مجروووووحة من يساعدني

[مجروحه بالصميم]

اهلين كيفكم يابنات عندي مشكلة ولاعرفت شلون اتصرف انا متزوجة من خمس سنين وعندي بنتين صغار وكنت مرتاحة مع زوجي لحد مالقيت اليوم جواز سفرة بالصدفة اتاري زوجي المحترم كان يسافر سنويا برا المملكة مرة الاردن ومرات سوريا ولاكان يقولي ماقالي الاهالسنة طلب مني اوافق على سفره لماليزيا وقال اول مرة اسافر يحياتي وصدقتة ووافقت غصب واليوم اكتشفت انة راح لسوريا ماراح لماليزيا كان يكذب علي ياناس بنجن ليش يسوي كذا؟؟يحطني عند اهلي ويروح بدون علمي وش الحل؟؟؟؟

 

[بنت نآس]

مادري وش اقولك.
ما اقول الا حسبي الله ونعم الوكيل على الحريم خطافات الرجال الله ينتقم منهم يستغلون ضعف الرجال قدامهم وياخذون منه فلوسه وللي يبون..

من رايي لاتوضحي له انك عااااااااارفه انتبهي

سوي الوضع طبيعي حاليا الين ندبر لك خطه جهنميه

لي عوده بااذن الله بعد ااستشارة صاحبات الخبره

 

[مجروحه بالصميم]

المشكلة اني دقيت علية وهاوشته وسكرت الجوال والحين يدق ولارديت علية وش اسوي احترق من داخل

 

[اشراقه جديده]

طنششي الزم ماعليك نفسك
ووالموضوع يبي خطه ما تخرش الميه
وانتي لا تنسي الدعاء والصدقه والاستغفار
موفقه

 

[خلودالحربي]

آآآآآآآآآآآآآآآةةةةةةةةةةة ع ها الجرح وين نروح ولمين نشكي مااقول غير(((((((((((((ليت الجروح قصاص وناخذ بثاري واجرحة جرح مايداوية الطبيب)))))))))))قول امين معي واله ان شاء العلي القدير ياخذ حقنا منهم عاجل غير اجل اختي...........اذا انت مجروحة بسفرة كيف انا مجروحة بزواج زوجة 2عشان المال لانها موظفة وحصلت منة انواع العذاب والصد والهجران...اتمنى من تقراء لي تدعي لي ان الله ياخذحقنا منهم عاجل غير اجل ....

 

[مجروحه بالصميم]

الف شكر للاخوات اللي ردوا علي لكن للاسف مالقيت حل لمشكلتي صراحة جاني احباط كنت متآمله خير لكن الشكوى على اللــــــــــــــــــــــــــــــــــه

 

[الحائره جدا جدا]

حسبنا الله ونعم الوكيل

والله انه شئ صعب

ماادرى ,,, افكر فيها وارد لك



​

 

[أم أحلى ريما]

ما حبيت اطلع بدون رد
حبيبتي ادعي رب العالمين في اوقات الاجابه ان يحفظ زوجك ويرده لك ردا جميلا واستودعيه بالله
وهو الحين عرف انك موراضيه يوم انه يتصل وماتردين خليك حازمه معاه وبالتفاهم ان شالله تنحل اموركم
بالتوفيق يالغلا

 

[الكبيره غاليه]

انتي لما كنتي ماتدرين كنتي مرتاحه ,فلو ما فتشتي وراه كان احسن لك واريح ساعات لما الواحد مايدري افضل بكثيير لانك الحين دريتي شنو راح تسوين ماراح تقدريين تمنعينه
وزين انه استاذن منك مع انه مو مجبور خلينا واقعيين المراه ما تملك تتحكم بالرجل بعكسه
الا اذا كانت ناوييه على خراب بيتك انتي ما لك الا الدعاء وكثري من الاستغفار

 

[سـمـاء]

الحل عنده
اساليه ليه يكذب عليك
بس ياخلفهم بالهدااوة لا تنفعلين

 

[طهر الطفولة]

السلام عليكم ..

اختي المجروحه : أسأل الله لك الثبات والحكمة والصبر والله تألمت معك الله يكون بعونك .

المفروض انك ما هاوشتيه ولا سكرتي بوجهه ولازعلتي بالعكس كذا بتكون له فرصة فترة زعلك بياخذ راحته ..انا ما اقول كذا ازيد همك بالعكس انتي كأختي وبوضح لك رأي وانتي شوفي بس إذا صاب الجواب ولا بلاش لاني لسى ببيت اهلي ومدري عن الشعور تجاهه ..لكن عامليه بافضل من قبل مو علشانك مقصرة بالعكس لتشبعيه حتى لا يرى غيرك ولا حتى يفكر لانه خلاص ما فيه وقت يفكر بغيرك ...

الله يسعدك ويوفقك ويرده لك ردا جميلا ..

ويعوضك عن حزنك وجرحك بالخير ..

وتقبلي مروري ..

 

[بركان المحبه]

رأي وبكل صراحه ...

أنتي كنتي مرتاحه وإنشاء الله تضلين مرتاحه على طول ... بس حطي لهذا الشي حد ولاتخلينه يحسبك مغفله طبعا مو بالصراخ والزعيق بالتفاهم مع توضيح الأسباب ...

وفهميه خلاص ماراح توافقين على سفره إلا رجلك برجله ..

وأتمنى محد يدعي على أحد هذا زوجك أو يوم من الأيام كان لا تسوا العشره مهما كااااان قولوا الله يهديهم ويصلحهم ويرجعهم إلى عقولهم ... آآآآآآآآمين ويصلح لنا أزواجنا ياكريم ..​

 

[راحتهابدمعتها]

ياربي

والله الرجال ماادري وش صابهم

الله يعينك ياقلبي ويصبرك على مابلاكي

 

[مجروحه بالصميم]

اشكركل من ساعدني بالراي والنصيحة والله العظيم ونعم الاخوات محبة صافية صادقة ساعدتوني بعز محنتي واستطعت تجاوزها وتخطيها الحمدلله بفضل الله ثم نصايحكم الصادقة
اليوم انتهت مشكلتي مع زوجي وتفاهمنا ووعدني انة مايسافرمرة ثانية واستسمح مني المهم اني اخذت الجواز عندي بعدمعاناة وقلت اختارانا والاالسفر ورمى علي جوازة قال الاانتي
ادعولي يالاستقرار والثبات مع اني اتمنى ان زوجي يكون صادق لاني سبحان الله ماعندي ثقة في كلام الرجال ؟؟لكن لازم نصدق علشان المركب يمشي:24:
الله يهدي الخواطر واالله ان كل الحريم مايبون الا الاستقرار والراحة النفسية البعيدة عن المشاكل والكذب والخيانة يحلمن بعالم وردي:32:كلة حب وسعادة
والشهـــــــــــــــــــــــرمبارك على الجميع