محتاااره .. بليز تعالوا قولوا رايكم

[قلب طفله..]

,
السلام عليكم ..
بنات انا بقولكم عن مشكلتي ,,
تقدم لي واحد عمره 22 سنه
وهو بكر امه .. يعني اكبر اخوانه ..
وانا عمري 19 سنه .. وهو يبعد عن منطقتنا يمكن 300 كيلو ..
وربي محتاااره .. احس العمر 22 سنه صغير مرره ..
وانا بعد احس لسه ماتمتعت .. يعني لو يصير اني اتزوجه وكذا ..ماني حاسه اني تمتعت زي البنات
يعني ابي اكمل دراستي .. ابي أحس بفرحة تخرجي من الجامعه .. هذا وانا اول سنه لي بالجامعه ..
الكل يمدح فيه .. بس اكيد لابد ان الانسان فيه عيوب وماتوضح الا بعد العشره ..
وبعد أحس امه صغيره ما اتقبل اللي كذاا وربي محتاره مووت ..
وانا بصراحه احس نفسي توني ع الزواج والمسؤليه.. بس اللي خايفه منه كلام امي تقولي ترا يمكن مراح يجيك احسن منه.. ويمكن تجلسين ومن هالكلام .. احس أثر علي كثير ..

والله أحترت .. لا تقولين استخيري استخرت اكر من مره وللحين محتاره .. شكلي بكره بقول لأمي خلاص مابي فكوني من هالسالفه .. والله لا ليلي ليل ولا نهاري نهار .. تعبت من التفكير ..

حسيت اني ابي أفضفض لأحد سجلت بالمنتدى هذا ..:32:

بليز ساعدوني

 

[دلع قلبه]

استخيري

وامسكي ورقة وقلم وسجلي ايجابيات زواجك وسلبياته
وبعدها وش ماكان القرار اكيد فيه خير وبركه لانك لجأتي لمدبر الامور وحده دون سواه
الله يوفقك ويكتب لك الخير وين ما كان..

 

[لمار9994]

انا اشوف اذا انه الكل يمدحه وفرصه لا تفوتينه واذا اهلك مرتاحين له وانتي كمان لا ترفضين وافقي واتكلي علا الله

 

[قلب طفله..]

بنات انا اللي شايله همه العمر 22 سنه

احس بعدين انا بكبر وهو يصير صغير .. وربي احترررت

واحس بعد مراح ينطر لي اني صغيره لآنه صغير بعد ..

 

[قلبي مملكة بنتي]

شوفي أختي مدامه صغير وانتي خايفة من امه صدقيني ابدماينفع لانك من البداية مو مرتاااحه وخلاص اخذتي عنه فكرة انه صغير راح تجلس معك طول العمر وفية رجال كثير اعمارهم صغيرة وتفكيرهم تفكير شيبااااان انتي استخيري وشوفي بس هذا رائي

 

[انثى استثنائيه]

ربي يوفقك ويسعدك

ياقلبي لاتستعجلين وترفضين كثثيييير يتزوجون وهم 22

بالعكس انا احس مناسب لك تفكيركم واحد

ربي ييسرلك

 

[الأمل المفقود]

== حبيبتي استخيري وتوكلي على الله ودامك استخرتي ربي راح يكتب لك الخير لاتخافين لانك الخيرة فيما يختارة الله لكـ
بس لاتستعجلين في قرارك وعادي انا تزوجت وعمري 19 وهو كان عمره 24 واكبر اخوانه

 

[الجوريه الحالمه]

لا تخافين اعرف وحده زوجها 22 واكبر منها بسنتين وبكر امه واخوه الثاني 7 سنين وامه صغيييييره ولها4 سنين متزوجه وباقيلها سنه ف الجامعه ودوبها مخلفه ومبسوطه لا تخلين الامور التافهه تخرب عليك اذا بس هاذا عيبه وافقي

 

[لامعه*]

تين رايي ورأي مجربه
لالالالالالالالالالالالالالالا انصحك بالاستعجال
ياقلبي عمره 22 يعني شاااب مررره صغير وبالهزمن ياقل منهو يعرف المسؤوليه

نصيحتي لك استخيري
وكملي دراستك
وربي الزواج بسن صغير مررره متعب وراح تتذكرين كلامي
بس عشر سنوات من زواجك بيكون تعبتي من المسؤليه وهم العيال ومشاكل الحياه وبان عليك الكبر
واللي بعمرك وماتزوجو الا بعد ماكبروا شوي
تحسيهم توهم معاريس معها ولد والا 2 وزوجها طاير فيها وانتي اكلت عليك المسؤليه

وربي انا تزوجت واصغر منك بسنتين والان عمري صغير بس اللي يشوفني ويشوف صديقاتي يحسبني اختهم العوده
تخرجوا من الجامعه وانا على الثانوي واكرف بالبيت
نصيييييييييييحتي لك دارستك اولا رفهي نفسك نوم ودلع بلا مسؤليه لساتك صغيره

وبالاخير كل شي قسمه ونصيب
دعواتي لك بالخيار الاصلح

 

[قلب طفله..]

الله يسعدكم .. طمنتوني شوي ..

 

[وردة ذبلااانة]

نصيحه لاتتزوجين الحين
انتي صغيره واهو صغيير
ماااينفع عمره صغيييير والله ان تعجزين واهو توه بعز شبابه الرجال مايعيبه شي
نصيحتي لاا
تمتعي بعمرك بس بلا زواج بلاهم
لاحقه على غثى هالرجال اللي مايخلص
وكلام امك اللي يمكن محد جايك قولي لها الرزق عند رب العالمين!:24:​

 

[**بحر الأمل**]

تين رايي ورأي مجربه
لالالالالالالالالالالالالالالا انصحك بالاستعجال
ياقلبي عمره 22 يعني شاااب مررره صغير وبالهزمن ياقل منهو يعرف المسؤوليه

نصيحتي لك استخيري
وكملي دراستك
وربي الزواج بسن صغير مررره متعب وراح تتذكرين كلامي
بس عشر سنوات من زواجك بيكون تعبتي من المسؤليه وهم العيال ومشاكل الحياه وبان عليك الكبر
واللي بعمرك وماتزوجو الا بعد ماكبروا شوي
تحسيهم توهم معاريس معها ولد والا 2 وزوجها طاير فيها وانتي اكلت عليك المسؤليه

وربي انا تزوجت واصغر منك بسنتين والان عمري صغير بس اللي يشوفني ويشوف صديقاتي يحسبني اختهم العوده
تخرجوا من الجامعه وانا على الثانوي واكرف بالبيت
نصيييييييييييحتي لك دارستك اولا رفهي نفسك نوم ودلع بلا مسؤليه لساتك صغيره

وبالاخير كل شي قسمه ونصيب
دعواتي لك بالخيار الاصلح

كلام سليم

 

[فديتة الغالي]

عااادي سنك مناسب لزواااج خيتووو

ودائمة انسان طيب وافقي علية

انا تزوجت وعمري 18 سنة وزوجي 24 سنة

وعايشين احلى عيشة الهم صلي على النبي

وصاار الي 11 سنة

 

[بقعة ضوء]

ما أنصحك تتزوجي .. هو صغير ومن منطقة بعيدة عنكم .. وانتي توك تدرسي ..العمر قدامك

 

[بريق الحب]

بي العكس سنك منا سب لي الزواج وحلو الزواج بي سن صغير حتا بناتك وعيالك يكونو قريبين منك ودا كان عن عمره حتا هو رجال قبل كم يوم رحت زواج اخوات الاواله 14 سنه واختها 16 سنه والعرسان اخوان واحد 19 وتاني 21سنه والله تعجبت لا والشباب هم الا مزوجين نفسهم بيت متشاركين ومعمرين وكل واحد له وضيفه مشاء الله ناس حق مسواليه

 

[2010 lulu]

استخيري الله ياقلبي وهو اللي بيخير لك الخير فين ماكان

 

[حلاوة وشقاوة]

حبيبتي الزواج مايعتمد بس على العمر الزواج على الحب والتفاهم...
وانا لو مكانك بقبله طالما انه مافي عيب في اخلاقه ولادينه ولافي شكله..لاتنسي انه الرسول صلى الله عليه وسلم تزوج السيدة خديجة وكان بينهم فارق في السن ومع هذا كان الرسول صلى الله عليه وسلم يحبها....
وهذا كلام الرسول صلى الله عليه وسلم..((اذا جائكم من ترضون دينه وخلقه فزوجوه..الى اخر الحديث..)))
المهم انه الشرع احل ..واستخيري وتوكلي على الله والله يسهل امرك...

 

[مهجوله]

توك صغيره وهو بعد صغير لاحقه على الشقى ليش مستعجله

تمتعي بحياتك ومستقبلك والزواج موكل شي باالدنيا بكره يجيك اولاد وتنحرمين من الدراسه ومن الوظيفه

 

[قلب طفله..]

الله يجزاكم خير .. انا قلت لآمي اليوم خلاص بطلت اقبل فيه ..

هو الحمدالله يمدحونه بس العمر والله مقلقني .. احس 22 سنه صغيرر مره وانا ماحب الاعمار هذي ..

أحس يصير متسلط .. أنتم رايكم ؟!

 

[قلب طفله..]

up




,