محتارة أريد منكم النصيحة ...

[طموحة إلى العلى]

السلام عليكم ورحمة الله وبركاته
مرحبا ياأخواتي البلقيسات ....
انا اريد مشورتكم بأمر وأبي منكم النصيحة والحكمة
أنا ان شاء الله ولادتي قريبة وطبعا راح اكون عند اهلي وقت النفاس ابي اسأل وشلون اخلي زوجي مايتغير بهذه الفتره ويحس بوجودنا انا وعياله ويمر علينا ويحس فينا من غير ماأقول او اطلب منه هالشي لأنه بولادتي الأولى ماكان يمر الا اذا انا قلتله او اطلب منه شي يجيبه علشان يمر ويشوفنا ابيه يوله علي وعلى عيالي انا افكر ماأكلمه ابد ولا أسأل عنه بس أخاف ينسانا ويتعود على فراقي او بعدي ويصير بينا جفا وتزيد الفجوه مادري محتارة اسأل عنه والا اطنشه ؟؟؟؟؟؟؟؟؟

 

[الزوجه الاولى]

الله يهون عليج ويسهل عليج ولادتج ان شاء الله حبيبتي لا تضيقين صدرج ولا تزعلين اذا هو طبعه جذي لا التعبين نفسج معاه حاولي انتي انج تشغلينه بطلبات علشان يزوركم او انج تجلسين معاه وتبينيله انج تشتاقين له وانج تبين تشوفينه كل يوم وهذا في راحه لنفسيتج حاولي معاه بكم طريقه وخلي بالج على نفسج وعلى البيبي وتركي عنج الزعل وطنشيه اذا طنشج

 

[dar es salaam]

طيب ليش ما تولدي في بيتك و تجيبي الشغاله تساعدك؟انا عن نفسي احب اكون في بيتي و هوا جنبي عشان يحس فيه و يحن عليا و انا تعبانه

 

[طموحة إلى العلى]

أختي الزوجه الأولى مشكورة وجزاك الله كل خير
أنا ودي أتغلى عليه وأشوف وش كثر بيسأل عني وأخاف انه يبعد عني زياده مادري وش الطريقة الصح؟؟
أختي dar es salaam مشكورة على تفاعلك وردك لكن أنا ساكنة عند أهل زوجي ولازم أكون عند أهلي .

 

[بااااتي]

والله انك حاله خاصه
الحين تعبانه على وش ولاده
وتفكرين فيه يختي ارحمي حااللك
وفترة الاربعين اعتبريها فترة نقاه وخليه يفقدك
طول الاربعين علشان اذا طلعتي
تلقين البيت كله هداياء
الشوق يجدد الحب
واذا على عيالك اشتري كل اللي تبين
قبل الولاده كل شي
واذا بيجي حياه الله واذا راح بسلامته
وبقوللك شي لو جاء في فترة الاربعين مو كل مره تطلعين له
علشان يشتاق للك
:9:​

 

[حبيبي تاج رأسي]

اهم شي حبيبتي الله يسهل عليج ان شاء الله وتولدين بالسلامه

ياعمري بلا ما تشغلين روحج ف التفكير بها الامور
سوي لنفسج برنامج طول فترة الأربعين واهتمي بنفسج عددددل عشان تطلعين من الأربعين وانتي زي القمر:32:

وحاولي طوال فترة الأربعين يا عمري تواصلج وياه ما يكون بس عشان الطلبات حاولي ترسلي له انج مشتاقه له ومشتاقه لحضنه ولمحي له انج ناطره هالفتره تعدي بسرعه عشان ترجعين له يعني من هالكلام اللي يعور قلبه ويجيبه لج :31:

يارب ياحبيبتي يهدي بالج ويسهل عليج ان شاء الله

 

[طموحة إلى العلى]

باتي ،حبيبي تاج راسي أشكر لكم مروركم وتفاعلكم
وأتمنى من الأخوات ابداء أرائهن ..

 

[papero0o]

اول شي اختي الله يقومك بسلامة

ثاني شي اتوقع من ثاني ولادة الزوج يجي لانة بيشتاق لطفلة الاول و زوجتة غير اول طفل توة ماحس بغريزة الابوة

اختي من الان خلي كل وقتك معه حب و بدون مشاكل و تجنبيها عشان لما تروحين يفقدك . و خاصة حطي كل شي يخصك بلغرفة كاتذكير فيك مثلا صورك عطرك قميص نومك .

و ترى مو لازم يجي كل يوم الزوج اصلا بيكون الوضع شوي ممل حلو يكون بينكم رسائل و غزل مثل اوقات الملكة و ترجعين له مثل اي عروس متغيرة و مجددة بشكلك

و الله يسخركم لبعض

 

[روحي مرحه]

الله يسهل عليك بس يمكن انتي كل فتره بصيطه تطلبين منه اغراض ويشوفك وبكذا مايحتاج يجيء عشان يشوفك
الفتره اللي باقي عليك دلعيه اخر دلع لين تروحين عند اهلك وان شاء الله يشتاقلك
بس انتي لا تطلبينه مده وشوفي
بس لو انا منك مابيه يشوفني فتره الاربعين واهتم بنفسي عشان اذا طلعت من الاربعين اكون بشكل اني
واهم شيء استخدمي الادويه الخاصه بالنفاس وبتوفيق