محتاجه تجاربكم يامتزوجاااااااااات!!!!

[رحيل2009]

السلام عليكم ورحمه الله وبركاته


يمكن تذكروني لما شكيت لكم انو خطيبي من بعد ماطلع من الملكه مايكلمني ..

ولكن بعد اسبوع رجع كلمني لاول مره وكنت مره خجوله من المكالمه واللاقي صعوبه وانا اتنففس من الحياء وكـذا ,,:38:


المهم اللحين مقهوره منه بنكمل اسبوعين ومارجع يدق .. قلت بما انه مره ارسل لي مسج يمكن ينتظر انا ارسله شي واتحدث معه ببرنامج المحادثه .. وفعلا انا تقدمت بالخطوه بعده باسبوع لاني ماشفت لاحس ولا خبر وكـاني ابشره ان الصور طلعت وكذا وبعدها بقوله مابي اطول عليك تصبح على خير .. المهم بعدها صار يسولف معي محادثه وانا كل شوي اقوله وراك دوام اخاف لازم تنام " مع انه ماودي " بس قلت لازم اصير مؤدبه ومتفهمه :35:

قالي انه راح نكمل سهرتنا اليوم اللي بعده ومن بعدها لاحس ولاخبر ..:4:

قالي بجيك ان شاء الله بالليوم الفلاني من ضمن الكلام .. بس مستغربه من قله اتصالاته ورسايله .. حتى مايتصل يسأل ولاشي وتوقعت ان خجلي السبب لكني تقدمت خطوه ولا لقيت بالمقابل الشوق اللي توقعته ..:8:



بصراحه هو شكله مو ناوي يكلمني وبجي بالليوم اللي محدده .. فانا ابي اخذ استشاراتكم يامتزوجات كيف اكسب قلبه هل الخجل كثير ينفر الطرف الثاني .. وشنو اقدم له لما يجي ,, واي سوالف احاول لازم اتجنبها وشنو الحركات اللي ابيه يتولع فيني ويكلمني طبيعي مثل اي خطيب وخطيبته ..



تكفووووووووووون محتاجتكم .. ساعدووووووووووني !!!​

 

[دانة الشام]

اعطيه فرصة لاتستعجلي .. بعض الناس تحتاج وقت أطول من غيرها كي تدخل الجو وتكسر الحواجز .. اتركيه براحته وبما أنه يأتي لزيارتك معنى هذا أن الأمر مسألة وقت فقط ..وقد يكون زوجك من نوعية الرجال الذين يفضلون أن تكون العلاقة في الملكة رسمية بعض الشيئ ولايحبون إزالة الحدود بسرعة.. ولاتنسي أنه يعيش وسط أهل قد تكون عاداتهم وتقاليدهم في فترة الخطوبة والملكة تحتم عليهم أن يكونوا رسميين جدا جدا .. ربي يختار لك الخير.

 

[ماانكسر صابر]

يا حبيلك بس

حبيبتي اثقلي واكيد بتشتقين ليش ماارسل وليش مادق شي عادي

اذا جا يكفي نظراتك تولعه و اكيد بيتخذين عليه بس اصبري حبه حبه وبتتعودون على بعض

انتي تكلمي معه ان هاذا الشي يضايقك ليش مايرسل او يسال عنك وعوديه ان كل يوم يقولك احبك عشان الكلمه هاذي تنطبع بقلبك وينشغل فيك و ازعلي عليه اذا ماارسلك واعترفي بزعلك اذا جا عندكم وجلس معك وقولي وش طبعك وكيف تبيني اكون معك يمكن خطيبك مزاجي او من النوع الي ينسى او يبغا يكسر خجلك بتطنيش منه ويبغاك تدورين عليه

يا قلبي مع الايام راح تتعرفون على بعض و بعرفون ايجابيتاكم وسلبياتكم ولا تكثرين كلام معه لان الرجال مايحب الحرمه كثيره الكلام خلي كلامك بمستقبلكم وبنائه

وربي يوفقكم ويسعدكم