[المداوية بسيفها]

اختي الغالية، الي حسيته من كلامج ان الملتزم امام المسجد

ماخذ بالج وااايد ، ولا تلومين نفسج وانتي ماضيعتيه من ايدج

ولكن هاي قدرة رب العالمين وحطي في بالج شي واحد

نصيبج في هالزمن بتاخذينه مهما صار ..

والله يااختي الغالية، اني اعرف وحدة ونعم المعرفه

عندها ولدين وتطلقت بعد عناء عشر سنوات

لكن بعد طلاقها توجهت لرب العالمين

كنت دايما اتصل عليها بالليل ماترد ستغربت

بعدين يوم سألتها تقولي اني خليت ليلي كله قياام لرب العالمين

وقراءة قرآن واستغفار وكانت تقعد فوق سطح بيتهم

تصلي دووم وكانت دايما تتمنى الشيخ محمد العريفي يكون زوجها

لكن والله العظيم ماجات بعد ست شهور الا متقدم لها زوج

ونعم الازواج صج متزوج لكن ملتزم وفيه شبه من محمد العريفي

وكاهي مستانسة معااه وربي يدوم عليهم قولوا ماشاء الله

الحين لا تشغلين روحج بالزوج ، شغلي روحج بالاتصال من رب

العالمين وطلبي من ربج بصلاتج ودعائج واستغفااارج

الرجل الصالح ..

اتمنى اني افدتج يالغالية

وربي يعطيج على كثر نيتج


تقبلي مروري


المـ بسيفها ـــداوية​

 

[هندية 2]

اختي مداوية جزاك لله الفردوس الاعلى ومصاحبة محمد صلى الله علية وسلم في الجنان واختك الفقيرة لعفو ربها هندية (انا) ووالدينا والمسلمين اجمعين
واسمحي لي اغير اسمك الى المداوية بشهد يخرج من فيها

 

[هندية 2]

جزاكم الله خير الجزاء على الردود الحلوة