محتارة في امري ياريت تفيدوني مره خايفه

  • بادئ الموضوع بادئ الموضوع Mnon
  • تاريخ البدء تاريخ البدء
M

Mnon

New member
إنضم
2011/07/02
المشاركات
5
السلام عليكم ورحمة الله وبركاته

اتمنى الكل يكون بخير ..

انا مشكلتي اني قلقانه مره .. أساسها العرسان ..

من يوم مادخلت الثنوي وهم يتكبو عليا كب ورا بعض .. اللي دكتور واللي مهندس
اللي كويس واللي كبير .. وكلهم رفضتهم بحجة انو انهي دراستي الثانويه

ودحين من يوم ماختبرت قدرات يوم التلوت ماما وبابا نادوني وكلموني عن واحد خلق ودين
ومعاه ثانويه ويشتغل .. وكل شي فيه حلو بس عيبو انو مريض بالسكر
طبعا المرض والشفاء من عند ربنا وانا ماعترض ابدا .. بس اهلي شويا بيزنو ع راسي كتير
خايفين ماعاد يتقدملي احد .. واعنس كل كلامهم كدا

انا استخرت اكتر من مرا وعادي مني حاسه بشيء
امو كل يوم تتصل وتسأل عني متمسكين فيا مره حتى ان الولد مصمر عند بيتنا وكفشو خالي
مدري ايش يبغى وانا مستغربه وخايفه يعني ماعرفو ولا يعرفني ايش سر التعلق دا

وكمان انا اعشق الطبخ وهوا مريض سكر وانا ماعندي خبرة بالاشياء دي حيكون اكلو غير وحيتغير عليا كل شي حتى طريقة طبخي واكلي ونمط حياتي بالكامل

انا مره خايفه وبجد مني عارفه ايش اسوي كل ماجي ابا اقول لاء في شي يردني يقولي في بالي يابنت لو ربنا مو رايد مارح يسير .. لو اجري جري الوحوش غير رزقي مارح احوش

بس بجد محتاجه احد كبير ينصحني استحي اتكلم مع ماما كدا خصوصا انو مره حابين الولد اهلي كلهم من بابا وماما لدرجة خيلاني كمان واعمامي

وانا بفكر حتى لو اخدت واحد كويس بعدين جالو السكر حتركو مثلا .؟
طبعا لاء .. بس انا حاسه بقلق وخوف
خصوصا تمسكو فيا مره مخوفني .. ماعمري حسيت كدا .. ياربي قولولي ايش اسوي وكيف اتصرف ..

محتاره وبجد مني عارفه ايش اكتب اكتر حأألف ديوان لو اجلس اكتب بس اكيد فهمتو احساسي صح ؟

لو سمحتو افيدوني واكون شاكره لكم

:5:
​
 
نسيت اكتبلكم انو يقول عشاني مستعد يكمل دراستو ويوديني المكان اللي ابغاه اكمل فيه تعليمي الجامعي يعني مارح يفضل كدا عالثانويه وبس ..

بصراحه اسلوبو قالقني
 
هلابك اختي
انا انصحك انك تستخيري اكثر من مره
واذا كان هذا الشاب كويس واخلاقه حلوه عادي يمكن ما تلقين هذي الصفات في احد ثاني
كمان انصحك انك تستشيري احد قريب منك زي صديقتك المقربه او اي احد تحسينه قريب منك
الله يوفقك وييسر لك امورك ان شاءالله

تقبلي مروري
 
الله يوفقك ويوفق الجميع ويسهل امرك والمسلمين في خير ولطف وعافيه
 
لا تقلقين ولا شي هذا شي حلو منه انه يفكر بهذي الطريقه
اكرر كلامي
استخيري اكثر من مره

الله يوفقك
 
استخرت مره كتير بس ماحس بشيء عادي مرهـ ..
ماما تقول عادي مو شرط تشوفي شي .. بس اهم شي ماحسيتي بضيق
طيب في رأيكم ماخاف يعني ..؟!
طيب وحتفاهم مع مرضوا ..؟! اخاف اكون مقصرة او شي يارب انا في حيرة مايعلمها الا ربي
بس شكرا لكم كلكم
خصوصا عطري دموعي الله يعطيكي الف عافيه شكرا حبيبي
سألت 4 من صحباتي الليي مره قريبين كلهم يخوفوني زيادة .. يقولولي طيب انتي ماتعرفي لو ارتفع سكرو ولا سارلو شي .. انتي تكوني السبب ماتعرفي تتصرفي ..
وكلهم يقولو لاء خدي واحد جامعي انتي جالك دكاترة ورفضتيهم تاخدي واحد معاه ثانويه

ابغى احد كبير يوعيني ويرشدني صح انا لسا جاهله في تفكيري واختياراتي ومابغى اغلط
انتو ادرى مني وافهم مني فالامور هادي عشان كدا باسألكم ..
 
الله يوفقك يارب ويكتب لك اللي فيه الخير .
نصيحتي لك أختي الغاليه استخيري وتوكلي على الله وثقي أن الله بيكتب لك الخير
واذا الرجل على دين وأخلاق فأنا أشوف انو مرضوا ودراسته مو عيب يمنع من القبول به والموافقه عليه .
 
غريب تعلقه بك بهذه الطريقة !!
شوفي عزيزتي مرض السكر مرض منتشر بكل مكان..
ومثل ما انت قلت ممكن انك تتزوجي انسان معافى ويصيبه المرض بعد وقت قصير من زواجكم ومستحيل انك تتركيه ..!!!​

ولكن بهذاك الوقت بيكون في علاقة وارتباط بينكم وعشرة ويمكن يكون في اولاد !!! كل هذه الأمور تستحق أنك تضحي عشانها ..!!
ما أقول لك ارفضي ولكن فكري بعقلانية لاتتركي المشاعر تسيرك هنا..!!​

اجلسي مع نفسك وصلي استخارة وشوفي ايش هي احلامك واكتبيها على ورقة طبعا نحن مارح نجزم بأنه سيأتيك الزوج المثالي طبعا مافي نسان كامل ولكن شيء أهون من شيء !!
اجلسي مع والديك جلسة صريحة قولي لهم ياماما ويا بابا أنا استخرت كثيير وماني عارفة آخذ قرار أنا أحلامي كذا وكذا وكذا هل أنتم شايفين أن هذا الرجل مناسب لي ؟؟
هل أنتم شايفين بأن هذا الرجل سيحقق لي كل أحلامي مع مرضه وعدم إكمال تعليمه ؟
صحيح مرضه عادي ولكن ممكن يكون حاجز لي بكثير أشياء بأول حياتنا ..!! وكذلك تعليمه ممكن يعيق لنا كثير أشياء بحياتنا ويأثر على مستقبلنا !!
أنا ما أريد أن أدفن شبابي من بكير أريد أعيش لوشيء بسيط من أحلامي واللي ربي كاتبه هو الخير أكيد ..!!
ولكني حابة أشاوركم وأعرف قراركم بعد ماسمعتوا مني أحلامي وأمنياتي وحبي للمطبخ والحلويات وكيف أتمنى أن زوجي يتذوق من طعامي ويثني عليه ..!!
طبعا كل شيء قدر ويمكن أتزوج انسان سليم وربي يبليه بهذا المرض ولكني بذلك الوقت أكون حققت لو شيء بسيط من أحلامي..
على الأقل أكون شفت مشاعر حلوه منه وعرفته على حقيقته يعني ماكان في مرض يمنعه من أشياء مثل هذه !!​

افتحي قلبك لوالديك هذه حياة زوجية ومسيرة طويلة وليست مسيرة يوم أو يومين ..​

ربي يوفقك يارب ويكتب لك الخير ​
 
اختي تطمني مرض السكر مرض بسيط مايحتاج القلق هذا كله
اهم شي استخيري واكثري من الاستغفار
وبكل صلاة ادعي يارب اذا لي خير بهالزواج يسر امري
واذا مالي خير فيه ابعده عني
وكمان اشرطي عليه تكملين دراستك وتتوظفين
وهو يكمل دراسته
اكتبي الشروط هاذي بعقد الزواج
والله يوفقك​
 
حسب اللي أعرفه إن مريض السكر
يصير معه ضعف جنسي وعدم انتصاب
ويصير يجي له أولاد بسبب مداعبة زوجته فقط وينزل فيها بدون علاقه كامله

وهذا تعذيب للزوجه لأنها تكون محتاجه لمشاعر وأحاسيس أكثر
 
اتركي الوعود على جنب
كلهم يقولو بنسوي لها و بنوديها و بعد الزواج احتمال وارد يتغير كل شي

المهم الحين الولد

عنده سكر وهو في سن صغير !!
يعني جنسيا ممكن يكون عنده مشكله مش خطيره لكن حطيها في بالك
اخلاقيا يعني عصبي كل اللي حولي فيهم سكر دمهم حامي و عصبيين جدا و اسمع انه من السكر

طبعا هذي المواصفات ممكن تكون في اي شخص ومو شرط مريض السكر

الميزه انه اعترف و لا خبى عليكم و الصدق في امور الزواج مطلب اساسي و تحسب لهم
 
انا رأيي من رأي ملاك مريض السكر معروف بقلة الأنتصاب وأنتي توك صغيرة الله يرزقك بالأفضل
 
الزواج يبنى على المصلحة وليس على الشفقة

انظري أين مصلحتك أنت وابني القبول عليها

لن يعيش مع أمك أو أبيك أو أقاربك

ادخلي المنتديات الطبية واقرئي عن مرض السكر عافانا الله و المسلمين

ثم أنت لا تزالين صغيرة على العنوسة

والله يختار لك الخير ويرضيك به
 
غاليتي اذا على مرض السكر
الله يشفيه ولا يبلانا يارب
اعرفي تاريخ المرض عنده ولاي درجة مرض السكري عنده واصل
اذا هو خفيف توكلي على الله وبامكانك باهتمامك فيه وبصحته تسيطري عليه
لكن في حالات يكون المرض قوي وللاسف ياثر على جوانب كثيرة بصحة الانسان
مو بس الجانب الجنسي حتى على النظر وعلى كثير اشياء
انا مااابي اخوفك بس لازم تعرفي وتحرصي على هذي الناحية
بالنسبة لتعلقه فيك واستعداده يلبي كامل رغباتك
هذا شيء احمدري ربك عليه
وبالنسبة للاستخارة اذا ربنا كاتب لك فيه خير بيتمم لك الامر واذا فيه شر بيبعدك عنه
مو شرط تحلمي بشي او تحسي بشي
لكن الاهم يكون عندك يقين كامل وتوكل على الله
واستغلي تعلقه فيك كدافع للوصول للافضل من ناحيتك وناحيته
يعني مستعد يكمل دراسته كلمي في الموضوع وقولي ابي تكمل دراستك وزي كذا
والله يوفقك ​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل