محتاجه مساعدتكم ياحلوات؟؟؟

[@ام الوتين@]

كيفكم ان شاءالله تمام ابدخل في صلب الموضوع على طول انا حامل في الشهر السابع وعقبال كل المتاخرات والله يتمم علي ويخلي لي اللي في بطني ويحفظه لي هو وابوه ويقومنني بالسلامه وطبعا هاذا اول حمل لي بعد ثمان سنوات زواج (هالت قصه حياتها ذي )المهم انا اراجع في مدينه الملك فهد الطبيه بس اني محتاره اولد عندهم والا في مستشفى اهلي لاني خايفه اولد قيصري لان المشيمه نازله عندي ولو لاسمح الله مارتفعت بيولدوني قيصري فاابغا مشورتكم اولد عندهم والا في المستشفى السعودي البريطاني ياله ابغا كل وحده تدخل ترد وراح ادعي لها لاني شايله هم الولاده وانوم في المستشفى:icon1366::icon1366::icon1366:

 

[دمعتي غاليه]

الله يتمم عليك بالسلامه وبصراحه مدينة الملك فهد افضل على ماسمع وانا والده بالحمادي بصراحه مره حلوين ومعاملتهم عسل .....الله يقومك بالسلامه:in_love:

 

[عيون حورية]

اول شي الله يتمم لك على خير ويهون عليك
وبعدين اختي مستشفى الملك فهد لا يعلى عليه وفيه اخصائين
واستشارين ومره حلوه العنايه عندهم وهم ادراء بحالتك سواء طبيعي ولا قيصري اهم شي سلامتك وسلامة البيبي وبعدين اختي لا تخاطرين ترا بعض المستشفيات اذا كانت اهلي اهم شي الفلوس انتبهي يقلون عادي بنولدك طبيعي والمشيمه تازله ترا خطر على البيبي والله يقومك بسلامه وعقبال ما تبشرينا با الولاده

 

[لمسه حنونه]

شوفي حبيبتي المستشفيات الاهليه تاخذون فلوس على انهم يوفرون لك النظافه والعنايه وطوالت البال والخياطه الزينه على اساس انك تولدين طبيعي بس اذا قلتي انك بتولدين قيصري افضل لك مدينه الملك فهد ان بصراحه الي كرهني فيها ان بعض الي يولدون الطبيعي رجال انا ما احب لانها صارت لاخت زوجي

 

[sosoooo]

ماشاء الله تبارك الله الف مبروك ياقلبي والله فرحت لك وانا مااعرفك ومابعد الصبر الا الفرج الحمدلله الله يتمم حملك على خيرانا مااعرف شى بالرياض بس حبيت ابارك لك يا االغلا وادعي لك وياليت تقولين لنا عن قصتك كيف حملتي ماشاءالله عشان البنات يستفيدون
الله يسهل لك ولادتك على خير

 

[محرومه من زوجي]

الله يتمم عليك ياقلبي,,,,,,,انا مو من الرياض عشان كذا اعذريني ماعندي معلومه

 

[haven]

الله يتمم عليا وعليج بخير؛؛بس المعذرة انا مش من الرياض

 

[@ام الوتين@]

مشكوريين جميعا على الردود وصراحه ريحتوني وشكلي بستخير لله واتوكل عليه واولد عندهم وبس

 

[oscarlady]

الله يسهل امرك ويكتب لك اللي فيه خيرلك يارب